شباب ابي رايكم بالالتيما

[stoot]

السلام عليكم .........
أنا أعرف 3 من الشباب عندهم التيما
الاول:راعي كد وساكن بالدمام ويدرس بالاحساء ويوميا مشوار روحة ورجعة +القومات والخربطة وبصراحة مايمدحها ابدا
طبعا حقتة التيما2005فل اوبشن مخمل قير عادي 6سلندر.
الثاني:هو بصراحة رجال كبير عاقل يقول أوكييييييي بس البنزين صرف مو طبيعي وطبعا سيارته التيما 2006 فل اوبشن جلد اوتوماتك.
الثالث: شاب في الثانوية عاااااااااقل (دااافور) يقول حلوة بس البنزين يصرف (طبعا قارنتة بسيارتي يوكون2004 يقول لي أعبيها فل وتمشيني 400 كيلو وتشتغل اللمبة حقت البنزين وأنا عندي اليوكون تمشيني 500 كيلو حسب الكمبيوتر)
طبعا سيارتة التيما 4 سلندر مو فول اوبشن....؟!
وشكراا

[GL.X غمارة]

اخوي .. اذا من نآحية الاربعه سلندر.. ؟!؟ ترآهــآ ماتصرف وآجد .. صحيح ان صرفيتها اكثر من السيارات اللي في فئتهـآ .. ][ الاكورد \ الكآمري \ السونآتآ ][ طبعآ الالتيمآ تصرف اكثر وحده فيهم بس مو لذيك الدرجه ..

أمـآ الـ 6 سلندر..؟ صرفيتهآ معقوله .. يعني اذا منتب مقآوم فيهآ..!! بترتــآح .. صدقني بترتـآح لآن الفل حقهآ بعد تخفيض البنزين . بـ 40 ريآل.. وبتمشيك 400 إلى 450 كيلو .. اذا رجلك عآدية وهآديه .. لكن اذا بتقآوم؟ وبتسرع .؟


أخــوٍك .. GL.X غمـــآرة ..

[عالم مشاعر]

ما فيه احسن من رأي مالكي السيارة

الله يعطيك خيرها و يكفيك شرها مقدما

[POISE]

السلام.. انا خويي معه التيما اقل فئه 4 سلندر قير عادي ماشاالله تمام معه مع أنه شهريا يروح للزلفي وكل يوم دوران وسرعه نوعا ما...هذا غير جنوط ال17 مو نفس شد بلدها.. كونها مثقله ع السياره...ولا اشتكى من شي..
بس في الحقيقه قطع غيارها غااااليه..

وبالتوفيق انشالله..

[Y A S S E R]

فكر بالكابرس تراها خيار جيد لكن البنزين اتوقع الكابرس اكثر ومن الناحية الصبر اتوقع الكابرس مو يعني اللاتيما شينه اما االقومة الالتيما5.6ثواني من صفر الى مية كيلو متر والكابرس 6ثواني الفارق في نظري ليس كبير واما الفخامة والراحة فالكابرس بس تمهل لا تعجل اخوي ترفق

[سيّاف]

أنا من مجربي هذي السيارة ..
معي السيرة الآن لها سنة كاملة بالظبط !
4 سلندر فل أوبشن ..

وماشيه زي العسل و لله الحمد
الفل إذا اللمبة مولعة 36 ريال


أخوك

[سعد 300]

السلام عليكم ورحمة الله وبركاته،، حيالله الشباب
بعد تجربة سنة مع سيارتي ألتيما 4 سلندر فل أوتوماتيك اقولك السيارة صراحة مشاءالله عليها مافيها كلام وصرفيتها تمام اشوف انها ما تصرف تعبيها فل 36 تقريبا اذا اللمبة مولعة وتوصلك اذا مشاويرك عادية وما تعدي سرعة 120 تمشي معك حدود 500 كلم ،
(((طبعا القير العادي مايصرف مثل الاوتوماتيك مثلا قبل هالسيارة شريت السياحية قير عادي طيس وهي جديدة قبل ماتمشي 1000 كلم عبيتها فل مشتني حول 720كلم لكن بشروط : السرعة ما تعدي 110 - مافيه قومات وسباقات - مافيه مسكات فرامل فجأة ))
طبعا السيارة مريحةوواسعة نوعا ما للركاب في الامام والخلف ، قطع الغيار اتوقع قريبة من اغلب السيارات اليابانية مثلا الفحمات الامامية 257ريال لكن شمعات امامية وخلفية شبك يمكن تكون غالية حبتين عيب الالتيما هو التكييف يعني المكيف تحس انه ناقص تبريده شوي لذلك لازم التشييك على الفريون اذا حسيت انه ما يبرد وبعد فتحات التكييف اللي بالخلف ما يجي منها تبريد بس منظر وهذا كلام الصيانة تبع الحمراني ،، بعد سنة تحس مطب السيارة قاسي يمكن المساعدات تبي تغيير او ما ادري ؟
عموما السيارة شكلها رائع ويكفي اذا وقفت في الاشارة مافيه غيرك معه ألتيما او على الاكثر سيارة ثانية وهذه ميزة مع ان البعض يعتبرها ناحية سلبية مو ايجابية اخيرا اخوي نصيحتي لك انتظر شكل 2007 اذا فيه تغيير سو لك حسابات مرة ثانية واذا نفس الشكل توكل على الله واشترها ،، الله يوفق الجميع آآآآآسف على الاطالة

[محتار؟؟]

لاتعليق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