أي استفسار عن لاندروفر أو رنج روفر تفضلو

[كاظم باور]

عندي سيارة لاند روفر 2005 السيارة مسكرة والمفتاح واريمونت لايعملان المفتاح الميكانيكي لا يعمل اريد فتح الابواب باي طريقة ساعدوني ارجوكم

kadhm power@yahoo.com

[كاظم باور]

عندي سيارة لاند روفر 2005 الابواب مسكرة والريمونت معطل ولا استطيع فتح السيارة بالمفتاح الميكانيكي اريد مساعدة عاجلة ارجوكم
kadhmpower@yahoo.com

[ناوي بانوراما]

عندي سيارة لاند روفر 2005 الابواب مسكرة والريمونت معطل ولا استطيع فتح السيارة بالمفتاح الميكانيكي اريد مساعدة عاجلة ارجوكم
kadhmpower@yahoo.com

هلا اخوي كاظم انا اتذكر حصلت معي نفس مشكلتك كان وقتها معي بي ام وتقفلت الابواب وكنت احاول افتح بالمفتاح مايوصل للسيارة كهرب وماكان فيه حل الا اني رحت لورشة وطلع معي الفني وكان معه زي جهاز وفيه اسلاك شبكها تحت في السيارة وتفتحت على طول الابواب تقدر تقول انه اشتراك وبعدها وديتها للورشة وكانت المفاجأة ان السنتر لوك عطلان وغيرته ورجعت الامور تمام . وطمنا اخوي وش يصير معك حبيت انقل لك تجربتي . اتمنى اكون افدتك.

[ناوي بانوراما]

مساكم الله بالخير اخواني .
ويشرفني انها تكون اول مشاركة لي بهالمنتدى الطيب اللي فيه ناس طيبه شرواكم.
وراح ادخل بصلب الموضوع شباب ولا اطول عليكم،
مشكلة بعضنا انه ماغير يطارد اللي ( يقولون ) .. ماذبحنا اللي هاللي ( يقولون )
طيب انت جربت السيارة ؟ قال : ( يقولوووووون ياخي خلاص ) !!

اللهم أبرئ اليك من حولي وقوتي إلي حولك وقوتك
فادفع عني عين الحاسدين وحسدالحاسدين.
انا شريت السيارة قبل سنة وشهرين بالضبط موديل 2009 ! يعني من الميناء على الوكالة على اسمي.
شريتها بعد ماقريت، وشفت بالانترنت، وقارنت مميزاتها مع مثيلاتها وسألت ناس عندهم نفس الموديل تحت استخدامهم فترة، وجدت انها تناسب اللي ادور عليه بسعر ارخص بكثيييييير من مثيلاتها !
ويشهد الله علي .. ماشاءالله تبارك الله ، السيارة ماشكيت منها ولا شي الى الان اللهم لك الحمد والشكر.
اداوم فيها كل يوم مسافة 50كم. اروح فيها مشاوير يوميه ، وسافرت عليها .. جربتها على الطعوس ودخلت فيها بر مع اخوياي ، وماشاء الله تبارك الرحمن .. السيارة كأنك تتمشى على الكورنيش من قوتها وصلابتها.
ياجماعة لازم تعرفون ان الاراء تختلف والاذواق as well .. وزي مايقولون JJ :
لولا اختلاف الاذواق لـ باءت السلع !
ما راح اتكلم عن نظام السلامة ولاعن اداء السيارة في البر، تقدر تشوفها باليوتوب:

