كفر هوندا اكورد جنط 18

[مسيرة حبي]

السلام عليكم ورحمة الله وبركاته

اخواني مالكم بالطويله

صحيت اول من امس ولقيت الاكورد 2009 الكوبيه حقت اخوي الكفر مطعوج

واللي طعجهم شكله حاقد على اخوي والسيارة

وبحكم اخوي مب فاضي يطلع وينزل وعنده اشغال ثانيه

قتله انا بقوم بالمهمه ورحت حق الوكاله وضامن الاقي الكفر

بس اتفاجأ ان الموظف اللي بالوكاله تبع قطع الغيار يقلي حالياً مافيه

بس نسوي لها طلبيه وتجيك عقب سبوعين

قلت حلوه معندكم

قال هذا العلم

وقيمتها حوالي 1500 ريال

انا انصدمت طبعاً
وجاء على بالي بس القى اللي طعجهم
اقسم بالله لوريـه شغله ونسيه حليب امـه ابن .........

ما اقول الا حسبي الله ونعم الوكيل فيه

سؤالي اخواني

من وين احصل عليها

الوكاله بتطول والاسبير حق الاكورد مثل حق الفورد

وماينفع

السياره لها يومين واقفه

ابليز شوفوا لي حل

[Serendipity]

الحل ياطويل العمر انك تبحث عن محلات متخصصه للجنوط. تعدل الجنط وترشه ان بغيت وبشكل احترافي مع الضمان. إن شاء الله احد الاعضاء يفيدونك عن هذي المحلات. وكانك بالقصيم خبرني علشان اشوف لاني خابر محل مدري هو في بريده او عنيزه.

[مسيرة حبي]

الحل ياطويل العمر انك تبحث عن محلات متخصصه للجنوط. تعدل الجنط وترشه ان بغيت وبشكل احترافي مع الضمان. إن شاء الله احد الاعضاء يفيدونك عن هذي المحلات. وكانك بالقصيم خبرني علشان اشوف لاني خابر محل مدري هو في بريده او عنيزه.

جعلك سالم على المرور

اهي لو على الجنط ماعندك مشاكل

بس الكفرررررررررررررررررررررررررررررررر راح فيها وهذه الطامه معرف من وين اقدر احصل عليه

[مـــيـــدو]

والله يا أخوي أنا ما فهمت قصدي

انت تقصد الكفر ولا الجنط

ممكن توضح لنا بصورة عشان نفيدك

طيب اذا الكفر

ليش ما تغيره و خلاص

[مسيرة حبي]

والله يا أخوي أنا ما فهمت قصدي

انت تقصد الكفر ولا الجنط

ممكن توضح لنا بصورة عشان نفيدك

طيب اذا الكفر

ليش ما تغيره و خلاص

اخوي ميدو


القصه وما فيها الكفر ما لقيت نفس المقاس والحجم لا بالغرابي ولا بالوكاله

هذا اللي فاقع مرارتي

والوكاله تقول بعد اسبوعين وطلبيه

والاسبير مو مثل الكفر اللي مركب لالا

يجي مثل حق الفورد والكابريس صغير بالمره يالله يوصلك الورشه


فهمت قصدي

[Serendipity]

طيب ليش ماتروح لمؤسسة الطلائع اللي هو وكيل بريدجستون وتطق طقم كفرات تورانزا الهادئه, او بوتانزا الرياضيه. فك نفسك من كفرات الوكالة.

[قناص الرياض]

نوع الكفرات ( بريجستون - يوكوهاما - جود يير )
رح لوكالتهم و اترك عنك وكالة الهوندا
وكالة مصنع الكفرات بالسعودية

مثل لو عندك سوناتا عليها كفرات جوديير تروح للراشد وكيل جوديير ما تروح للوعلان
فهمت ؟

[مسيرة حبي]

جعلكم سالمين اخواني على المرور

بغير الطقم كامـل وامري لله