رابطة ملاك جيوب الهوندا PILOT/MRV

[لؤي البازي]

شهر مبارك علينا وعليكم

يارب تقبل مني ومن الجميع الصيام وكل عمل صالح

كان ودي أكون معكم في الرابطة

بسيارة ( البايلوت )

لكن البنك رفض طلبي بحجة

أن عملي في مكان وسكني في المكان الآخر

والشغلة على بعضها ((( النصيب )))

والحمد لله والخيرة فيما اختاره الله

خليني أجمع في التفاريق

وشكراً مرة ثانية (( لأبو راكان ))

والمشرفين الذين أبدوا تعاوناً جماً مع الرابطة

منتدى الخير

[أبوراكان57]

الأخ لؤي البازي
الحمدلله على كل حال وحنا كان ودنا تكون عضو فعال في الرابطة
لكن لعل في الأمر خيرة وكل تأخيرة وفيها خيرة
ماتدري يمكن ربي ييسر أمرك وتشتري 2012 او 13 وتنزل الفئة الأعلى TOURING

بعدين عاد تكشخ علينا بالشاشة والحركات


بس لا تغيب عنا واحفظ رابط الموضوع في المفضلة عندك

[لؤي البازي]

ههههههههههههه

إن شاء الله

ولا تنسون أن معي

هوندا (إتش آر في ) منذ 2004م

دفع رباعي ممتاز لكن ماهو حق سفر ولا طعوس

حق بر خفيف خاصة أيام الربيع في الساحل الغربي

وشكراً لاهتامك

[@ابوابراهيم@]

سلام عليكم
مبروك السيارة والافتتاح
الله يعطيك من خيرها وكف عنك شرها ابوراكان
بخصوص الصور تحصل فوق المتصفح تابع للمنتدى رفع صور انقل عليه
وبالتوفيق

[أبوراكان57]

صورة عامة لسيارتي


منظر خلفي


يمكن فتح الزجاج الخلفي فقط بدون فتح الباب


أو فتح الباب الخلفي مع توفر مساحة جيدة للتحميل


أو طي الصف الثالث وتوفير مساحة أكبر مع ملاحظة أن الصف الثالث ينطوي في مكانه بحركة واحدة ولا داعي لوضعه تحت درج البيت أو فوق الملحق أو السطوح


او طي الصف الثاني والثالث لتحويل السيارة إلى فان بضائع !! (يصلح غرفة نوم إذا ما لقيت شقة في الشرقية)


منظر يبين النظام الصوتي (ستة سي دي) ونظام التكييف باختيار درجات الحرارة لثلاث مناطق مختلفة في السيارة وتظهر الشاشة وبها ساعة وبوصلة كل معلومات النظام الصوتي والمكيف


المقود (الدركسون) وبه أزرار للتحكم بمثبت السرعة (يمين) وأزرار للتحكم بالنظام الصوتي (يسار)

[ابوسمره السكره]

هلا ابوركان يعطيك العافيه مقصرت كلام جميل ووافي

الحقيقه انا من المعجبين جدآ بسياره هوندا وكان قبل لا يطلع الشكل الجديد وكنت معزم عليها مره بس القدر خلاني ابعد عنها وشتري لكزس es ولله الحمد

قبل اربع ايام تقريبآ هزني الشوق الى جيب الهوندا مازال في بالي رحت للوكاله وطلبت تجربت السياره وفعلآ عطوني السياره وجربتها

من خلال التجربه السياره حلوه مره في القياده اعجبتني كنت جاي على اساس انها عاديه بس طلعت حلوه
قيادتها تحس انك تسوق سياره صغيره والله ماهو على حجمها الي تشوفه
الشي الي خرب علي اعجابي فيها ربما نوعيه الجلد المقاعد مقارنه بالكزس خرب علي شي الكثير

كذالك نوعيه صناعه الطبلون ما تحس انها مليان تضرب على الطبلون تسمع بلاستك زعلني كثير كثير كنت جاي متحمس بس والله انقهرت وكذلك الابواب ما تحس انها مليانه

