قناة السيارات
السلام عليكم ورحمة الله وبركاته
اخواني انا ناوي اشتري سيارة ومحتار صراحة بين اوريون سياحي او رياضي او التيما فل اوبشن 4 سلندر
وصراحة ما عندي خبرة بالسيارات وانا ابغا سيارة تكون مشاكلها اقل
يعني ايت افضل الالتيما فل او اوروين سياحي او رياضي
وحاب اقلكم انا مو حق سرعة ولا سفرات بالسيارة
ويا ريت ما احد يقولي خذ اوروين فل او شيء زي كذا لأنو ظروفي المادية ما تسمحلي
ورجاء يا اخوان بدون تعصب
ومشكووورين
و عليكم السلام و رحمة الله و بركاته
يا رااااااااااجل إيش هالمقارنة الحلوة اوريون رياضي مع التيما 4 سلندر
تبي اصحاب تويوتا يشبون فينا المنتدى !!
انا الي اعرفه إن الأوريون السبورت في حدود 92 الف و الألتيما 89 - 90 الف
إذا ملزم على هالخيارين فبدون اي شك اوريون سبورت و لا تستشير بعد و تراني صاحب التيما 2008
و لكن اعطيك خيار احلى
روح المعارض في الدمام فيه التيمات 2010 اصفار ستة سلندر بسعر 95 الف و تقدر تنزل لك الف ريال لو كنت شاطر في المكاسر .. المعرض اسمه السهيمي إذا ماخاب ضني
و ترى الألتيما 6 سلندر 2010 ماتفرق عن الأربعة إلا في المكينة و البوصلة و الجنوط و الكرسي كهرباء و علامة 3.5SR في الخلف و الباقي كله نفسه بس صدقتني بتحس بحياة الرفاهية
تمنياتي لك بالتوفيق
و مبرووووك مقدماااااااااااااا
هههههههههه والله صدقت
تايوتا وبس
مشكوور اخوي على ردك بس صراحة انا ما ابغا اشتري من معرض ابغا السيارة من الوكالةالمشاركة الأصلية كتبت بواسطة تويو22
والوكالة الالتيما 6 سلندر غالية
بالنسبة لأصحاب تويوتا ان شاء الله ما راح يشبون ولا شيء لأنو في الاخير كلنا اخوان وما اعتقد انو حديد يخلينا نزعل من بعض
ننتظر ردود باقي الاعضاء
يالغالي أتمنى لك التوفيق في الأختيار الأفضل . . .
أولا : لا يوجد مقارنة لأن تويوتا أفضل من نيسان . . . لأن تويوتا تتحمل لكن نيسان كثرة الخربات وقطعها غالية نوعا ما . . . .
ولو بيدي الخيار أخذ تويوتا أوريون . . .
طبعا أسئل ال جرب تويوتا والي جرب نيسان وشوف مين الي يشتكي من كثرة الخربات . . .
وإذا بغيت مكاسرات ما يحتاج أوريون . . .
ملاحظة . . . الأوريون . . . في المكاسرات . . . قامت على المكسيما والألتيما . . . وموجودة في اليوتيوب . . .
في الدرجة الأولا . . . تويوتا
بعدها الدرجة الثانية . . . الأمريكي
الاوريون أو الكامري افضل لك كخيار في منطقتنا .. بسبب توفر
القطع والصيانة المنتشره وسعر إعادة البيع .. وهي سياره عملية
تصنع في استراليا حسب علمي .. وشكلها جميل ورسمي وهي من
وجهة نظري اجمل من الألتيما .. ولكن الالتيما تعتبر سيارة ناجحة
على مستوى العالم .. وشكلها رياضي يعجب فئة الشباب .. وتقنياتها
أعلى من الأوريون بالنسبه للمحرك والقير .. وهي في الريس ليست
بأسرع من الأوريون بسبب نظام القير الجديد الذي يعطي الآداء على
السرعات العاليه والمتوسطة .. والتوفيق وخلك على الاوريون .
يا شباب كل ما دخل واحد
قال خذ اوروين اسرع من الالتيما !!
انا كاتب في الموضوع اني مو حق سرعة
انا يهمني الرفاهية في السيارة من الداخل << اخس يا رفاهية
بس انا اسال عشان ابغا السيارة الي مشاكلها اقل
^^^^^
عشان تعرف انواع العقليات اللي تاخذ رأيهم !!
عموما لا انا ولا غيري يعطيك الجواب اللي تبيه .. انت روح استخير .. وخذ لفه على المعارض اركب السيارتين وراح تقتنع !!
اذا انت تهمك مكينة بدون ادنى المواصفت خذ الأوريون
بس على كلامك منت هاوي سرعة ولا غيره !!
اشوف الألتيما اختيار جدا مناسب لـ طلباتك ! مواصفاتها اقوى من الأوريون بمراحل !!
ماعدا المكينه !
رد مع اقتباس