ظهور مؤشر الماكينة

تذكارعاشق @user_113854 · 03-11-2008

مساكم الله بالخير.........
ابشركم البارح جانا خير ...امطار استمرت حوالي 7ساعات ارتوت فيها الارض وعلى قولت حسن كراني (سالت على اثرها الاودية والشعاب)
المهم وانا اكشخ بالدينالي في الامطار ونتمشى...شوي الا ولمبة الماكينة ولعت في الطبلون اللي شكلها مثل القربة...اعذروني ماعرف اوصف بس اكيد عارفينهااااطفيت السيارة وشغلتها ولاراحت والحقيقة مالاحظت شي تغير في السيارة ابدااااااااااااااااا الا ظهور هذا المؤشر في الطبلون!!!!
مدري ممكن احد الاخوان يفيدناااااااااااااااا
لكم كل الشكر

تذكارعاشق @user_113854 صاحب الموضوع · 09-11-2008

والله ممكن تكون المشكلة من تسرب الماء بس وش علاقة الماء بتشغيل السيارة عن بعد؟؟؟؟؟؟وبعدين انا لوغسلت الماكينة كان هذا الاحتمال معقول.....لكن انا قريت بالكاتلوج حق السيارة انه ممكن تظهر هذي العلامة في حال تعبأة السيارة بوقود غير جيد غير ملائم شي من هذا القبيل...وعموما انا برجع احط لها بنزين 95 واجرب واعطيكم النتائج.....

فواز @user_561 · 09-11-2008

أخوي أتوقع إن المشكلة سببها دخول بعض الماء إلى فلتر الهواء ومن الممكن أن الماء وصل إلى حساس الهوا وهذا يسبب مشكلة في قراءة الكمبيوتر . ولما تنشف السيارة تروح المشكلة

الحل ... ود السيارة للوكالة وخلهم يتأكدون من عدم وجود أي تسريب في فتحة فلتر الهواء الخارجية .

تذكارعاشق @user_113854 صاحب الموضوع · 08-11-2008

ابشركم العلامة اختفت....والسيارة اشتغلت عن بعد....!!!!
هل معقولة للاثتين علاقة ببعض او انها مصادفة؟؟؟؟؟؟؟بس للعلم تراها تكررت الحركة عتدي مرتيييييييييييييييييييين!!!!!

abn_kulaib @user_98432 · 08-11-2008

هذي اتوقع طبيعيه وفي كذا سياره تشتغل من جميع الانواع ومالها اي تأثير

لكن ليطمأن قلبك رح شيكها

bassam59 @user_130559 · 08-11-2008

ياخوي انسى ولا تفكر فيها الموضوع ازدياد نسبة الرطوبة بسبب المطر أثر على الوايرات أو الديلكو بس سيارتك ما فيها الا الخير وتوكل على الله

تذكارعاشق @user_113854 صاحب الموضوع · 07-11-2008

طيب فصل اصبع البطارية اخاف يأثر على هذي النوعية من السيارات

مقش القلوب @user_47051 · 07-11-2008

شوف اخوي ترى مثل هذي السيارات تتأثر باي شيء ممكن احد الحسسات تاثر بالغبار وحصل ذلك لان انا مجربها وممكن تروح معك اذا فصلت السلك عن اصبع البطارية حاول ذلك ممكن تزبط معك بس لاتخاف حتى لو رجعت الاشارة زي ماقلت لك الحساس تأر بغبار ولك تحياتي لاتنسى جرب الي قلت لك
ابو رغد :emot154:

Magellan @user_96776 · 07-11-2008

شف هذا معروض بـ300 دولار من موقع ebay مستخدم
تسجل في ebay وتشتريه عن طريق الفيزا وتروح لأراميكس وتعطيهم عنوان الموقع يجيبونه لحد البيت
سبق إني شرحت لك الخطوات سابقا في الصفحة2 بس ما انتبهت لي
واذا أخذت الجهاز اللي في راسك تسويه وترتاح من روحة الورش وقيمة فحص وغيره
تدفع أول مرة وبعدين ترتاح
http://cgi.ebay.com/ebaymotors/Hypertech-Max-Energy-Programmer-2007-2008-Tahoe-Yukon_W0QQitemZ330283826237QQcmdZViewItemQQimsxZ20081105?IMSfp=TL0811051110010r12332

