GMC

[أبـوأسـد]

مشكور على ردك ومرورك
بس أخوي السبهه لايوجد غمارة دينالي
يوجد فقط غمارة ونصف لبعض الموديلات والموديلات 2004 وطالع فقط غمارتين

[كلشن]

اسعد الله اوقاتك اخوي ابو اسد
وبيض الله وجهك على هذا الموضوع النادر
وتعلم ان هذه اول مشارك في هذا المنتدا
وعندي اسئله واجد عن الجمس نوعه سييرا ابوكتوف(غماره واحده) تحملنا شوي
س1: هل يوجد قير عايدي للجمس الونيت غمارة واحدة ابوكتوف يعني مواصفات سعودي؟
ياليت لو تضع صوره كانت موجوده.
س2: انت نزلت صورة لجمس ابو كتوف الاسود عليه لوحات إماراتيه(دبي) ولاحظت انه شكمانين هل هو معدل ولا شد بلد؟
واذا كان شد بلد هل يوجد سعودي منه.
س3: هل يوجد من هذه انوعية اللي ذكرتها دفع رباعي مؤقت وقير الدبل ارضي؟ ياليت تنزل صوره لتوضيح.
س4: لا حظت ان الجمس الصالون ان طبلونه 200.ولكن كم طبلون الجمس الونيت ابو كتوف؟
س5: من كلامك فهمت ان هذه النوعيه عليها مكينة ام 6 لتر . مقدر اركب عليها مكينة 8.1 لتر ؟ ياسلام لو فيه شد بلد.
س6: كم لتر تانكيه؟وهل يوجد تانكيين مثل اطراز القديم 79 ؟
س8: هل مراتبه جلد ؟ وكهربائيه؟
س9:وشرايك بانواره زينون والا عايدي؟
س10 :كم سعره بالسعوديه. للمعلوميه ذهبت الى بالبيد وقال احد الموضفين ان الشركه ماتورد هذه انوع . ام الجميح والعيسى لا اعلم هل هي تورده ؟
س11: كم علبه زيت تشيل المكينه ؟
س12 : كيف هذه النوعيه تنصحني اشتريه (اعذرني اجهل الطراز الجديد ولا اعرف عنه شي بس القديم اعرفه)؟ جوده يعني مايطلب قطع مثل طرنبة المويه ,طرنبة البنزين ,حساسات بعد فتره قصيره اخاف انه تولع للمبه كل شوي في الطبلون . وبعدين هل قطع الغيار عالية في السعر؟
س13:الأقمشه كم فترت استخدامها؟كيف الحراره المكينه ماترتفع مع الخط خاصاً ومع الطلوع ومع المكيف؟
وخويك كلشن ناوي يشتري .
طلب وقول تم عطني صور عن هذه النوعيه.
ولك مني جزيل الشكر اخوي ابواسد على هذا الموضوع.
ولا استغني عنك وعن رايك ونصايحك .
والسلام ختام

[أبـوأسـد]

أهلا بك أخوي كلشن ومرحب بك في المنتدى وأن شاء الله تقضي أوقات سعيدة معنا

بنسبة لأسألتك راح أجيبها واحدة واحدة:


س1: هل يوجد قير عايدي للجمس الونيت غمارة واحدة ابوكتوف يعني مواصفات سعودي؟
ياليت لو تضع صوره كانت موجوده.
ج1: نعم يوجد وقد شفت واحد منه لدى وكالة الجميح وكان ممتاز وفيه مواصفات ممتازة ولازم تعرف أن أبوكتوف هو أصلا أعلى مرتبه في الغمارة الي هي نصف الفل SLE لا يوجد فل أبشن SLT.

س2: انت نزلت صورة لجمس ابو كتوف الاسود عليه لوحات إماراتيه(دبي) ولاحظت انه شكمانين هل هو معدل ولا شد بلد؟واذا كان شد بلد هل يوجد سعودي منه.
ج2: بنسبة لصورة الجمس الأماراتي أبوكتوف الأسود هو معدل ويجي شد بلاده شكمان واحد فقط.

