ايهما أفضل الفورد أم التويوتا ؟

انا فوووووووووورد
خخخخخخخخخخخخخ

ان عندي صديق عنده فورد مونديو موديل 2005 ولا اشتكى منها شي
و السياره ثابته جدا و قويه و فخمه
و بالنسبه للميركوري ميلان اكيد بتكون احسن من الفورد لانها الماركه الفخمه لشركه فورد فلا اعتقد ان مستواها او جودتها تكون اقل من الفورد

وبعدين اي طراز تبي من تيوتا عشان اقدر اقارن لك بينهم ؟

التويوتا وارفع راسك

اولاً من الواضح والواضح جداً تعصبك لشركة تايوتا

ثانياً حتى أسماء شركة فورد وأسماء سياراتها مو عارفها

ثالثاًَ كلامك صحيح عمر الياباني ما تقارن برمز الفخامه ورمز القوه الامريكي

يا أبني أسمه بس يكفيك معك أمريكي :)

غير كذا من الظاهر انه معك شاص فابالله عليك عمرك ركبت الفورد أساساً

الشئ الأخر من الظاهر أيضاً تمسكك بأراء الشيبان تايوتا تايوتا تايوتا

ترى الان الوضع تغير يا أبني وفيه سيارات لو تجلس 100 سنه ما تصنع تايوتا مثلها

بالختام اتمنى لك رحله ممتعه بالشاص :D

بالتوفيق يا غلاي ,,,

|1|

كلامك صح|1|

الحمد الله على نعمة العقل اعذروني شباب

شجاب الفورد للتويوتا

شجاب الامريكي للياباني

حرااااااام افهموو


يابوي اذا تبي تقارن الفورد قارنها مع شركة رينو احسن لك ولا مع الكيا


انا اقولها مو من باب التعصب


منافسات تويوتا الجي ام سي والنيسان والشركات الكبيره


مو الفورد والميركري

ابوي كان معه فورد اكسكيرجن وممداه باعه موديله 2005

فضي

والحين معه vx-r

وانا سايقهن كلهن مافيه مقارنه


وقبل اشتري الشاص حقي كان الاكسكيرجن دايم معي

ماينفع ولا بريال

اسمحولي على الاطاله بس الموضوع استرعى اهتمامي


وبالنهايه انت جربهن واحكم

ايه صح كلامك كنت اسوق كامري 2000 ومليت منها وبعدها طلعت جراند ماركيز 98 وحسيت بفرق كبير من الراحه والرساوة ومستحيل ابعد عنه لاني للحين القيت سيارة بمستاوة ومع سعره

اخوي جرب وشوف وانت الحكم لان اكثر من سالت لقيت انهم مبرمجين على سيارات ابوجميل مع العلم انهم يذمون فيها ويشترونها
الفورد تغير عن زمان انا معك انه زمان كانت السيارات الاميركية تفتح الكبوت والحين غيرت نظرتي لها مع العلم كنت ناوي اطلع كامري سبورت ايفو بس سقت الجراند (تأجير) من اسبوع وطلعته
استخير وانت اللي تحدد وش وع السيارة اللي تبيها
ملاحظة:الدفع الامامي اسرع تطور من الدفع الخلفي من ناحية الكماليات والاكسوارات

أنا اللي أعرف مع إحترامي إنه ماطور التويوتا 100من 100 لكن مع الصيانه

أما بدون إهتمام ولا صيانه أنسى أنه إسمها سياره تقدر تسميها حمار أعرج

الفورد فخامه + قوة ماطور+ بودي شكل محترم+ عزم أعللى ويدوم لأطول فتره

هذي من وجهة نظري وأنامجرب لتويوتا وبعدين ريحت بالي بفورد موستج

والسلام ختام يا أخوان

فورد وتوكل على الله

صديقي نايف(تعرفونه)مطلع كورلا جديد 2007

وسافر معي في الفورد

والله ناوي يبيع الكورلا ويشتري كراند ماركيز.....لونها فضي ....رقم لوحتها ,,,123أب ت

ما فيه مقارنة بين التاتوتا والفورد

وخاصة لو كانت التايوتا كامري

اما الافالون ممكن

ياناس وش فيكم متخوفين من الفورد
والله العظيم انها موتر ماشاء الله
الايام القديمه اللي كنت تشتري امريكي وبكل شارع تقعد تفتح كبوته ولت
خلاص راحت هالايام
الان اصبحت شركه قويه وبالعكس انا اشوف انها الافضل ولله الحمد اسعار معقول مقارنة بالياباني حتى بعد البيع
مثل قطع الغيار والصيانه لاني فعلا جربت الاثنين الياباني اسعار سياراته شبه غاليه واذا شريته وجيت تسوي صيانه
ابتلشت بعمرك باسعار قطع الغيار وهي حقيقه فعلا محد ينتبه لها

نصيحتي لك توكل على الله وخذ لك كراون فيكتوريا او قراند ماركيز وراح تدعيلي ان شاء الله

والله ونعم كراون فيكتوريا وبس
فلوسك في مكانها

وانت الكسبان فورد فكتوريا قويه وعمليه بس بشرط تكون جديده

تحياتي
ومبرووك مقدمًا

الميلان سياره ممتازه وأعتماديه أكثر من منافسيها

من أخذتها من شركه وكرف ليل نهار فيها مأشتكت من شي

ومكيفها 100 %

وماتصرف بنزين أبدا" وفيها فخامه أكثر من الاكورد 6 والكامري جراندي

وأقوى ,,

وفي الخط كأنك راكب فورد كروان فكتوريا ( محى يفهم الميزه هذي الى أصحاب الفوردات)

أنا مأقول رأي من باب تعصب

لكن مجرب سياره والى الان عندي

وسامحونا على الأطاله

انا اضيف صوتي لـ الباش مهندس
خذ لك مرسدس لو عالاقل شبح موديل 98 جداً رائعه وراحه ورساوه واذا تبي جديد وكاله
خذ لك كراون فكتوريا

وقبل كل شي عليك بالاستخاره
وبالتوفيق

تحيااااااااااااااتي

كلتا الشركتين تمتازان بلجوده العاليه ...

واحتياجك هو من يحدد نوع السياره اللتي تريدها ....

اذا كنت تهوي السفر لمسافات بعيده فخذ كراون فيكتوريا من دون تردد ..

اما اذا كنت تهوى الطرق البريه والدفع الرباعي فتويوتا هي الافضل سواء بلراف فور او الفورتشنر ...

حدد استخدامك وماذا يهمك وباذن الله نساعدك قدر المستطاع ...

أخوي الميلان توها نازلة وصعب أننا نحكم عليها قبل التجربة ..

نظري أنك تصبر اذا ماكنت مستعجل أو تاخذ مازدا أفضل

تحياتي