انا بس ابغى اوضح بعض النقاط... ولاحد يزعل مني تكفون J
1. قبل كل شي ( زي مايقولون JJJ ) : مد رجولك على قد لحافك !
لاتشتكي من اسعار قطع الغيار وانت عارف انها اغلى من التويوتا وال جي ام .
2. ماراح اقول ان السيارة هذي راح تعيش معاك مدى الدهر، لكن السيارة اذا انت ( محافظ عليها ) ونركز على كلمة ( محافظ عليها = مو غسيل بستم وتلميع السيارة زي بعض الناس فاهمين ) راح تعيش معاك اكثر من غيرها اذا :
· ماتمشي فيها لين تحمى المكينه.
· ماتاكل مطبات واجد ( مايعدم سياراتنا الا شوراعنا !!! )
· ماتشغل المكيف وانت مسرع.
· ماتسيء استعمالها بالطعوس ( يعني طعّس قد ماتقدر بس بذوق J )
· ماتغسلها بستم بالديزل ( ياشباب والله ان الديزل يعدم السيارة من تحت وينشّف الاهواز وجلد السيارة من تحت .. غسلها بمويه وبس ) !
· تحافظ على صيانتها وتغيير القطع الاستهلاكية على طول .. وقت ماتبي قماشات غيرها ، وقت ماتبي بواجي غيرها ، لان كل خراب يجر خراب !

ارجع وانا اقول اي سيارة بالعالم ( اي سيارة ياشباب ) تسيء استخدامها راح تطلب منك !
اي سيارة بالعالم ( اي سيارة ياشباب ) تسيء استخدامها راح تطلب منك !
اي سيارة بالعالم ( اي سيارة ياشباب ) تسيء استخدامها راح تطلب منك !


************************************************** **************
ولا ماكان لقيت ورش الصناعيه مليانه كراون فكتوريا وكابرس وكامري كلها جدد ومخبطه مكاينها وقيورها !
************************************************** **************
ومعليش ياراعي اللاندروفر ، حدث العاقل بما يعقل !
انا معاك يمكن الوكاله تكون سيئة، ولكن صدقني احسن من مثيلاتها الناغي وسماكو ( اسأل اللي عندهم فولكس فاجن وأودي ). وانا معاك دخلت سيارتي 3 مرات ( صيانه ) وطلعت بنفس اليوم بدون تأخير .. قالو لي نغير لك القماشات ؟ قلت لهم لا ..
فغيرتها بعد 3 شهور من صيانتها عند مركز خدمه بـ 100 ريال شغل يد ( قيمة القماشات على فكرة 1300 ريال طقم امامي وخلفي من البحرين ).
وبعدين مراكز خدمه برا مليانه توفر لك الصيانه يا اخي J وقطع الغيار تقدر تجيبها من ( البحرين أو الكويت ) او حتى عن طريق النت الحين قرّب كل شي عندك ... كلها اسبوع وقطع الغيار عندك اصليه وبنص السعر بعد !!!
وبالنهاية، انا ( في نظري ) مع احترامي لجميع وجهات النظر ... ال LR2 لما تقارنها بنفس اللي فئتها... والله صراحه عز J ماشاءالله تبارك الله. سيارة شبابيه ملمومه بفخامه الرنج ، وقوة الديفندر.
وبعدين بالنهايه اسمها Land Rover . واللي مايعرفها زين يقرا تاريخها J
واي استفسار عن اللاندروفر LR2 انا حااااااااضر .
وتحياتي للجمييييييييع بدون استثناء ...

