لكزس LS600 H أكبر و أفشل محرك أنتجته لكزس .

يارجال انت تفهم من ؟؟
قلنا من قبل انها محرك هايبرد (( يعني الهدف منه الاقتصاد في تكاليف التشغيل والاستخدام )) وحتى الـ 460LS ماصممت حق مطارحات وسباقات ......
الشباب مايقسمون السيارات حسب نوعها ,,,,, يعني سياره صممت في الاساس انها تكون فخمه يعيبونها لانه لومينا اس اس طافتها ولا بورش راحت عنها؟


صدقوني ياجماعه , اللي بيشتري لكزس مايشتريها للمطارحات والسباقات ولا حتى يهمهم انه يكون تسارعها مثل البورش ,,,,,,,,,,, واللكزس متوازنه في كل شيء ومافيها شيء يعيبها عن غيرها , بالنسبه لي اللكزس تفوقت على كثير من السيارات الفخمه وفي نفس الوقت ما أقول انه الالماني تعبان بالعكس الالماني ممتاز لكن اسعارهم الصراحه صارت خياليه ( S500 الجديد صار بـ 700 ألف ريال , بينما اللكزس 460 وهي في نفس المستوى سعرها بـ 300 الف تقريبا )

وكلن يركب على قد فلوسه ,,,,,,,


:confused: :confused: :confused: :confused:

بليزر ومايباخ الله يستر عليك انا مره شوفت كرسيدا تطرح بوغاتى هههههههههههههههههههههههههههههههههههه

الله يهديك اخوي الله يهديك

ملخص الكلام :


موضوع يشتكي من قوة السيارة والسيارة أصلا هايبرد من اجل نظافة البيئة..

موضوع يتحدث عن سيارة ليست مخصصة للمطارحات ولا الريسات !!

الموضوع تحول إلى أن اللكزس زبالة والألماني قمة !!!

موضوع تحول إلى تعال وعق الكلام بدون علم ولا معرفة . !!


وما أقول إلا ان اللي مايطول العنب حامض عنه يقول...


ناس ماعندها لكزس ولا جربت لكزس ولا شمت ريحة اللكزس تتكلم عن اللكزس !!!

وناس حلمها ألماني ولا عمرها ركبت ألماني وقاعده تتمدح به !!

وناس الله يستر عليهم يقولك بليزر مع مكينة 12 سلندر ..


بس ياجماعة .. لو ماتعرف تتكلم اسكت احسن !!

الحوار خرج عن الموضوع الاساسي!!!!

نديييييييم هههههههههههههههههههههه ياخي تكفى تعال بحبك على رويسك ههههههههههههههه

ياخي انت ساكن في مخي انت هههههههههههههههههههههههههههههههه

تعرف وش افكر فيه ماشاء الله عليك ههههههههههههههههههههههههههههههه

مارلبورو كنك تقول اني كذاب يوم اقولك ان العداد خرب بالشمس
ا
,,,,,,,,,,,,,,,,,,,

لامبادا البليزر مايفصل عند 180 بالعكس يجيب طبلونه كله 200
مستعد اصور لك الطبلون حقه عشان تتأكد بنفسك
وصح ان الماي باخ 12 سلندر ومدري وش بعد لكنها ثقيله جداً والمفروض عالاقل نكون قريبين منها لكنها تبعد بكثيير ماشاء الله

يعني كنك جايب لومينا اس اس مع صني موديل 99 يتقاومون < فرق هههههههه


تحياااااااااتي

:D




















[/CENTER]

مو أنت سألتني وش السيارة اللي تشقق طبلونها هيا أسلوب ردي وش جابه هنا؟؟ المفروض ماأشوفها :D


إذا أنت تستخدم ألماني فالله يهنيك بيها لكن أنا عن نفسي مو مطمئن لها ومو مستعد أدفع مئات الآلاف عشان أقلق عليها وماأستحل فيها

الفولفو سويدية يعني اوروبية اجمالاً عشان كذا دخلناها بالحسبة

ومن قالك ان السيارات الالمانية تتعطل لاوقفت بالشمس.ياخي ترا حنا نستخدم سيارات المانية يعني قل كلام يدخل العقل





بأرد عليك بنفس أسلوبك اذا مايضايقك.....

ياخي السواليف هاذي صارت مكشوفة وقديييمة

(قريبي معاه لكزس وصارت معاه كذا)

(قريبي معاه جمس وصارت فيه كذا)

والكلام اللي قلته سيارتي ماصار فيها كذا

هالكلام تصير مرة وإذا ماصخة مرتين لكن عامة الناس ماتشكي منها ولا ليش هي مرغوبة؟؟


وفعلاً الفولكس واجن مرغوبة ومبيعاتها بالهبل..وفوق كذا كنا نتكلم عن السيارات الفارهة والفخمة مدري وش دخل البورا :confused:




مع التحية،،، |3|

ياخوي ولا طعنت ولاشي لكن أنا قاعد أسأل ليش السيارة الألمانية تعطل لما تتركها تحت الشموس؟؟

الفولفو سويدية وماأعتبرها من السيارات اللي مش عملية لاني شفت واحد ماشية 245 ألف وسوا بها حادث مرتين الله يبعدنا وياكم من كل شر..