س3: هل يوجد من هذه انوعية اللي ذكرتها دفع رباعي مؤقت وقير الدبل ارضي؟ ياليت تنزل صوره لتوضيح.
ج3: يوجد دبل أرضي (يدوي) فقط لناقل الحركة اليدوي أما ناقل الحركة الآلي يكون الدبل فيه أزرار بجانب الدركسون على اليسار.

س4: لا حظت ان الجمس الصالون ان طبلونه 200.ولكن كم طبلون الجمس الونيت ابو كتوف؟
ج4: طبلون الجمس سييرا سواء السياحي أو الفل أبشن أو أي نوع هو طبلونه نفس طبلون اليوكون والسوبربان 200.

س5: من كلامك فهمت ان هذه النوعيه عليها مكينة ام 6 لتر . مقدر اركب عليها مكينة 8.1 لتر ؟ ياسلام لو فيه شد بلد.
ج5: شف أخوي قطع 1500 مثل ما قلت لك في الموضوع هذا مكينته يجي للغمارة 5.3 لتر, بنسبة لقطع 2500 هذا يجي للغمارة مكينة 6 لتر ويجي أختياري 8.1 لتر أكيد قوي بس المشكلة أنه ليس متوفر لدى الوكلاء يعني لازم تطلبة طلبية خاصة هذا أن وافقو الوكالة لأن عادة ما لهم ألا في بضاعتهم بس ويصير ما تقدر تجيبة إلا يمكن من الأمارات.

س6: كم لتر تانكيه؟وهل يوجد تانكيين مثل اطراز القديم 79 ؟
ج6: خزان الوقود له تانكي واحد فقط والقطع الي أكبر منه أيضا تنكي واحد بس أكبر
أبوكتوف 99 لتر بينما قطع 2500 سعته 129 لتر.

س8: هل مراتبه جلد ؟ وكهربائيه؟
ج8: جلد لايوجد أبدا في الغمارة , المراتب كهرب تقديم وترجيع و(أرتفاع ونزول على ما أعتقد) أما المرتبة الي تتسند عليها ظهرك فهي يدوية لأنه غمارة.


س9:وشرايك بانواره زينون والا عايدي؟
ج9: أكيد بيطلع ممتاز شف صورة توقيعي هي أصلا لصورة جمس سييرا أسود بزينون كيف بس طالع شكله .

س10 :كم سعره بالسعوديه. للمعلوميه ذهبت الى بالبيد وقال احد الموضفين ان الشركه ماتورد هذه انوع . ام الجميح والعيسى لا اعلم هل هي تورده ؟
ج10: شف أذكر أخر مرة سألت عنه يمكن في الجميح قالولي لناقل الحركة اليدوي مع دبل أبوكتوف بـ 81 ألف ريال سعودي, العيسى للآسف لا يوجد لديه.


س11: كم علبه زيت تشيل المكينه ؟
ج11: ما أذكر بالضبط بس يمكن في 5.5 أو 6 علب لأبوكتوف.


س12 : كيف هذه النوعيه تنصحني اشتريه (اعذرني اجهل الطراز الجديد ولا اعرف عنه شي بس القديم اعرفه)؟ جوده يعني مايطلب قطع مثل طرنبة المويه ,طرنبة البنزين ,حساسات بعد فتره قصيره اخاف انه تولع للمبه كل شوي في الطبلون . وبعدين هل قطع الغيار عالية في السعر؟
ج12: شف أخوي بنسبة للطرنبة الموية هذي ما أعرف وش هي أو كيف تخرب أو وينها فيه!, طرنبة البنزين هذي ما تخرب أخوي في اي سيارة إلا بسبب واحد أنك تمشي على السيارة والبنزين تحت الربع وهذا يخلي الطرنبة تتجمع بها أوساخ التي تدخل مع البنزين وهذا هو الي يتلفها فحاول أنك ما تخلي البنزين يقل عن معدل الربع, بنسبة للحساسات السيارة عملية جدا ولا تخاف من الحساسات لأن حساسات الجمس ليست كثيرة جدا مقارنتا بالشفر ككابرس واللومينا, بنسبة لقطع الغيار فهي شبه مرتفعة.