حياك اخوي LR3 بين اخوانك في المنتدى وشرواك الطيب يالغلا. كلامك عين العقل وزبدة الحكي تعبنا من وكالة ( يقولون) وضرت ناس كثير عموما ماقصرت وبارك الله فيك وبداية مبدع واحب اضيف على كلامك فيه ناس تشتكي من الرنج 2006 يقولون ان اعطاله الميكانيكية كثيرة وناس تقول لك 2007 تلافو هالمشكلة لكن مازالت مشكلة الهايدروليك يخرب معك خذ لك 2008 بس يمكن تلقى في بعضه عيوب مصنعية خخخخخخ ساعات ودك تقوله ورى مانتقاط أنا وانت ونفتح مصنع واخليك تركب قطع الرنج يمكن مايصير فيه مشاكل هذا اللي يقول لك يسمع في الرنج عموما اي سيارة فيها مشاكل طبيعي هالشي لكن الرنج نفس البي أم هم طبعا صار وكيلهم واحد اللي هو الناغي بمعنى انهم سيارات رفاهية يعني ( الرنج و البي أم والمرسيدس بانوراما والبورش والجاكور والاودي ...الخ ) سيارات رفاهية بمعنى خذها كسيارة ثانية يعني خفف عليها الكرف شوي يعني خلها عندك حقت تمشيه وفرارة لكن لاتخليها حقت كرف ( بر و دوام وسفريات ومقاوم وتدعيس ) لااااا ماتعيش معك ابدااا يعني خلها حقت روقان فرارة بركادة لاتدعس وتطير بين السما والأرض بدون حاجة بس عشان جنبك واحد يدعس في الاشارة ماتبيه يطوفك ثم العالم يقولون رنج ولاطافه مشكلة خخخخخ طبعا الصيانة لاتقصر على الموتر فيها من ناحية القطع الاستهلاكية واذا لاسمح الله سمعت صوت نصيحة خلك موسوس لأن الوسوسة بتخليك تروح للورشة وتتلافى الخراب من بدري نفس وضع البي أم بالعكس انا اشوف الرنج اقل تقنية كهربائية من البي أم الجديد من 2002 ...2011 واعرف ان الخراب بيجر خراب في كل سيارات الرفاهية يعني لو خرب حساس البريك لاسمح الله واهملته عادي يصير البريك مايمسك معك بالشكل المطلوب غير كذا لاتكثر من تنوع الورش كل يوم ورشة اثبت على ورشة عاملها عرفت أن اسعارها معقولة وتصليحهم ممتاز خلاص ماله داعي تغيروبالنسبة لقطع الغيار للرنج السبورت من 2006 تلقى تقريبا موزعين اثنين لقطع الغيار في الشرقية واكثر من ورشة تفهم فيه وتقدر مثل ماقال اخوي lr3 تجيب القطع من الامارات او البحرين او الكويت او الاردن . بعدين لاتقصر على الموتر بالصيانة سواء رنج ولاغيره وماراح يخذلك. شغله المستخدم تخوف ماتدري انت اللي قبلك شلون استخدامه للموتر لكن حاول انك دايم تآخذ سيارة ممشاها اقل من 80000 ليش عشان تكون نوعا ما توها محركات السيارة بصحتها
يعني زي الدينمو وغيره . بالنسبة لوزن الاذرعة والترصيص انتبهوا مهوب اي مكان تغامر وتسوي عنده الوزن ليش لان قريبي قل كم يوم مسوي وزن اذرعة عند العضيب اللي في الرياض وماسوت عليه طاح عليه المقص بسبب انهم غلطو في شغله استغربت والله العضيب مشهور ومعروف بشغلهم المتقن في اللكزس وغيره طبعا ماامداه طلع من العضيب ومشى في السيارة توه بيمسك خط الدمام الا طاح عليه المقص بسببهم لان الرجال محافظ على الصيانة والتشييك ومهتم في السيارة ماشاء الله تبارك الله واخرتها شالها بسطحه ورجع لهم قالواحنا مانتحملها ليش مشيت على السيارة شرايكم يعني اوقف السيارة عندكم واروح بليموزين للدمام خخخخ عالم غريبة طبعا عشان يخلون مسؤليتهم من الموضوع بس مهوب كل مرة سلامة يعني لو انفك عليه المقص وهو مسرع على الخط حادث ويمكن ينقلب والسبب غلطة فني انتبهوووووا ياشباب من ميزان العضيب شغلهم زين بس دقق وراهم وتأكد من كل شي وخلهم يرفعون السيارة وشيك بنفسك اضمن لك انا مااشوه سمعتهم بالعكس انا سابقا كنت من اشد المعجبين بشغلهم من خلال اللي اسمعه عنهم من الشباب اخويانا ومن خلال الانترنت بس بعد هالمشكلة خفت منهم ومن شغلهم. واخيرا ياشباب نصيحة اللي بيآخذ رنج روفر يآخذ من 2006 -الخ ويفحص عليه عند الوكالة (الناغي) ويشوف ملف السيارة عندهم والتشييكات والخرابات عشان يشتري وهو متطمن بعدين اللي بيشتري لايآخذ سوبرشارج طبعا استعمال خليجي. صح السوبرشارج عزم قوووي 400 حصان لكن مشاكله وااجد من ناحية ان عزم المكينة قوي مايتحمله القير ممكن مع الوقت يصير عندك مشكلة في القير لاسمح الله عاد قيره مهوب رخيص عادي 50000 ريال تدفعها عشان تركب قير جديد عشان كذا اعتقد اكثر العالم يركز على وجود الضمان لأن سعر القير والمكينة غاااالي كجديد لكن مدري كتوضيب كم سعرهم. خذ العادي وريح راسك HSE اللي هو 300 حصان عزم معقول ومناسب للقير. وبالنسبة للاستخدام الامريكي اللي قريته ان الفرق بينه وبين الخليجي في مدة الضمان انها سنتين او 50000كم والشي الثاني قطع الغيار مهيب متوفرة بكل مكان تلقاها ممكن تلاقيها بس بصعوبة مدري بالنسبة للحرارة هل فيه مشكلة فيها او لا مدري صراحة وهل تركب قطع الرنج الخليجي على الرنج الامريكي مدري حقيقة وياليت من الاخوان الاعضاء الكرام اللي يعرف الفرق بينهم يبين لنا ونكون شاكرين ومقدرين له جهوده.ويعطيكم العافية اخواني.
سؤال ياشباب سبب حرص اي مشتري للرنج على وجود ضمان عليه لماذا H ارجو من اخواني الاعضاء افادتنا عن هالمعلومة يعني الرنج روفر سعره بدون ضمان مرره طااايح لكن الضمان يعز سعره فيرتفع شوي يعني تلقى فررررق كبييييير في السعر على اللي متعدي ممشى الــ100 ألف

