ولله ابتلشت في البنزين مع التاهو 2009

[GM_TAHOE]

احنا كان عندنا تاهو 2009 كنا نعبي 95...!!

يوم شرينا 2011 صار معه نظام تقدر تعبي 91 يعني الي قبل ما يصلح تعبي 91 لانه لو يصلح ما اضافوا هالنظام<<<< هذا و الله اعلم يمكن كلامي يطلع غلط...!!

اي نظام تتكلم عنه ؟؟
اليوكن والتاهو من 2007 الى2011 نفس المحرك بالضبط
وتقبل لحد 87 اكوتين فما بالك ب 91

[soft-f16]

اتوقع يكتب عندكم بالكتلوج

اقروه ..

[هـــب الـــريـــح]

اما تجربتي انا كتالي
طلع احد اقاربي جمس سيرا 2011 غماره فل ولظروف العسكريه اعطاني الجمس واخذ موتري من اجل امرنه واسوي له صيانة الالف كيلو
طبعا هو مطلعه من معرض ويقول سئلت الوكاله وقالولي 91 اخذت الموتر من اجل التمرين لكن كنت احس لما اوقف السياره وهي شغاله برجفه بالمكينه يهز منها بدي السياره كأنها موصافي اشتغالها والحاجه الثانيه برود العزم يعني بعد مامشت السياره الالف كيلو شيكت عليها عند الجميح ورحت للرياض تمشيه وتفاجئت اني مثبت السرعه على 140 وكان فيه هوى الخط وكل شوي مرجع نمره يعني يمشي 140 بسادس وبعدين يرد للخامس ثمن يرجع للسادس الحقيقه خفت على القير وفصلت المثبت وقلت حسافه يندفع في هذا السياره ولا 50 الف المهم دقيت على قريبي وكلت له المشكله لانه هو اغلب سياراته جموس وشفرات قالى بكل برود مر على الوكاله وعلمهم المشكله
مريت الوكاله وطلبت الميكانيكي وقلت له المشكله ضحك وقال السياره مافيها شي قلت وشلون مافيها شي وانت ماكشفت عليه ولا فحصته قال تبي الموتر يضبط قلت اجل وش انا جاي له قالي عبه بنزين 95 قلت مايسبب مشاكل قال لا بس حاول تفضي التانكي وبعدين عبه تقريبا بخمسه ريال واذا ولعت اللمبه حقت البنزين عبه فل وان شاء الله مهنا الا العافيه سويت الى قالي وتغير على الموتر راحت الرجفه وصفت المكينه وايضا ضبط عزمه
خلاصت كلامي وانا ماعندي خبره بالامريكي اذا الوضع معك اوكي في ال 91 فخلك عليه لكن اذا واجهتك مشاكل منه غير الى 95
والله يكتب لك الخيره

[the black chevy]

محركات الv8 الافضل لها ان تعبيها ببنزين الاوكتين حقه 95 وانت طالع

يبين لك اداء المحرك وقوته وايضا يخليه يعيش معك عمر اكثر

ولا ننسى ان 95 جوده اكثر ايضا من 91

ياليت تعبي 95 افضل لك واضمن لك

وعلى قولتهم الرخيص مخيس ( 91 ) والغالي سعره فيه ( 95 )

وشكرا

[بنسآك]

انا لي اسبوع من طلعت تاهو 2011 ال تي ومكتوب في الكتالوج اللي غطاء تانكي البنزن اصفر يعبي بنزين 85 او اقرب نوع له اذا ماهو متوفر 85 وطبعا بالسعودية
فيه 91 و 95 وانا الان اعبي 91

[الخالدي88]

نصيحه عبي 95 اذا كنت تريد المحافظه على سيارتك لفترة اطول

[Bader-M]

اسالت احد الأصدقاء عنده مثل موتري قالي المكينه حجم 8 اسطوانات. ضروري تعبئه 95 وانا احترت بين ها الناس والوكاله والربع

ههههههههههههه
مشكلة البعض يفتي بغير علم
يا اخي اقراء الكتلوج فية جميع المعلومات التي تهمك
من نوع الوقود و نوع الزيت و كمية الزيت و متى تغير بالبواجي و فلتر الهواء ...الخ
على فكرة 91 هو المناسب لسيارتك

[samaction]

91 و انت مرتاح اتكركك من اللي يقول تجيك رجه و عمر المكينه يقل هذا كلامه من ايملات اي كلام فاضي