استفسار عن الBMW

BMW ماهي حقت واحد يشغل ويطفي في اليوم 30 مررررررررررة!
امّا إذا ماأنت حنين وراعي مشواير خلك على الياباني أصرف لك.
حسب وجهة نظري!!

حبايبنا ..
أبسأل عن الفئة الخامسة من bmw ..
ناس تقول إقتصادية وماتصرف ..
وناس تقول تكاليف صيانتها أغلى من المرسيدس ولكزس
وناس تقول لازم تدلعها وتصير حنين عليها ولاتكرفها عشان تعيش معك..
وواحد راح الوكالة وقالوا له سيارة bmw للرفاهية يعني تشغلها بالكثير مرتين في اليوم مو على الطالعة والنازلة رايح بها مشاوير بعدين تتعبك بالأعطال..
وفي المقابل بعض الإخوان هنا يقولوا كرفناها وما شية معنا ..

يا ناس والله احترت !!!!!
أن معجبني جدا جدا بشكلها وأداءها .. ومتخوف من خراباتها ولا أدري مين أصدق
خاصة إني راعي مشاوير .. ولاني حنين على السيارة
فهل تصلح لي وإلا لا ؟؟؟؟

الله يبارك في اللي يشور علي

BMW سيارات وأنا جربتها خمس سنوات زي العسل بس لاتبخل عليها بالصيانة لكن خذ نظيف وماعليك والله يكفيك شر عيون البشر!!!
يعني يمكن تحط فيها بالسنة 1500 ريال ويمكن سنتين مانحط فيها بريال لكن السنة الثالثة يبغالك 2000 ريال.
طبعاً أتكلم عت موديل 1995 إلى 2002 فقط لكن الشكل الجديد هذا يقولون كله لمس وإلكتروني ومافيه إلا الوكالة!!!!!

اخوي انت ما حددت اي فئه فالبي ام لان يختلف تحملهم من فئه لاخرى !!
بس بتكلم عن تجربتي مع البي ام :

فالبداية انا سمعت نفس الكلام عن الاعطال و لين اليوم اسمع نفس الكلام
بس يشهد الله انها كرفت معاي و تحملت مع استخدامي القاسي لها

بس الامر لا يخلو من الاعطال لكن بين فترات طويله و متفاوته و فعلا التصليح يكون غالي
بس
الحمد لله السيارة ماشيه معاي 244000 الف ( ما شاء الله ) للحين و مرتاح

القطع تبي الصراحه فالبداية و لما كان الموديل يديد غاليه مقارنه بغيرها من السيارات خاصه اليابانيه
حاليا القطع لموديل سيارتي صار قريب من اسعار الياباني !! فمرتاح من هالناحية

اتمنى تذكر لنا نوع الفئه و موديل اي سنه و ان شاء الله نقدر نفيدك

فمان الله

البي ام فئات كم ذكر اخينا
الشائع الفئه السابعه 730 735 740 745 750 760 وانت ماشي
تختلف بالسلاندر فيه 8 وفيه 12
الفئات الثانيه
الخامسه والثالثه
يقولون انها صبوره بس لا توجد قطع غيار الا وكاله يعني تشليح مافيه
الفئه السابعه سياره بمعنى الكلمه وعظمه على الخط (سقتها مره وحده)هههههههههه
عموما انا نفس وضعك اخي احلم بها خصوصا موديل 98 و99 الفئه السابعه
صراحه الب ام فخامه وعظمه وتذبح لم اشوفها قدامي
واذا حبيت تشتري دور بالمعارض يدونك عليه ضمان سنه على المكينه الجير بالا ضافه للصيانه
وافضلك من تشتري من الحراج لانك ما تضمن السياره
بحكم انها سياره قطع غيارها غالي خصوصا المكينه والكمبيوتر والحير بوكس
دعواتك اخي الكريم

معليش على التطفل !!!
المهندس الجديد .. أنا ودي آخذ الفئة الخامسة تحديداً 523
وش رايك فيها
الله يجزاك خير

اي فئة ناوي تاخذ؟
الثالثة
الخامسة
السادسة
السابعة
؟