س13:الأقمشه كم فترت استخدامها؟كيف الحراره المكينه ماترتفع مع الخط خاصاً ومع الطلوع ومع المكيف؟
ج13: حرارة المكينة هي دائما تحت النصف بشوي ولا ترتفع أبدا في الخطوط أما الطلوع ما أدري بس ما أعتقد بنسبة للمكيف على ما أذكر يمكن ترتفع الحرارة شوي أذا وقفت السيارة لكن تنزل على طول من يوم تمشي وتسرع , بنسبة للآقمشة فترة التغيير هذي ما عندي فيها علم.
وعلى فكرة أذا أرتفعت الحرارة ترى مافي أي مشكلة بس أذا ارتفعت فوق النصف بشوي أما أذا تعدت هذي هنا عندك مشكلة لا تحاول تخليها تتعدى أوكي.


وصراحة أنصحك به لأن فيه ميزات ما تجدها في أي سيارة أخرى أعددها لك:
1- يوجد به فرامل بنظام ABS ويوجد أيضا AIRBAG كلها أساسي.
2- يوجد مكيف منفصل لليمين واليسار اساسي.
3- يوجد به نوافذ ألية أساسي.
4- يوجد به مثبت سرعة في طراز SLE الي هو أبوكتوف بس هل يوجد في القير العادي أعتقد لا.
5- يوجد مرايا آلية مع أمكانية التسفيط آليا ومزودة بأشارة في المراية في أبوكتوف.
6- يوجد كشافات ضباب في أبوكتوف.
7- يوجد الكرسي الذي في النصف يمكن أنزالة ليكون مثل التكاية في أبوكتوف.
8- يوجد به جنوط كبيرة مع كفرات كبيرة في أبوكتوف.
9- يوجد به المراية للرأية الخلفية مع خاصية التغميق أذا أتاها نور قوي من الخلف.
10- معلومات في الطبلون كثيرة وممتازة.

هذا ما استطيع حصرة وأليك الموضوع لكي تراجع بعض المواصفات.
لأن أبوكتوف هو أصلا SLE.

وأتآسف من عدم قدرتي لوضع صور لأني ما أدخل النت من البيت حاليا ولا ما يغلى عليك أخوي العزيز.




والله يوفقك في شراء السيارة
وآي أستفسارات أنا حاضر
وأذا تبي تسولف واجد في الجي أم سي سييرا لأني أحب الي يسولف عن جي أم سي بشكل عام, بس أقلط عندي في الماسنجر, من يوم ترص على أسمي وتدخل على ملفي العام الشخصي تجد أيميلي وأضفني عندك

أخوك أبوأسد

[كلشن]

اسعد الله اوقاتك اخوي ابوأٍسد

ومرحبا فيك والله لا يهينك والله يبيض وجهك وهذه يشرفني اني اتواصل معك عبر الأيميل.

ولكن عندي اسئله بغيتك تجاوب عليها

س:14 كم نمرة للدبل؟

س15:لاحظت ان الجمس ابوكتوف لا يحتوي السطح(السقف) اسطبات(انوار) . هل هذه الأنوار اختياري ؟

س16: كم اقصى سرعة (اعلى سرعه) اقدر اعشق فيها الدبل؟

س17:عرفت من خلال شرحك ان المكينه 8.1 انها كبيره واجد ولا تصلح ان تكون على الجمس ابوكتوف .وش رايك ؟ وسلمك الله هل هناك طراز من ابو كتوف عليها مكينه 6 لتر يعني يوفرها الجميح اعتقد انها مناسبه واقتصادي وخفيف شمايل وخاصاً اذا كانت عايدي 5 نقل (حسب كلامك انه يورده الجميح سعة المحرك 5.3 لتر يعني قياسي) وش تعليقك على هذا الكلام وش تنصحني به اباك تشرح للي بالتفصل الممل (الله يعينك)؟

س18: انت ما ذكرت مقاس الجنوط عليه وش مقاساتها؟

س19:اقدر اغير التانكي واركب اللي يعجبني(مثل 140 لتر اعتقد مناسب) ؟ وهل هناك مساحه كافيه يعني مكان جاهز اقدر اركب فيه التانكي من دون اغير او اعدل فيه؟

