ههههههههههههههههههه
والله اني انا وسيارتي فللللله
اجل سيارتي يبغالها 20 الف قطع غيار وتصليح
اليوم واخيرا الوكاله فحصوا سيارتي وماخلوا قطعه في السياره الا وقالوا خربانه
مابقي الا يقولوا صاحب السياره يحتاج تغيير وفيه تهريب من مخه هههههههههههه
والله ياجماعة الخير مو معقول هالشي ..
يعني انا فاحص السياره قبل ما اشتريها من صاحبها في افضل محل فحص في الرياض
وكل الخرابات الي فيها هي
صوفه اماميه وخلفيه .. تهريب كارتير القير ويحتاج قازقيت .. وهوز لعلبة الدركسون ..
وبكرة سير المكينه ..
وكنت ناوي اسوي هالاشياء ومن عندي بأغير زيت المكينه وزيت الدفرنس وزيت القير
وخلاص يعني بالكثير بتخسرني 5 او 6 الاف
لما رحت الوكاله طلعوا لي 3 صفحات خرابات ......!!!
خلوني اسمعكم واطربكم واترك الحكم لكم ..
خرابات المتعلقه بالمكينه
1- بيرنق المكينه
2- سير المكينه
3- بكرة سير المكينه
4- مبرد زيت المكينه <== علما انه صاحب السياره غيره قبل فتره بسيطه من الوكاله وموريني الفاتوره حقته
5- بساتم كامله
6- عمود المكينه
7- العصافير الي تجي داخل المكينه كلهم ميتين وفيه اثنين منهم في القفص وفيه واحد تنتف ريشه هههههههههههههههههههه
لا والله من جد كل عصافير المكينه خربانه
8- سير المكيف .. بس ما ادري وش قصدهم بسير المكيف ..؟؟!!!
9- صوفه خلفيه
10- وجه مكينه
11- بلوف المكينه
12- فلتر المكينه
13- وجه مكينه ( الكارتير )
الخرابات المتعلقه بالبريك
1- هوز بريك
2- هوز بريك واحد ثاني .. الوكاله شكلها لما شافت الاول يحتاج تغيير قالت لازم نغير الثاني عشان نساوي بينهم ومحد احسن من احد ههههههههههههههههه
3- بايب البريك
4- واشر البريك
5- كمبيوتر البريك EBS
6- حساس البريك EBS
7- زيت البريك يحتاج تغيير وهذا عادي مو مشكله
خرابات عامه ومنوعات <== منوعات عربي ولا خليجي ؟؟ خخخخخخخخخخ
1- بواجي
2- هوز دركسون
3- هوز دركسون ثاني وزي ماقلتلكم الوكاله شكلها تتبع سياسه مافي احد احسن من احد
4- طرمبة المويا
5- طرمبة زيت الدركسون
6- زيت القير يحتاج تغيير
7- مويا الرديتر تحتاج تغييير
8- حساس الزيت
ياجماعة الخير هالسياره صاحبها رايح جاي فيها من المجمعه إلى الرياض دائما
الي اشتريتها من عنده ويقولي والله ولا عمرها صار فيها شي ..
وانا اول ما اشتريتها نزلت فيها من الرياض إلى الدمام
ودوامت فيها يومين او ثلاثه من الدمام إلى الجبيل ولا حسيت بشي
الا رجة شوي ويمكن من الفرامل او الكفرات تحتاج ترصيص وكان قالقني التهريب الي حاصل من الصوفه الخلفيه ..
ياجماعة الخير بالله عليكم بالعقل
كيف طربمة المويا بتهرب على قولتهم ومبرد زيت المكينه خربان والسياره ماشاء الله تبارك الله السخونه ماتوصل النص بعد ..
عموما انا كتبت كل هالخرابات بالتفصيل وبكره بأروح ميكانيكي دوج في الدمام
وبأخليه هو يفحصها من اول وجديد عشان اتأكد بنفسي ..
انتظر تفاعلكم مع ازمتي
20 الف اروح اشتري فيها مكينه آر تي احسن هههههههههه
الا على فكره 20 الف بعد تعاطفهم علي ورحمتهم
ولا هي اصلا 26 الف
بس بعد الخصومات
ماقصروا صراحه
بس اهم شي انه اسعار القطع كلها هذه عندي
يعني الي يحتاج سعر شي يكلمني بس هههههه