[تركي9080]

يااخوان انا عندي رنج سبورت سوبر شارج ٢٠٠٨
ماشالله نظيف وماكان فيه شي فجأه وانا ماشي اشتغلت ثلاث لمبات في الطبلون
لمبة مثلث وفيه علامه تعجب وعليه سهم دائري لونه اصفر
ولمبة مثل حقت البريك بس علامة تعجب تجي تحت الحراره لونها صفرا
ولمبة الهيدروليك اصفر
طبعا كلها اشتغلت مع بعض والهيدروليك ينزل مقدار اصبعين ومن حاله
اذا طفيت السيارة وشغلتها تروح وترجع بعد ١٠ دقايق وانا ماشي
ساعدووووني وش الحل؟
من ضمن الرسايل اللي تطلع transmission falut

[mokhtarfarrag]

السلام عليكم يا شباب
الحمد لله رب العالمين انا ربي اعطاني سيارة رائعة -- من وجهة نظري - برادو 2012 TXL -- الحمد لله وكالة عبد اللطيف جميل واراها رائعة وممتعة المهم
هذه السيارات احنا نعرفها من زماااان ونعرف فئتها وايش مميزاتها وعيوبها وكذا وكذا تقريبا كل شيء
فانا اريد وصف تفصيلي وياريت مدعم بالفيديو عن السيارات الرانج روفر وايه الفرق بينها وبين الاند روفر
لان الانسان عدو ما يجهل " الحقيقة "
واسأل الله تبارك وتعالى ان يجعله في موازين حسناتكم

[الحويطات]

السلام عليكم ورحمة الله
مساء الخير ياأخوان أنا عضو جديد معكم وابيكم تساعدوني بموضوع تغيير واجهة الرنج سبورت من 2007 الى 2013 او موديل اقل وياليت احد يدلني على مكان أسعاره معقوله
اخوي راعي الاند روفر ياليت تفيدني بموضوع طلب القطع من برى بنص الأسعار اللي عندنا
هذا وتقبلو تحياتي

[فيصل الشمري 22]

السلام عليكم استفسار لاهنتو
ابغا وش الماكينه الي ممكن تركب على الرنج روفر موديل 84 غير ماكينة وكالته
ويليت تفيدونا