س20:كم وزن الجمس ابو كتوف ؟

س21: هل يوجد هزاز ؟

س22:هل يوجد فيه الدعسة الأضافيه(اذا كتمت له) ؟

هناك معلومة في المحركات البنزين :

* فورتيك 5300 V8 حقن متتابع مع قوة تبلغ 324 حصاناً عند 5600 د.د وعزم دوران يبلغ 355 باوند-قدم عند 4400 د.د

* فورتيك 6000 V8 حقن متتابع مع قوة تبلغ 379 حصاناً عند 5200 د.د وعزم دوران يبلغ 410 باوند-قدم عند 4200 د.د

* فورتيك 8100 V8 حقن متتابع مع قوة تبلغ 356 حصاناً عند 4200 د.د وعزم دوران يبلغ 476 باوند-قدم عند 3200 د.د

منقول من الكتالوج حق الجمس الصالون. وش رايك في هذه المعلومات؟ تلاحظ ان هناك اختلاف بين كلامك وبين كلام الكتالوج للمعلوميه اخوي ابوأسد لا تفهمني غلط و من دون اقصور فيك ولكن بغيت رايك في هذا الكلام المنقول من كتالوج الجمس من وكالة بالبيد

س23:الخطافات اللي توجد في الصنوق ماشوفها هل هي من الداخل والا ما يوجد بها من بلاده؟

س24:معروف ان الجمس ابو كتوف انه سست من ورى.كم عددها؟

س25:وبعدين اخوي العزيز الجمس ابو كتوف ابو دبل(دفع رباعي) كيفه مريح مع الخط ومع البر؟


أي صوره تحصلها ارسلها على الأيميل بس للجمس ابو كتوف. طلب من اخوك كلشن

ودمت سالم

[أبـوأسـد]

أهل بك أخوي كلشن وراح أيضا أجيب على أسألتك الجديد مرة أخرى وحدة وحدة



س:14 كم نمرة للدبل؟
2H-4H-4L ومع الوضع الفاضي N هذا لليدوي بينا الأكتروني نفسه بالضبط بس بدون N ويوجد بأيضا AUTO 4WD هذا ما أبخص فيه واجد بس قرى الكتروج علشان تعرف كل شيء فيه.

س15:لاحظت ان الجمس ابوكتوف لا يحتوي السطح(السقف) اسطبات(انوار) . هل هذه الأنوار اختياري ؟
ج15/ لا يوجد أنوار في سقف السيارة يوجد فقط اساسي في قطع 2500 أما أبوكتوف 1500 فلا يوجد.

س16: كم اقصى سرعة (اعلى سرعه) اقدر اعشق فيها الدبل؟
ج16/ على حسب الترس التعشيق الدبل فيمكن 4H يخليك تمشي أكثر شيء 100 بس لا تأخذ كلامي في عين الأعتبار راجع الكاتولوج مو تقول أنخبر الدبل والسبب أبوأسد .

س17:عرفت من خلال شرحك ان المكينه 8.1 انها كبيره واجد ولا تصلح ان تكون على الجمس ابوكتوف .وش رايك ؟ وسلمك الله هل هناك طراز من ابو كتوف عليها مكينه 6 لتر يعني يوفرها الجميح اعتقد انها مناسبه واقتصادي وخفيف شمايل وخاصاً اذا كانت عايدي 5 نقل (حسب كلامك انه يورده الجميح سعة المحرك 5.3 لتر يعني قياسي) وش تعليقك على هذا الكلام وش تنصحني به اباك تشرح للي بالتفصل الممل (الله يعينك)؟
ج17/ أخوي مو لا تصلح 8.1 لتر فيه أصلا لاتوجد له أبدا وبنسبة هو أبوكتوف مكينته واحدة فقط وهي 5.3 لتر بينما السياحي يكون منه 4.8 لتر وهذا القياسي وليس 5.3 لتر يعني أنس مكينة أكبر لأنه ما يجي في الغمارة أكبر من 5.3 لتر.


س18: انت ما ذكرت مقاس الجنوط عليه وش مقاساتها؟
ج18/ الجنط عادة 16 كروم بس يوجد 17 كروم أختياري.