Magellan @user_96776 · 07-11-2008

ت

تذكارعاشق

وش هذا الجهاز وكيف يتركب وماهي استخداماته ووين الاقيه؟؟؟؟؟

يتركب بالفيش تحت الدركسون
http://www.autoanything.com/Brands/SearchResults.aspx?BrandPageID=335&VehicleMakeID=116&VehicleModelID=2830&VehicleYearID=2008

http://shopping.msn.com/prices/hypertech-max-energy-e-con-gmc-yukon-2008-08-hypertech-max-energy-e-con-33004/itemid912993552/?itemtext=itemname:hypertech-max-energy-e-con-gmc-yukon-2008-08-hypertech-max-energy-e-con-33004

وسعره بحدود 1300 ريال
وميزته يقدر يحدد نسب التعشيق بالقير وإستهلاك البنزين ومسح الكودات واشارات التنبيه
لكن فيه أجهزة أأرخص ويعلمك بالكمبيوتر وش فيه مشكلة بالسيارة ومسح الكودات فقط بدون تغيير في نسب التعشيق وإستهلاك البنزين

تذكارعاشق @user_113854 صاحب الموضوع · 07-11-2008

وش هذا الجهاز وكيف يتركب وماهي استخداماته ووين الاقيه؟؟؟؟؟

Magellan @user_96776 · 07-11-2008

تبي تعرف العلة لازم فحص كمبيوتر
قد يكون فيه مشكلة بحساس دخله ماء
لكن غريبة أنا موتري شفر تريل بليزر ومليان طين ولله الحمد مايظهر لي العلامة
أنصحك بجهاز صغير يركب تحت الدركسون فيش صغير يفحص لك الموتر بدون الذهاب لمراكز الصيانة أو الوكالة

تذكارعاشق @user_113854 صاحب الموضوع · 07-11-2008

يااخوان كلامكم على العين والراس.....بس فيه حاجة لاحظتها...يوم كانت العلامة موجودة ماقدرت اشغل السيارة عن بعد ابداااا!!!!!ولما انطفت اشتغلت معاية....!!!
اليوم جاتنا شوية امطار ولله الحمد ومشيت بالسيارة وقتهاااااااااا وتفاجأت بعودة تلك العلامة مرة اخرى وحاولت اشغل السيارة عن بعد ولكن مااشتغلت ابداااااااا...والى الان والعلامة موجودة...والله شي غريب يعني معقولة من شوية مطر تولع؟؟؟؟؟؟
وبعدين انا حريص على السيارة مادخلت فيها مياه عميقة مثلا..
انا ممكن اوديها الوكالة او اي محل ثاني وعن طريق الكمبيوتر يطفوهااا بس انا ودي اعرف العلة عشان نستفيد يااخوان.....
ياليت اللي عنده حل للمشكلة يفيدناااااااااااااااااا

tamoz @user_128820 · 07-11-2008

أعزائي :
إشارة ضوء المحرك البرتقالية تزعجني جدا
مشيت مسافات طويلة بسرعات عالية ولم تذهب , كذلك قمت بضغط الهواء في الشنكمان بحسب نصائح بعض الأعضاء في موضوع آخر ولم تذهب .

ما هو الحل غير فصل البطارية لأنها تذهب مؤقتا وتعود بعد يوم أو يومين.

يرجى إفادتي لو سمحتم وجزاكم الله خيرا.........

