صرفنا الكابريس SS ،، والآن محتار للـ ES350 (( هل تنصحوني بها لكل من جربها ))

[M .N. N]

بسم الله الرحمن الرحيم

صراحة أنا الآن صارلي 4 أشهر وأنا محتااار جدا

ولم أجد بديل للكزس أبدا

طبعا كنت شايل من راسي الـES300 ،، لاكن بعد نزول الـ ES350 فكرت من جديد

وخاصة أن الكابريس 2005 وجديد إذا مشيت فيه 200 صوت التنسيم مزعج ،، ولا يوجد فيه ثبات يذكر ،، لاكن لن أنسى قوته الوحشية


مارأيكم بها هل تستحق أن يدفع بها 145 الــــف

طبعا الأسباب اللتي جعلتني أحاول صرف نظري عنها هي الرديف لها الكامري

1- دفعنا أكثر من 90 الــــف لكامري 2003 جراندي بوقتها بالأخير نجدها لا تستحق أبد غير جودتها وقطع غيارها

2- أنها دفع أمامي وهذا سبب قوي >>> وعندي أعتقاد بأن أي سيارة دفع أمامي لا تكون سيارة فخمة وتستحق والدليل 430 دفع خلفي


الأسئلة :
هل هي ثقيل وزنها أم أنها عادية ومثل الكامري أو فرق بسيط ؟

هل يوجد بها تنسيم أو دخول الهواء مثل الكامري أو مثل السيارات الأوربية الفخمة ؟

هل تستحـــق الـ145 الـــف ،، بالفخامة والرااحة والمستوى العالي أم فقط لأنها من لكزس وجودتها عاليه

هل بإمكاني تجربتها لدى أي وكالة ؟

وهل يوجد بها خاصية زر الراحة وزر الرياضة >>> سمعت عنها يوجد بجيب 2003 لكزس الصغير ؟

هل إذا قدتها ومشيت بها 240 ما أحس بشيء زي الفياقرا أحس أني راكب سيارة صح ،، والا زيها زي الكامري؟




وأرجوا أن توضحو لي وترسموا لي صورة عن اللكزس >>> طبعا بالكلام مو ترسموا بالرسام




وآسف ع الإطالة .


0
0
0

[A L H A M O O R]

حرام عليك أخوي MNN
من سيارة وحش الى سيارة صغيرة !!
من مكينة 5700 الى 3500 !!!!
اذا كان العزل بعد الـ 200 هو السبب
ما أظن انك تتهور دايم وتمشي فوق الميتين
يعني أتوقع انك مهوب دايم تمشي 200
وذا تبي العزل التمام فوق الـ 200 ما أتوقع تحصله في اللكزس
أنا ما أقول انها بايخة الـ ES350
بس يأخي في فرق بينها وبين الـ SS
صحيح انها فخمة واقية وهادية
بس يظل الـ SS أفضل منها بمراحل (((((( من وجهة نظري ))))))
المهم اذا كانت داخله راسك
تراها حلوة وأفخم من السابق وتستاهل سعرها
بس ما أظن ابو جميل راح يخليها على نفس السعر !!
وعلى فكرة عندنا في الرياض
اذا صرت تبيها بشاشة يبي لك فترة عشان تستلمها
وعلى حسب اللون بعد
أما بدون شاشة الاستلام ما يطول
أتمنى لك التوفيق

[CamSHAFT]

شوف اخوي,
اللكزس هي السيارة الوحيدة اللي ما اعرف احد اشتراها وندم (اطلاقا)
في جميع السيارات (تويوتا - هوندا - ميتسوبيشي - هونداي - نيسان - مرسيدس - شفر - فورد - BMW - دودج), او اي شركة اخرى ممكن تشوف واحد نادم, بس اللكزس ما اعرف اي واحد اطلاقا ندم عليها وغالبا ما تسبب الادمان ولو باعها اشترى لكزس ثاني
اعرف واحد بس ندم عليها لأنه تعبته بمشاكل وحوادث والسبب والله اعلم انه عين على السيارة
أطيب تحية

[كامري]