س19:اقدر اغير التانكي واركب اللي يعجبني(مثل 140 لتر اعتقد مناسب) ؟ وهل هناك مساحه كافيه يعني مكان جاهز اقدر اركب فيه التانكي من دون اغير او اعدل فيه؟
ج19/ لا أخوي أكبر شيء يشيله أبوكتوف هو فقط 99 لتر أما ما يقدر يركب فيه 129 لتر وأصلا مستحيل سعة 140 لتر هذي وين تنحط فيه!! هذي خاصة فقط بالسوبربان, يعني أيضا لا يمكن تكبير التانكي في ألأساس لأن التانكي 99 لتر ما يستحمل يركب أكبر منه لأن يكون عده الأستبنة.

س20:كم وزن الجمس ابو كتوف ؟
ج20/ الوزن أبوكتوف للناقل الحركة الآلي مع الدبل 2950 كيلوجرام <<< ثقيل ولا بس كذا الجموس, بنسبة لنقال الحركة اليدوي مع الدبل أكيد اخف بفارق يمكن بس 50 كيلوجرام.

س21: هل يوجد هزاز ؟
ج21/ للآسف لا يوجد به,أعتقد أخوي لا يحتاج لأن أذا كانت المكينة قوية جدا على حجم السيارة فلا يلزم كثيرا هذا الشيء.

س22:هل يوجد فيه الدعسة الأضافيه(اذا كتمت له) ؟
ج22/ ما فهمت السؤال ممكن توضح أكثر.

هناك معلومة في المحركات البنزين :

* فورتيك 5300 V8 حقن متتابع مع قوة تبلغ 324 حصاناً عند 5600 د.د وعزم دوران يبلغ 355 باوند-قدم عند 4400 د.د

* فورتيك 6000 V8 حقن متتابع مع قوة تبلغ 379 حصاناً عند 5200 د.د وعزم دوران يبلغ 410 باوند-قدم عند 4200 د.د

* فورتيك 8100 V8 حقن متتابع مع قوة تبلغ 356 حصاناً عند 4200 د.د وعزم دوران يبلغ 476 باوند-قدم عند 3200 د.د

منقول من الكتالوج حق الجمس الصالون. وش رايك في هذه المعلومات؟ تلاحظ ان هناك اختلاف بين كلامك وبين كلام الكتالوج للمعلوميه اخوي ابوأسد لا تفهمني غلط و من دون اقصور فيك ولكن بغيت رايك في هذا الكلام المنقول من كتالوج الجمس من وكالة بالبيد
لا أخوي عادي أنا ما فهمتك غلط أن حاب تتأكد صح, بنسبة هذي القوة مبالغ بها أخوي العزيز حنا ناخذ القوة الحقيقية من موقع جي أم سي نفسه الانجليزي موقع المصنع www.GMC.com لأن هم المخترعين الجي أم سي مو بالبيد هو الي مخترعها فهمت علي.

س23:الخطافات اللي توجد في الصنوق ماشوفها هل هي من الداخل والا ما يوجد بها من بلاده؟
ج23/ أعتقد لا يوجد لأني ما أذكر زين من زمان ما شفت السيارة يمكن يكون في داخل أو لا يوجد أبدا أنت تروح تركب فيه.

س24:معروف ان الجمس ابو كتوف انه سست من ورى.كم عددها؟
ج24/ أذكر لا يوجد سست بل يايات أي أريح في المشيء والخط بكثير ولا تجده ابدا يطامر, السست موجودة فقط في قطع 2500 و 3500.

س25:وبعدين اخوي العزيز الجمس ابو كتوف ابو دبل(دفع رباعي) كيفه مريح مع الخط ومع البر؟
ج25/ شف أخوي في الخط السوبربان واليوكون مريحة جدا والسييرا أبوكتوف هو اصلا نفسهم بس أصغر, في البر السوبربان واليوكون ولا أحلى منها في البر بس لازم تكون طارة وتعرف كيف تسوق الجمس في الرمل لأنه ثقيل على فكرة انا عندي سوبربان بدون دبل وأطلع في البر وماشاء الله مثل العسل قوي مرة مكينته تشيلة بقوة مكينته 454 عاد تخير غمارة ودبل ومكينة قوية مرة كيف يصير ضعيف في الرمل أكيد راح يكون فضيع جدا في الرمل بقوته العالية.


