شكرا لكم على البيان والايضاح و فقكم الله
ما أعرف متى بس أكيد قبل 2011 بشهرين تقريبا ...
هذا رابط للإيبيكا 2012
http://autoten.com/2010/03/25/2012-c...uepica-sketch/
http://autoten.com/2010/03/29/2012-c...d-information/
أعتقد راح يدمجون إيبيكا مع مايلو ... بتصير سيارة جديدة ...نتظر سنة 2012 أن شاء الله
ونشوف...
السلام عليكم
اخواني يا ليت تساعدوني
انا عندي كم سؤال وياليت تجاوبوني
انا سيارتي ابيكا 2004 القير عادي قال لي الهندي حق الورشة ما لها زيت قير وانا ما دخلت مخي هذي الفكرة
واذا كان فيه وين محله بالضبط في السيارة
وسؤال ثاني سيارتي اذا شغلت المكيف ترتفع حرارتها بسرعة ليش شنو المشكلة؟؟
هذي اسئلتي وياليت تردون عليها ...
وعليكم السلام .
اخوي بالنسبه لزيت القير >> زيت القير صعبه تحصل مكانه مو اي ورشه راح تلاقيه الي اعرفه ان الوكاله والبناشر الكبيره مثل فروع ايسي ديلكو هم الي يغيرون زيت القير .
واخوي انا قبل فتره قريت موضوع من احد الأخوان بأن زيت قير الأبيكا مايتغير ابداً وانه مصنوع لمدى الحياة . وان فيه ماده هي الي تحاافظ على اللزوجه واذا غيرت زيت الوكاله راحت هاذي الماده وصار يجب عليك انك تغيره كل فتره . .
وبالنسبه للأرتفاع درجة الحراره عند تشغيل المكيف
شيك على المراوح . احتمال مايشتغلن او شيك على ماء الرديتر .
اتمنى اني افتدك ..
مرحبا برابطة ملاك الابيكا .,.
لدي سؤال وأخترت أن اطرحه هنا لأجد الجواب الشافي والكافي بعيداً عن التعصب و العواطف والميول وتمكين المثالية والعقلانية وهذا مالمسته من هذه الرابطه :
أنا في خيار وحيرة بين سيارتين لاثالث لهما ونقاط الاختيار تتركز حسب الأهمية فقط لاغير كـالتالي :
1- الراحة في التعليق وهو الأهم ( ناعمة على الحفر والمطبات ) وعزل الأرضية والهواء الخارجي.
2- التكييف ( مهم جدا وخاصة في عز الحر ).
3- الجودة وسعر قطع الغيار وتوفرها.
السيارة الاولى : أبيكا قير اوتو
السيارة الثانية : فورد قراند ماركيز
* مع العلم سأشتري احدى السيارتين على الزيرو من الوكالة فأرجو الأفادة ولكم جزيل الشكر.
يامرحبا بك اخوي .
بالنسبه للأبيكا بخصوص الراحه وكونها ناعمه على الحفر والمطبات فهي نعم مريحه على المطبات وعزلها حلو
وبالنسبه للتكييف فتعتبر الأبيكا من مميزاتها المكيف فصراحه مكيفها ماشاء الله رووعه وانا شخصيه مجربه .
وبالنسبه لقطع الغيار > والله مالي خبره بالقطع لأن سيارتي جديده والى الأن ولله الحمد ماطلبت قطع
وبالنسبه للتحمل والجوده >> فا انا انصحك بالماركيز .
وشف اخوي اذا انت تبغى عزم قوي ورجلك ثقيله >> تراي ماانصحك بالأبيكا ابداً للأن عزمها موب ذاك الزود
وانا ماابغالك الا الخير
وموفق اخوي . .
كيف حالكم شباب عسى اموركم تمام
بغيت اسالكم حبايبي عن الموديل الجديد للابيكا 2011 هل بيتغير و لا سيبقى كما هو
لان الشكل الحالي صار له اربع موديلات 2007 -2008-2009-2010
لذا اتوقع ان السياره بتتغير بشكل جديد مع الموديل القادم