وبه نستعيــــــــــــــــــــــن
السلام عليكم ورحمة الله وبركاته
اتقدم بهذا الاهداء المتواضع لاخواني في جروب الرياض بشكل عام .
واخص منهم اخواني ( [COLOR=black]سعد ابو منصور ، سعد ابوهذال ، محمد الحربي <<اف جي كروزر2008 ، فيصل ابو عزيز ، [/COLOR]
[COLOR=black]ابو انس عبد الله ، الوحش ارمادا ، فارس سدير ... وبقية الاخوة الكرام )[/COLOR]
اتمنى من الله ان يوفقنا واياهم لما يحبه ويرضاه ، وان يسعدوننا بعودتهم مرة أخرى .
الى القصيدة لاحد الشعراء :
الجيب والقرناس وخوة هل الطيب *** تسوى مجالست الحـــضر فالمدينــــــه
ماسبّهم واعرف انا مابهم عيــــب *** بس الهوى ياهل الهوى حـد ليـــــــنـه
عزبه وخيمه والصحاري مضاريب *** والتيس من قبل الضحــى صـــــالخينه
ومعلقينه من كراعه على الجيـــب *** والبـن الاشـــــقـر تونـا حامـــــسـينـه
شبّت حطب ماهي بشبة عياسيــب *** ارطـا وعــــــــــرفـج يمنّـا حاطبيـــنـه
واليا سنت شب الجروم اللواهيــب *** قام المـــقهوي قّرب المـاء بـــــــدينـه
ركّب دلال مجلدات المقاظيـــــــــب *** بغـداد مـن سـوق الحفـر جــــالـــبيـنـه
بيضن تلالا يطعمن المشـــــــاريب *** تبعد عـن انفـوس العبــــاد الـــغبــينـه
واليا احتمى ماهن يشيل المراكـيب *** يحــــط كـــيفـن بالــــنجـر طاحـــنينـه
فنجال ونص وردهن يمه قريـــــب *** وجاب البريج وسكـره فـي بـــــــطينـه
وحطه على صفه هذيك المهاذيــب *** والبـــــن فاح وركـــــده فـي ســـكينـه
وجاب الدلال الي يعرف المواجـيب *** ثنتــــين غير الـــي بهــــن عاملينـــه
مجنون كيف ورتب الامر ترتــيـب *** حـط البــــهار وريــــح هيلـه يازينـــه
ثم زلهن لين استوى باخر السيـب *** وحطـــــــــــه بنـاره ربنـا لاتـــــهينـه
وقال اقدعوا تمر حلو توّه امــجيب *** اخلاص من دار الحســــا محـــظرينـه
ثم صب فنجاله ومابه عــــــذاريب *** والله علـى الفنجـال تسلـــــم يمـــينــه
مجربن ماهـــــوب يحتـاج تجريـب *** اي والله انـا كلـــــــــــــنـا مجربينـــه
مافيه ظيف وكل ابونا معازيـــــــب *** والشـاي خـدر والــــــورق حاكرينــه
وعقب السوالف والقهاوي مطاليب *** كـل ينـــاظـر للـــمـــــواتـر بعينــــــه
نبي نهيّف فوق روس المراقيــــب *** وانــفــــّرع القرنـاس لاجـل السـمينـه
اليــا خطفها خطفتن بالمخــــــاليب *** تبري النفـوس الضيقـات الـــــحزينـه
واليا انتهى المقناص جبنا مكاسيب *** والحــــر الاشقر عقبها مبرقــــــعينـه
ونمشـــــي ونلقا يمّنا فطر شــــيب *** ومفرود يـــطرد مـن ورى امـه تنينـه
وسط النفـــــود ولانمر الشخانــيب *** نخــــاف من ظـرب الحصـى فالمكينـه
ووساع صـــــدر ونطقنا بالتراحيب *** واعـــقولنـا هـي العـــــقـول الرزينـه
ياليـــــت لي دورن بغوج الاطانـيب *** وانسى حضارات الخــراب وسنينـــه
اخيـــــر من طرد البنات الرعابـيب *** واحدن تســــمّـع مـن عذابـــه ونينـه
ممشــــــاي صح وخوتي للاشانـيب *** رجل يصد اعـــــن المراجـل ياشينـه
وتقبلوا خالص شكري وتقديري
اخوكم محمد الحربي
VIP 111