وفيه عندنا موديل 94 مع إنه مكينتها تشتغل بس سلندرين (هي أربعة سلندر بس 2 منهم شبة معدومين)
بس فيها عزم مو صاحي بعدين وديناها عند متخصص فولفو عشان نوضب المكينة بس المهندس الحيوان
قعد يسرق قطع من ورانا ولما كشفناه ضربناه كف وخذينا السيارة :mad: وبعناها تشليح لعدم وجود قطع..

يعني خلي الفولفو على جنب

على فكرة السيارة اللي تشقق طبلونها فلكس واجن بورا موديل 99

يؤؤؤؤؤؤؤؤؤؤؤؤؤؤؤؤؤؤؤ الرجال يقولك فولفو 2001 تقوله قديمة :D

معناتها انت تطعن بجودة المواد المستخدمة للسيارات الألمانية الفخمة من موديل 2001 وطالع


ممكن تقولنا وش السيارة الي استخدمتها وتشقق طبلونها :D وموديلها من 2001 وطالع |11|


ولاتقولي متعصب انا اتناقش معك بحيادية... |3|

ياخي السواليف هاذي صارت مكشوفة وقديييمة

(قريبي معاه لكزس وصارت معاه كذا)

(قريبي معاه جمس وصارت فيه كذا)

والكلام اللي قلته سيارتي ماصار فيها كذا

هالكلام تصير مرة وإذا ماصخة مرتين لكن عامة الناس ماتشكي منها ولا ليش هي مرغوبة؟؟



للأسف كلام من تعصب :(


اللي فهمته سياراتك كلها قديمة

القديمة مو مثل الجديدة

وتحياتي

اخوي في بيتنا امتلكنا ثلاث سيارات اوروبية الاولى فولفو موديل 85 والثانية ساب موديل 98 والثالثة فولفو موديل 2001 ..
تعال وشوفهم بنفسك .. الفولفو الـ 85 بعناها على واحد نعرفه وتوي شايفها من شهر وربي كانها جديدة رغم انها ماعرفت شي اسمه قراج بحياتها كلها ..
اللكزس هي الافضل بالاعتمادية والكرف صح هالكلام واللي يقول غير كذا يغالط نفسه .. ولكن الاوروبي بشكل عام ليس بذاك السوء اللي انت تتصوره ..

الرجال لما قال الكترونيا معقده ما يقصد معقده بالنسبه للمستخدم
المعقد هو كيف تقوم الكمبيوترات الموجوده في السياره بتحويل أمر المستخدم الطرفي الى اشاره الكترونيه ثم الى أمر ميكانيكي و كيف تقوم السياره بقراءة ظروف القياده و وضعيه الشوارع لتحديد قوة التعليق مثلاً و كيف نظام مثل مثبت السرعه الذكي ACC يقدر يستعمل افرامل من نفسه بدون تدخل السائق و يحدد المسافه اللي فيه خطر
العمليات هذي لا تستهين بها أبدا
مثل هذي العمليات في غاية التعقيد
أضف لذلك أدوات التشخيص الموجوده في السيارات الالمانيه Diagnostic tools

هل تعتقد ان عملية مثل هذي عمليه سهله

المشكله ان أكثر الناس اذا سمعوا كلمة كمبيوتر يعتقدون الن الكمبيوتر هو ال HMI اللي موجود في مقصورة الركاب
و اللي شغلته كلها في النظام الملاحي و الامور الترفيهيه

و تنسون ان كل شيء في السيارات الالمانيه منظم بكميوترات كثير
التعليق - الفرامل - التشخيص - الاضائه -
كلها لها كمبيوترات تنظمها

من ناحية جودة المواد في السيارات الاوروبيه و طبعاً هنا نتكلم عن السيارات الفارهه أو الفخمه فهذي لا نقاش فيها عملية تشخيص العطل و حساب أعمار القطع الاستهلاكيه في السياره مثل الفرامل و غيرها تطلع لك

اول مره بحياتي كلها اشوف واحد ينتقد المواد المستخدمة في تصنيع ديكورات السيارات الألمانية :D


جب لي سيارة المانية (بي ام - مرسدس) طبلونها متشقق من الشمس...والموديل مفتوح عندك يعني لو تجيب وحدة موديلها 1970 ماني معترض :D


بعدين من قالك ان الالماني يخرب من الشمس :D شفها تنكرف كرف الحمير بشموس الرياض وتمشي ماقالت لا |11|

يعني بصراحة بعد المثال هذا أنا اقتنعت أنه الوزن ماله أي علاقة بالتسارع.

الحقيقة هذا محرك هايبرد وفي الاساس وجوده واستخدامه محدود جدا وهو في امريكا فقط ... وحنا في السعودية ما نحتاج لهذا النوع من المحركات لان السبب وبكل بساطة " البنزين رخيص" ودمتم سالمين