السلام عليكم ورحمة الله :
كيف حال الشباب ؟ إن شاء الله طيبين ..
اليوم وأنا ماشي في الطريق وقابلتني نقطة تفتيش وجاني العسكري وقال لي جنّب .. المهم جنّبت ورحت له علشان أعرف السالفة .. لأني لا مسرع وكمان رابط الحزام .. فكتب اسمي ورقم هويتي في دفتر كشكول ( لاحظ أنه دفتر الشيكات أقصد دفتر المخالفات ليس موجوداً عنده ) والمهم قلت له خير إيش المخالفة إلّي عملتها علشان تكتب أسمي ؟ يقول لي أني مركب كشافات ( في سيارتي اللوريل ) !!!!!!
فقلت له هذه الكشافات لها 4 سنوات وأنا ماشي عليها ولا أحد فتح فمه وقال لي أنها ممنوعة بالإضافة إلى أنها كشافات عادية والتي قد تعمل إذا جربتها على بطارية .. يعني لا كشاف زينون ولا يحزنون .. كشاف عادي وأحدهم محروق كمان !!!
المهم قال لي هي ممنوعة وكتب القسيمة في الدفتر .. وحسبي الله عليه من عسكري ..
أول مرة أدري أن الكشافات ممنوعة وخاصة أنه كشاف قديم وضعيف .. يعني أنا يالله أقدر أشوف بالكشافات + شمعات السيارة فما بالك لو شلت الكشافات ؟!!!
حسبي الله عليه من عسكري لأنه قهرني بالكلام هذا ..
صراحة ما عندي أي خلفية بسعر القسيمة .. ولو واحد عنده أي علم بهذا فسأكون شاكراً له .