أي صوره تحصلها ارسلها على الأيميل بس للجمس ابو كتوف. طلب من اخوك كلشن
أبشر تامر امر أو يمكن راح أحطها هنا وراح أبلغك في الرسائل الخاصة أوكي

أخوك أبوأسد

[كلشن]

اسعد الله اوقاتك اخوي ابوأسد بالخير وبالصحه والعافيه

مشكور على ردك على الأسئله والله لايهينك

*ج20/ الوزن أبوكتوف للناقل الحركة الآلي مع الدبل 2950 كيلوجرام <<< ثقيل ولا بس كذا الجموس, بنسبة لنقال الحركة اليدوي مع الدبل أكيد اخف بفارق يمكن بس 50 كيلوجرام.

والله 2950 -50 = 2900 كيلو جرام اكيد اخوي ابو اسد .....والله واجد يعني ثقيل (VXR تدري كم وزنه الفل كامل والسيارة فارغة 2335 الى 2770 والوزن الاجمالي 3260) شوف الفرق.
بس الوزن اللي ذكرته الوزن الاجمالي والا الوزن والسياره فارغة ؟

ج21/ للآسف لا يوجد به,أعتقد أخوي لا يحتاج لأن أذا كانت المكينة قوية جدا على حجم السيارة فلا يلزم كثيرا هذا الشيء.
افهم من كلامك اخوي ان قوة وسعة المحرك503 لتر متناسقه(تناسب) مع الجمس ابوكتوف يعني تتحمل تقل الموتر ولا فيه اي عيوب
لان هناك سيارات كثيره تلاحظ ان الموتر ثقيل ولكن الموتر بوجه عام مايتناسب مع قوة المكينه يطلع بعدين فجوه كبيره وهذا اعتبرها عيب.وش تعليقك؟

س22:هل يوجد فيه الدعسة الأضافيه(اذا كتمت له) ؟
ج22/ ما فهمت السؤال ممكن توضح أكثر.
اذا ركبت الجمس وشغلته وسلمته طريق المنطقه الشرقيه وشفت من المرايه الخلفيه ذك الجيب مثلا يعطيك النور العالي وخرت عنه وبغيت تكسر عينه شي طبيعي انت تعطي الدعسة البنزين(البنزيم لهجتي بحكم اني بدوي) حتى الصاجه يعني كتم ماتلاحظ الموتر يعشق يعني يفز وشي الا انبير السرعه يعد صح والا لا.....وش تسمي هذا الوصف مهيب الدعسه الاضافيه (عندنا يالبدوا نسميها كذا). تقدر اخوي العزيز تجاوب .واذا كان غير واضح اوضح لك ماعندي اي مشكله.


ج24/ أذكر لا يوجد سست بل يايات أي أريح في المشيء والخط بكثير ولا تجده ابدا يطامر, السست موجودة فقط في قطع 2500 و 3500.
يعني الجمس ابو كتوف مايصلح للحموله مثلا (بحكم اني بدوي فل اوبشن) الشعير او حمولة حطب او حمولة العزبه مثل تانكي المويه , الترمس .....الخ مثل انت عرف . ماأردي والله بالنسبه للراحه خذ راحه الا الحموله والله مدري اخوي العزيز عنه صراحه هو والله داخل مزاجي.

س :نظام ستابيلي تراك (STABILTRAK ) موجود في الجمس ابو كتوف؟



هذا اللي عندي اخوي من اسئله والله يجمل حالك
وبارك الله فيك وصراحه والله ماقصرت ولا بهيب غريبه منك والى الامام
وسلًم وسلم

[أبـوأسـد]

والله 2950 -50 = 2900 كيلو جرام اكيد اخوي ابو اسد .....والله واجد يعني ثقيل (VXR تدري كم وزنه الفل كامل والسيارة فارغة 2335 الى 2770 والوزن الاجمالي 3260) شوف الفرق.
بس الوزن اللي ذكرته الوزن الاجمالي والا الوزن والسياره فارغة ؟
الوزن الأجمالي الي ذكرته لك ولازم كذا الأمريكي ثقيل مو مثل الياباني كله فيابر , الأمريكي مليان حديد .




