قناة السيارات
ياخي كل واحد حر طالما ما انه في مجال حريته وما يأثر عل الاخرين
اذا مهو عاجبك الشكل طالع الجهة الثانية
اللي يقهر كان ممكن تقول
اللي يركب الخطاف على الصدام الامامي للكامري (حلقة الجر)
اللي يمشي في خط سريع من غير انوار لين يقرب من عندك ويكشح بالعالي
اللي يوقف في الاشارة في اقصى اليمين وهو يبغى يديور
اللي يتجاوز الخط الاصفر على السريع وتلحيم في اللي يمين واللي قدام
الرجاء التحلي بأداب الحوار
سيتم حذف اي مشاركة مسيئة
الصراحه الهيدروليك فيه فوائد كثير للموتر بعدين وش جاب التريلات
حن نتكلم عن المبزره ذولي مركب هيدروليك وجالس يطامربها تسمع صوت الحديد من مسافة كيلو يصك باذنك صك
ولي يقول مغبر هايلكس والله اشوف انها شي عادي ولي منزل موتره شي عادي هذا رايه الخاص والخساير فيه ماعلينا منه ولي يكبس خله يولي
لكن وش نقول الله يهدي الشعب السعودي
على فكره المفروض الدوله تسوي برحات للشباب المزبطين والمفحطين
الي يبي يتفرج يروح البرحه هذي ولي ما يبي يشوف انها حركات ورعان الله لا يهينه يبعد ويريح راسه
مايروح ويقول ورعان صدق انت لا تنزل مستواك لهم
وسلامتكم
ياخي الواحد بكيفه
اذا انت دافع شي من جيبك وقتها معاك حق تقول الكلام هذا
وانا مع
xaxis
في كل كلمه قالها
المفروض ماتتكلم عى الي مركب هيدروليك لانه ماضايقك بشي
يعني الحين اذا رفع السياره بتدخل سيارتك تحت سيارته وبيعجنها لك والا كيف؟؟
في ناس عندهم الشي هذا هوايه
وعلى فكره
انا عندي 7 من اخوياي كلهم هواياتهم التعديل على السيارات
وكل واحد منهم عنده سيارتين وحده يعدل فيها والثانيه اذا بيروح اماكن يحتاج فيها رسميه
يعني انا اشوف ان موضوعك هذا مع احترامي الشديد لك ولبقية الاعضاء ان ماله اي داعي نهائيا
اذا بتتكلم عن الاستخدام السيئ للسيارات
تكلم عن المفحطين
تكلم عن الي يسرعون
تكلم عن الي يطلعون من بيوتهم ويجلسون يفرون بالشوارع وياذون الي رايح والي جاي
هذي المواضيع الي من جد المفروض نتكلم عنها
وفي النهايه اعتذر منك ياصاحب الموضوع
واسف على الاطاله
بكيفه في بيته مو بالشوارع
الشارع له حرمه وله ناس ما يمشي لحاله
يزعجنا باصوات الحديد ومميل سيارته كأنه معوق !!
حتى يحترمك الناس عليك ان تحترمهم ,, وهذا بصراحه مهو محترم نفسه ,,,,,
تقولي بكيفه ؟؟ يجلس ببيته بسيارته بريموت ويسوي الي يبي
للمعلوميه
الموضوع فقط
للعقلاء
اما من لم يكمل عقده الثاني او لم يصل لمرحلة النضج
اتمنى ان لايشارك ويتشعب بالموضوع ويدخلنا بمتاهات ؟؟
موضوعي عن الهدروليك فقط وهي عاده مقرفه واصحابها بشعين
شاء من شاء وابى من ابى
زعل من زعل ورضي من رضي
طيب انا بسالك الحين
هو ضرك في شي؟؟
يعني يوم ميل سيارته صدم سيارتك؟؟
او انه يوم نزل السياره للارض صار لسيارتك شي؟؟
ما اظن انه سوى لك اي شي اللهم ان المنظر ماهو عاجبك!!
طيب انت شخص ماتحب التعديل على السيارات صح؟؟
طيب اذا كنت بالخط السريع وقدامك واحد وكشحت له بالنور عشان تتعداه وقام شغل انوار الريوس وهي زينون؟؟
طبعا انا متاكد وقتها ماعاد بتشوف شي؟؟
وش نظرتك له؟؟
او اذا ماعنده زينون بالريوس خلاك الين تتعداه وقام يعميك بالزينون !!
وش نظرتك له؟؟
هذي الاشياء الي ممكن يضرك فيها اما تقولي هيدروليك يشوه منظر الشعب السعودي هي والله مدري كيف تجي!!
يعني لو انك جيت تتكلم عن الي مركب سيستم صوت كامل وواقف عند الاشاره ورافع الصوت على اخر شي وجيت تتكلم عنه انه يشوه منظر شباب السعوديه وقتها انا اول واحد بتلاقيني في صفك....
للمعلوميه
الموضوع فقط
للعقلاء
اما من لم يكمل عقده الثاني او لم يصل لمرحلة النضج
اتمنى ان لايشارك ويتشعب بالموضوع ويدخلنا بمتاهات ؟؟
موضوعي عن الهدروليك فقط وهي عاده مقرفه واصحابها بشعين
شاء من شاء وابى من ابى
زعل من زعل ورضي من رضي
اول شي ما ادري وش تقصد بالرد هذا!!
ثاني شي ما اتوقع انك بتلاقي احد يرد على الموضوع حقك
الا اذا بيرد عليك واحد مايعرف اي شي عن تعديل السيارات وواحد يحب يحسد الناس الي عندهم استطاعه انه يعدل سيارته
يعني لو اقولك ان فيه بعضهم يوصل مبلغ تعديل سيارته 25 الف ريال وعلى ايش؟؟؟
على كرسيدا موديل في التسعينات!!!
وعلى ما اظن انه مافي احد كبير يعدل السياره لان هذي المرحله للشباب مابيجيك شايب يعدل سيارته
يعني الي بيرد عليك اغلبهم مجربين الهيدروليك وكلهم من الشباب
وانا متاكد واقدر احلف مافي واحد وقف في صفك قد عدل سيارته واذا انه قد عدلها ماقد وصل انه ركب هيدروليك او سيستم او مغير الداخليه والا معدل في المكينه والا معدل في الشكل الخارجي
يعني حده على الزينون والتظليل تكييس المقاعد والاستيكرات!!!
مايزيد عن هذي
على العمرم انت لاتزعل نفسك وتعطي الموضوع اكبر من حجمه
زي ماقال واحد من الي ردوا فوق
اذا ماعجبك شكل الي مركب الهيدروليك لف وجهك للجهه الثانيه وسوي نفسك ماشفت شي