ياقلبي ابتسم @user_65261 · 06-11-2008

أول شي تسويه احتياطاً أفص اصباع البطارية من 10 الى 15 دقيقه وركبه وجرب اذا راحت العلامه

ولا أنصحك تروح تفحصها كمبيوتر فيه ورشة الجابري في الصناعية القديمة ممتازيين

أنا قد حصل لي مثل مشكلتك وفصلت اصبع البطاريه ولانفع معي ورحت فحصتها كمبيوتر وقالوا كل شيء سليم :a120(89):

وخليت العلامة لمدة سنه ( سببت لي ازمه نفسيه ) ويوم جيت أغير البواجي وفتحت غطاء الماكينة حصلت لي ( خرطوش ) مقطوع وغيرته ب 240 ريال من الوكالة والحمدلله راحت العلامة لكن تهاوني في الخرطوش لمدة سنه صار يهرب زيت على الماكينة

هاوي و محترف @user_130259 · 06-11-2008

يا خوي الله يعينك و يعينا أنا معي هذي العلامة لمدة سنة و ما صار في السيارة شي ,أنا سايق لقانزا دايوو 2000 و السيارة ذي العسل لا تشيل هم و إذا واد من الشباب عرف طريقة لحذفها يكلمني
الله يعين الجميع

abadehasan @user_25981 · 06-11-2008

يا جماعة الخير ليش كل واحد يفتي من راسه و يقول يمكن و يمكن
يا اخي العزيز هذه العلامة تظهر اذا حدث اي خلل في الماكينه كنقص الزيت او ضعف في البساتم او كهرباء المكينة و عدم انتظام عمل المحرك
يا اخي اكيد 100% ان المياه وصلت لاحد اجزاء الماكينة الخارجية وخصوصا الاجهزة الكهربائية مثل الكويلات كما حدث معي سابقا
الحل انه بعد يوم او يومين اذا لم تنطفيء العلامة بعد جفاف الماء ان تقوم بنزع اصبع البطارية ثم تعيده مكانه مرة اخرى و سوف يقوم كمبيوتر السيارة بعمل ري ستارت و يشيك على السيارة وتنطفيء باذن الله
اما اذا لم تنطفيء فيجب عليك الذهاب لورشة و فحص السيارة بالكمبيوتر بـ 50 او 80 ريال

أبو فهد2000 @user_129740 · 05-11-2008

ت

تذكارعاشق

يعني ولا واحد من الاخوان عنده الجواب الشافي!!!!!!!
مومعقولة............
طيب لوفصلت اصبع البطارية فيه مشكلة على السيارة؟؟؟؟؟؟؟؟؟؟؟؟؟

اخوي ريح راسك ورح لشالنجر بالصناعيه القديمه [ صناعيه الخرج ]

كلها عشر دقايق يشيك عليها بالكمبيوترواذا مافيه شي يطفيها عن طريق الجهاز

هذي صارت معي قبل فتره ولعت اللمبه ولا صار فيه اي شي بالمكينه وطفاها عن طريق الكمبيوتر

اللي معه وكلها بـ100 ريال

أمير البحار @user_49060 · 05-11-2008

الله يعينكم خدلك سوبرقديم وسبح به والى يفكر ينطفي

N-xterra @user_112018 · 05-11-2008

أخوي السلام عليكم ورحمة الله
سبب ظهور المؤشر هو الماء بلا شك ولكن الحل الأمثل هو كالتالي:
تأكد تماما أن اللمبة اشتغلت بسبب حصول إختلال لحظي بسبب الماء لأن الماء موصل للكهرباء فيوصل الكهرباء بكل التوصيلات الأخرى المكشوفة

الحل :
1- تأكد أن كافة أجزاء المحرك جافة من الماء
2- أطفئ السيارة
3- قم بتوصيل أي جزء معدني في السيارة بالأرض
4- قم بفصل أصابع البطارية لمدة ساعة تقريبا
5- إنزع التوصيل الأرضي وبعدين ركب أصابع البطارية وشغل موترك وإمشي علية فوق سرعة 40كلم بالساعة ، لأن معضم أجهزة الفحص التلقائي في الأمريكي تشتغل فوق سرعة ال 40 كلم بالساعة

في حالة ان المؤشر مازال ظاهر إرجع للوكيل لأن أكيد المي فصل عنك حساس أو إن أحد التوصيلات صار فيها رواسب تعيق عملية التوصيل

أرجو اني أكون أفدتك
م/ ابراهيم