وضح النقاء

سلام اخبارك ياطيب وينك من زمان ماشاركت في المنتدى

السلام عليكم اخي عندي لك كم سؤال و اتمنى ان تفيدني من خبرتك بسيارات انفينيتي
انا مقبل على شراء سيارة جديدة و ناوي على fx لكن مشكلتي وكيل السيارة بسبب ان هناك اخبار انه لا ياتي بقطع الغيار و لذلك انا متردد من شراء السيارة بسبب الوكيل فهل يوجد لديه قطع غيار و هل تنصحني بالشراء ام الانتظار حتى يتضح موقف الوكيل الحمراني بسبب اني مقيم في جدة

صباح الخير عزيزي
بسألك،،،الوكالة يقولون غير الكفارات اذا وصلت ٢٠ الف ،السيارة قربت توصل لل ٢٠ الف
اسمع كلامهم واغيرها او اخليهم كذا شهر،،، لاني اشوفهن يمشني شهرين او ثلاثه
انت وش رايك؟

السيارة انفينتي ٢٠١٢

عزيزي
مثل ماقلت لك سجلت هنا عشان آخذ رأيك
كرماً منك..تعلمن بكل صغيرة وكبيرة عن السيارة..وبالشي اللي تعرفه
واهمها أسألتي اللي سألتك أياها..في الرسالة الأولى
أنا قرأتك كثير هنا ..وماشاء الله شايف عند خلفية كبيرة عن السيارة عشان كذا رأيك مهم جداً بالنسبة لي.
وعسى الله يكتب اللي فيه خير
وشاكر مقدماً لتجاوبك وسعة صدرك

هلابك عزيزي
والله ما اتوقعت ابد سرعة تجاوبك قاعد اقول يالله عساه يرد قبل الظهر:)
ايه ياغالي هي بذاتها
وامس بالليل واجهت الرجال وجربت السيارة واعجبتني
مواعده يوم الأحد نخلص الأمور,,وانا في بالي انت قلت اهم شي اخذ رأيك قبل ما تتم البيعه

السلام عليكم
عزيزي انا ما سجلت بالمنتدى إلا عشانك وعشان آخذ رأيك
أنا بإذن الله قررت اشري أنفينتي fx35 2012 v6 فل كامل
بودي أسالك هل السيارة عملية ؟
وانا ناوي أستخدم لأاكثر من سنة تقريباً من ثلاث إلى أربع سنوات تعتقد راح تتحمل الخطوط والكرف؟,
السيارة أذا الله يسر راح تطلع علي حول 155 ألف ,,علماً بأنها ماشيه حول 10 ألاف كيلو
برأيك سعرها مبالغ فيه أو هذا سعرها؟
ياليت ترد علي بأسرع وقت

السلام عليكم
يا غالي انا ابي اشتري سياره وفيه عدة خيارات في راسي
ومن ضمنها الانفنتي
fx35
وانا ما اعرف عنها اي شي ولا عمري ركبتها بس عجبني شكلها ومواصفاتها
بس ابي اعرف منك كيف السياره في الاستمعال وهل هي راسيه بالسفر
انا ما ابيها للبر
وهل قطعها اسعارها مناسبة ومتوفره وسهل صيانتها
وميزانيتي من 70 الى 80 الف
يعني المبلغ هذا يجيب لي اي موديل مستعل
وهل عند البيع ما اخسر فيها كثير
وانت تنصحني بالسياره او اشوف لي خيارات ثانيه مثل التاهو او الاف جي

الله يجزاك خير ويكثر من امثالك.

انا ماسالت هنا الا ان المنتدى الاول له يومين مايفتح معي مادري وش المشكله لكن بشوفها بكرا
شكررررا لك

.
.
.
وعليكم السلام ورحمة الله وبركاته

للعلم انا رديت عليك في منتدى نيسان ارابيا - قسم اف اكس

نبدأ من الاخر مبروك الزواج .. والسيارة عائلية لكن من الحجم الصغير ,,, اربعة اشخاص بالكثير او خمسة

ثم ان تغيير الاسم هو تغيير تكتيكي لترتيب موديلات الشركة عبر ربطها بحرف واحد فقط وليس له علاقة بتغيير السيارة

ثالثا الفرق بينهم ..

انت من تحدد هل ترى ان 13.000 كثير ام قليل
السيارتين نفس بعض في كل شيء باستثناء المحرك ونظام MOD وبالنسبة لي ارجح 2013 لان الفارق ليس كبير

بس اختر لون فاتح ولاتختار غامق لان الجو بيتعبك مرة تحياتي

السلام عليكم
اخوي انا ابي اشتري جيب انفينتي الـ Fx وحصلت بالمعارض خليجي 2012 جديد و2013 جديد الفرق حول ال 13 بينهم
لكن انا ابستفسر من ناحية القوه والتحمل وحرارة الموتر بالصيف هل فيه مشاكل خصوصا بالرياض وعموما لكل السياره
ثاني شغله ماقصة تغيير الاسم في موديل 2014 هل انتظر ولا شرايك
للعلم انا بعد رمضان راح اتزوج ومدري هل الموتر مناسب لي او لا
شاكر لك ياعزيزي