تقرير عن الفورد فوكس 2012 .. (عن تجربة) حتى 11000 كيلومتر

[ابوضرس]

ماشاء الله تبارك الله ... تجربة أكثر من رائعة
بس لو زينت الموضوع بصور لسيارتك ... ولا ماتبغانا نعرفك إذا شفناك في المدينة
أعيد وأشكرك عالمعلومات القيمة عن الجيربوكس اللي بصراحة أثريت فيها الموضوع.
أجبت على تساؤل كبير في بالي لما قالي أحد مهندسي صيانة شركة فورد انك لو جربت سواقة الفوكس الجديدة تقول جيرها مخبط ، ذحين عرفت السر ... الله يعطيك ألف عافية ويبارك لك في الكتكوتة الألمانية الأمريكية

حياااك ..

الحمد لله انك استفدت ,, هذا هدفي كان ان تعم الفايده ...
بالنسبه لصور سيارتي والله ياخوك كانت مغبره ودخل رمضان ولا عاد فضيت
وكلامك صحيح والله .. هي وجودها في المدينة خصوصا وفي المملكة عموما قليل ونادر جدا جدا .. لونها كحلي مافي غيرها في المدينة خخخخخخخخخخ

تحياتي لك

[ابوضرس]

#

يكفي ان صناعتها المانية

اشكر مرورك والتعقيب يالغالي ...

صادق ,, تقنية وصناعة المانية .. راح تلاحق فرررق بينها وبين الفيوجن مثلا رغم انهم من نفس الشركة ..

[speeed1]

مشكور على التقرير

وننتظر تقريرك بعدسنة مدعم بالصور

تحياتي

[Cruz]

جزاك الله خير أخوي الغالي ..

طيب عندي سؤال: شرايك أنا طالب راعي مشاوير كل أسبوع أروح 160 كيلو وأرجع بنهاية الأسبوع (تقريباً 320 كيلو أسبوعياً).
تنصحني فيها ؟؟ علماً أن سيارتي السابقة كراون فكتوريا .. وميزانيتي بين 50 و65 ألف.

ياليت تقول لنا أسعارهم لأني أظن الفل ب 80 ألف الظاهر (مبالغ فيها) ..

ووش رايك هي وإلا الكروز؟ ومن أوسع من داخل ومن أطول شاصي وأكبر شكلاً؟

وشكراً لك

[ابوضرس]

جزاك الله خير أخوي الغالي ..

طيب عندي سؤال: شرايك أنا طالب راعي مشاوير كل أسبوع أروح 160 كيلو وأرجع بنهاية الأسبوع (تقريباً 320 كيلو أسبوعياً).
تنصحني فيها ؟؟ علماً أن سيارتي السابقة كراون فكتوريا .. وميزانيتي بين 50 و65 ألف.

ياليت تقول لنا أسعارهم لأني أظن الفل ب 80 ألف الظاهر (مبالغ فيها) ..

ووش رايك هي وإلا الكروز؟ ومن أوسع من داخل ومن أطول شاصي وأكبر شكلاً؟

وشكراً لك

واياك اخوي ...

اذا للخطوط ما انصحك بيها .. خليك على الفكتوريا اريح وأفضل أو إنك تاخذ الفوكس الفل كامل لان فيها مثبت سرعه, واتوقع انها اريح من الاستاندر ,وسعرها فوق الثمانين
السيارة تبدأ 68 تقريبا

بالميزانيه هذي مافكرت في المستعمل ؟؟ فكتوريا 2010 ولا فورد تورس استاندر 2010 او 2011 ماشيه قليل ؟
لان بالميزانيه هذي يدوب كيا سيراتو ولا هونداي الانترا , واثنينهم ماتوقع بالخط مريحين ,,

الكروز أشوفها اصغر واضيق ,, بس للمعلوميه تراني دبه ,, يعني قد يكون حجمها مناسب لك .. لكن اللي لاحظته وبشكل واااضح ان الكروز اضيق واصغر .. وبالنسبه لي مافكرت فيها كثير لانها شفرليه ووكيلها زباله (اكرمكم الله) ولي تجارب سابقه معهم (كابرس صابونه 96 ولومينا 2006)

ارجو اكون افدتك اخوي ... موفق خير يارب

[DENZEL]

السلام عليكم

الفورد فوكس سيارة غنية عن التعريف بالعالم , وللاسف مهضوم حقها في المملكة .

عام 2012 مبيعات السيارة في العالم تخطت المليون سيارة !

وحققت رقم 2 عالميا في المبيعات خلف الكورولا بفارق بسيط .


الله يعطيك خيرها ويكفيك شرها وعقبال الـ 1.000.000 كيلو

وشكراً

[alhizami]

مشكور أخوي على الموضوع

أنا و لله الحمد عندي فورد فوكس تيتانيوم 2012 و لونها أبيض كرستالي شي زي كذا

الحمد لله السيارة ممتازة و أنا أقارنها بالسوناتا بحكم أنها كانت عندي قبل الفوكس

بالنسبة لي الفوكس أفضل من جميع النواحي ما عدا الوسع

شكرًا لك أخوي و صراحةً حمستني أسوي موضوع

[SHERLOCK H]

^

ياليت تسوي موضوع , هالشيء راح يفيد بانتشار السيارة , وانتم ياملاكها المستفيدين الاوائل من هالشيء على اساس تنتشر قطع الغيار

اعذرني ياصاحب الموضوع على الرد مره اخرى , بس فعلاً اتمنى من الأخ يسوي تقرير عن التايتانيوم الي معه

وللأسف ناس كثير تنتقد سعر التايتانيوم , ورغم انه بالحقيقة اشوف الكورولا الفل كامل كثير بالشارع وسعرها 75 الف تقريباً , ولا فيه ربع مواصفات الفوكس , تناقض صراحة