افهم من كلامك اخوي ان قوة وسعة المحرك503 لتر متناسقه(تناسب) مع الجمس ابوكتوف يعني تتحمل تقل الموتر ولا فيه اي عيوب
لان هناك سيارات كثيره تلاحظ ان الموتر ثقيل ولكن الموتر بوجه عام مايتناسب مع قوة المكينه يطلع بعدين فجوه كبيره وهذا اعتبرها عيب.وش تعليقك؟
بل ممتازة عليه وزيادة أخوي الناس تطعس بيوكون ويمدحونه في البر وهو نفس المكينة فما بالك في سيارة أصغر حجم منه وأقل وزن أكيد تووووووووووووووووب .



س22:هل يوجد فيه الدعسة الأضافيه(اذا كتمت له) ؟
ج22/ ما فهمت السؤال ممكن توضح أكثر.
اذا ركبت الجمس وشغلته وسلمته طريق المنطقه الشرقيه وشفت من المرايه الخلفيه ذك الجيب مثلا يعطيك النور العالي وخرت عنه وبغيت تكسر عينه شي طبيعي انت تعطي الدعسة البنزين(البنزيم لهجتي بحكم اني بدوي) حتى الصاجه يعني كتم ماتلاحظ الموتر يعشق يعني يفز وشي الا انبير السرعه يعد صح والا لا.....وش تسمي هذا الوصف مهيب الدعسه الاضافيه (عندنا يالبدوا نسميها كذا). تقدر اخوي العزيز تجاوب .واذا كان غير واضح اوضح لك ماعندي اي مشكله.
شف هنا أنا أعتقد يفز يكون يعني في دعسة أضافية بس أنا ما أعرف بالضبط لأني ما عندي بخص واجد في القير العادي <<<<<<<<<<< تخبر حياتي كلها ما يعجبني إلا التماتيك والتماتيك يكون فيه دعسة أضافية حيث يرد نمرة ويفز فزة قوية مرة.





يعني الجمس ابو كتوف مايصلح للحموله مثلا (بحكم اني بدوي فل اوبشن) الشعير او حمولة حطب او حمولة العزبه مثل تانكي المويه , الترمس .....الخ مثل انت عرف . ماأردي والله بالنسبه للراحه خذ راحه الا الحموله والله مدري اخوي العزيز عنه صراحه هو والله داخل مزاجي.
ليش ما يصلح صح أن اليايات ما تصلح واجد بس هو أصلا بيك أب يعني لازم يكون في قوة للتحميل شف قطع 2500 هو سست مثل الي تبي بس هو مخصص للأوزان الثقيلة جدا جدا بينما صندوق أبوكتوف أعتقد لن يكون عليه حمل أكثر مما يضر به أو أنه لا يصلح للتحميل ويا رجال ترى هذي ما أعتقد مشكلة لو حملت عليه ولقيته مطيح (مع أني ما اعتقد ذلك أبدا) غير اليايات وحط يايات نوع قاسي أو أنك تتحكم بأنك تخليها لين أو قاسي بتفخ نفس المساعد هذي سمعت عن مثل هذي النوع من المساعدات.



س :نظام ستابيلي تراك (STABILTRAK ) موجود في الجمس ابو كتوف؟


وشو هذا النظام؟ أنا ملخبط من هذي الاسئلة ممكن تختصر لي وتقولي هو حق أيش.


أخوك أبوأسد

[كلشن]

هلا بك ابواسد
نظام ستابيلي تراك:
بفضل مجساته المتعددة ,يحافظ هذا النظام المعزز على إعادة سوبرمان الى مسارها الصحيح , حين يلاحظ أنها لا تتجاوب بشكل كافٍ لتوجيهاتك خلال القيادة. اعتقد يشتغل وينفع وقت المنعطفات.

ههههههههه الظاهر جبتلك الضغط والقلب اسمعك تقول في خاطرك منين طلع لي هذا الطيب الله يصلح بحث خفاي الله يبحث خفاه امـــــــــــــــــــــــــــــــــــــــــــــزح.

ومشكور ياالذيب على توضيح وعلى نصايحك