Night Hawk
صحيح كلامك اخوي ماعمري سمعت احد ندم على اللكزس

على العموم اخوي اللكزس موتر راحه رساوه دلع فخامه هدوء كل شيء وعلى فكره انا ماادري ليش صرفت الـ SS تبي تحس بالفرق بينها وبين اللكزس تبي تذكر الوحش والقوه الجامحه والرعب بس اخوي انت شكلك مجنون سرعه صاحي انت تمشي 200 اخوي السرعه غلط حدك 160 بالكثير وشوله 200 انت تشتري سياره عشان تترزز وتكشخ وتريحك ولا عشان تصفي هالطبلون بطريق القصيم الرياض وانا اشوف ان الا اس اس حسافه راح بس المهم اللكزس يكفي اسمها

وعندي سؤال ليش صرفت الـ SS خبطت عليك ماامداك قريب شاريها ليش صرفتها وبهذا المحرك المرعب 5700 ؟

وسلام

[TOKYO]

اللكزس سياره أكثر من رائعه

وفيها ثبات طبعاً اكثر من الكامري وأفخم

وهي تتحمل المشاوير ( والكرف ) زي ما يقولو

وسياره بصراحه تستاهل

حتى لو طاب خاطرك وتبي تبيع تبقى ما سكه سعرها

طبعاً راح تفقد القوة اللي في الكابرس

واي سياره أقولك ثابته بعد الــ 200 قله أستريح

أنا جربتها فيه فرق بين الثبات والرساوه

الكزس مش راسي ولا ثابت بعد الــ 200 مثل ما تتصور

ولا تقارنها بالألماني

أنا جربت الألماني حتى 260 ثابت وراسي

الكامري لحد 220 تحس أنك تبي تطير والطاره مش في يدك

الكابرس سياره بس عيبه الصوة لما تمشي بسرعات عاليه وثباته مقبول يعني

بس مش مثل الكامري

ولا تقارنه بالكزس

اللكزس اللي اتكلم عنها وجربتها 430

وأكيد أن باقي اللكزس ما يقل جوده عن 430 ألا بشيء بسيط

هذا كل اللي عندي

والرأي الأخير لك

وربي يوفقك ويرزقك بالطيب

ويبارك لك في الكابرس وفي الكزس وفي الكامري

أمين

[V12 AML]

اهوي انا عن تجربتي للكزس اي اس 350 الى الان ما شفت فيها شي ولله الحمد

فخامه وراحه ولا تسمع صوت اللي في الخارج

وبالنسبه لسعرها فهي تستحق السعر وما راح تندم اذا اشتريتها

لكن......

اذا تبي تسيخ فلا تشتري اللكزس

او اشتري اللكزس is الجديده راح تنزل ان شاء الله في رمضان والسياره رياضيه وخطيره مررره

[عاشق الاوبل]

انا

مــــع اخـــويــ(( الهامــــــــور))

كلامع صح 100%

تحياتي لك

[ابـــو صالـــح]

بالعكس انا اؤيد الخطوه الرائعه اللي بتسويها اهم شي ابعد عن الامريكي وخاصه الكابرس

اذا السنه هذي مشت معك ماراح تعيش باقي السنين لانها قوه علىى سياره لاتتحمل الكرف اليومي

انا معي لوميناS 2003 نواع السرعه 180 الىى فوق ال 200 الحين لها ثلاث سنين تعال اسمع الاصوات المزعجه

السياره تحسها تفككت مع الكرف وهرقلت وديكورها البلاستيك من اردى الاشياء يعني بالمختصر تندمت عليها

باالله عليك من ناحيه نفسيه هل ترتاح بقوة محرك وانت تسمع تحتك طقطقه واصوات ماتدري وشهي

تروح تفككها وتربطها من جديد لكن الاصوات تظل نفس ماهي

شووووووووووووف اذا معك فلوووووس لاتععدىى الالماني
مامعك فلوووس خلك علىى الياباااااااااااااااااااااااني


وانصحك باللكزس فهي تحفه يابانيه منسوجه بطريقه ألمانيه


اقول لأخوي الهامووووور
ياابن الحلال اي شاب معه سياره امريكيه مستحيل تعيش معك اكثر من ((ثلاث سنين))
بالمختصر لازم يصرفها لانه راح تبدء تدحدر وتتدهور ويقل ادائها عن اول
وبعدين فيه فرق بين سياره بيد شاب وسياره بيد شايب
السياره بيد شاب اذا هي امريكيه وطالعه من الوكاله بالقوه تكمل ثلاث سنين
اما السياره الامريكيه بيد شايب تعيش معه لأكثر من ست سنين

يعني الرجال بيصرفها قبل لاتطييييح وهو ابخص فيها


الله يكتب لك كل خير