لما سألت الموظف معي قلت وش صناعتها قال علي كلامه استرالي او امريكي ياليت توضح النا الصناعه بو ركان لاهنت والهوندا الي معك ابوركان 99 قديمه اعتقد اعتقدانها يباني يباني صحيح

وقال لي بالنسبه للدفع الرباعي الى 80 تمشي دفع رباعي بعد 80 يتحول على دفع امامي حسب ما قالي ياليت توضح ابوركان هل هو صحيح ولا غير صحيح

بعدين ابور كان هل فيه فرق كبير بين المخمل والجلد انا ممكن اضحي يالجلد ماهو مشكله بس اذا كان الفرق كبير بالنسبه للاكسسورات لا نرجع للجلد

وكم سعر المخمل حاليآ


انا حقيقه ما قول الكلام هذا عشان ابعد احد لا بس والله للتوضيح مدام ابوركان مشاء الله عليها فتح لنا الباب ودنا الكل يستفيد

على فكره السياره في البحرين تمشي عندهم مو طبعي

تصدقون اتصلت على البحرين اسأل عن جيب الهوندا قال الموظف باقي عندنا من 2011 فقط خمس سيارات فقط اذا تبي الحق عليها دليل ان السياره حلوه

انا انشاء الله معزم عليها ابو ركان رجع لنا الهمه كثير هههههههه

مشكور ابور كان تحياتي لك الله يعطيك من خيره ويكفيك شره تصوير وافي وممتاز

[أبوراكان57]

هلا ابوسمرة وأشكرك على مشاركتك الثرية وعلى ثقتك بي
بالنسبة ياطويل العمر والسلامة لموضوع الجلد أو نوعية صناعة الطبلون أحب اعلق عليها بأن كل مصنع وله سياسة وله اولويات يمشي عليها فلو تلاحظ اللكزس بشكل عام هي سيارات فخمة وشي طبيعي تلقى الجلد فيها والاثاث من أرقى الأنواع وتلقاك لما تضرب عليه تسمع صوت مكتوم لأنه مليان أما بالنسبة للهوندا فالأولوية للاقتصاد في الوقود وتخفيف الوزن والمحافظة على البيئة فلذلك بالتأكيد ستلاحظ ان جودة الفرش والاكسسوارات أقل من اللكزس ولا يعني ذلك انها سيئة لكن لابد من التنازل عن شي مقابل شي ( والزين ما يكمل )

وبالنسبة للصناعة ( أمريكي ) بمواصفات ومعايير هوندا الأم اليابانية ، أما الأكورد الي كانت معي فلا أتذكر صناعتها لكن في الغالب انها يابانية 100% وأما بالنسبة للدفع الرباعي فهو مستمر حتى سرعة معينة ثم يكون أماميا فقط ( لست متاكد من السرعة الآن لكن اتوقع 80 كثيرة! لكن راح ارجع لديل السيارة واجاوبك بإذن الله)

وبالنسبة للفرق بين الجلد والمخمل فإنه يتضمن فرق في فتحة السقف وبعض الاكسسوارات الأخرى التي لها دور في تجميل منظر السيارة ووجهة نظري انك تاخذ الجلد لأن الوكيل (المحترم) لم يوفر سوى فئتين فقط فلماذا تحرم نفسك وتاخذ الفئة الأقل يعني لو كان بصراحة موفر أربع والا خمس فئات وعندك مجال تختار ممكن اقول لك اختر فئة متوسطة او على حسب حاجتك لكن مادام انها فئتين فقط اختر الأفضل ووسع صدرك)

[ابوسمره السكره]

مشكور ابوركان وكلام جميل والله يابوركان لواني موظف في عبدالله هاشم كان طال عمرك سويت لك صيانه مجانيه طول العمر

ولو تدافع عن السياره بشكل حلو ولا معطينك خصم 40% من قيمة السياره هههههههه
مجرد مداعبه يا جماعه الخير ابوركان اخ عزيز له كل التقدير ولاحترام

طيب فيه فرق بين 2009 و2010 من ناحيه الداخلي ومناحيه المقصوره ومن ناحيه الاكسسوارات ولا 2009 نفس 2011

كثرنا عليك ابور كان بس ان شاء الله في موزين حسناتك

تقبل مروري ولا تزعل علينا فمان الله