كيف كان شعورك في اول يوم اقتنيت فيه السيارة الجديده؟ !!

[saudiman]

اخواني بالنسبة لحكاية البنزين في الوكلات ترى الدعوه مو طمع من الوكاله حتى بعض الوكالات تعطيك

قسيمة تعبئة بنزين فل ولكن هذه الاشتراطات مفروضه عليهم من قبل الدفاع المدني بحيث لو نشب حريق

تكون الخسائر بسيطه ويمكن السيطره عليه لكن تخيل لو كانت كل السيارات فل بنزين ونشب الحريق

راح تكون قنابل هائلة ويصعب السيطره على الحريق . ومشكورين سلفا

[الانيـق]

كلام منطقي
مشكور على المشاركه

لكن ما طرحت لنا تجربتك

[ayaqaz]

انا اول ما شريت السياره جابوه عند باب الوكاله مال المرسيدس واهي مرسيدس المهم سقتها واقرا فيها ايات وصفطها في البيت وذبحت الخروف وحطيت دمها على رنجات السياره والله من ةالحسد وكل اسبوع انا اغسلها بنفسي واعتني بالتراتها والزيت

الله يهديني واياك يا أخ تركي..

يعني دم الخروف بيبعد عنك الحسد؟؟

يجب علينا جميعا الأنتباه من هذه المعتقدات الفاسدة..

ولأبعاد الحسد بأذن الله علينا أن نعلم ونعتقد يقينا أن النافع والضار هو الله عز وجل..

وليس دم الخروف..

وعلينا أن نقراء المعوذتين كما علمنا سيدنا رسول الله صلى الله عليه وآله وسلم..

وأن نقول ما شاء الله تبارك الله اذا رأينا ما يعجبنا أو نحو ذلك من الكلمات التي بها ذكر لله عز وجل..




والحمد لله الذي بحمده تتم الصالحات..

[نـاصر]

اذكر او ماطلعت السوناتا قبل سنه بالضبط ..

فرحان مرره عند باب الوكاله واقف انا وابوي ننتضرها تتطلع من الصيانه ومادريت الا وهي جايه مغسله ومنضفه ..

وكان البنزين فاااااااااااااضي مررره .

وقعدت احميها تقريبا 20الى 25دقيقه بدون مبالغه والبنزين فاضي ..

عاد مشيت ورحت المحطه وعبيت فل ب 38ريال ورحت للبيت يبعد تقريبا 150كيلو

وليلتها ماعرفت انام كل شوي طالع اناضرها .. اخر شي قال ابوي دخلها وفكنا منك يالكزس ..

[hathoof]

ههههههه
انا اول ما استلمنا الكورلا ما كنت موجود لأنه كان عندي درس

باعتبار الوالد ما يعرف يسوق خذا 2 من اصدقائه واحد علشانيوصلهم والثاني علشان يسوق

طلعوا السيارة من الكراج حق الوكالة وكان مع رفيجه
رفيجه يقوله انتظر خلها تحمى يقوله امش بس لا توسوس
خخخخخخخخخخخخ

تصوروا

وطلعوا وطبعا توصيات الوكالة بالسرعة 80 والوالد يقول حق رفيجه امش الله لا يهينك خلها 100

عبوا بنزين فل ووصلوا البيت

دخلوها في الكراج
عاد انا خلصت الدرس وطلعت اناظر السيارة وكل شوي اشوفها خصوصا اول سيارة وكالة

الوالد ولا كأنها موجودة

اول يوم مر عادي بس كنت كل يوم اغسلها الين ما مسكني الوالد وقال مرة في الاسبوع بس تغسلها
خخخخخخخخخخخخخ

بس وكتها كنت صغير عمري 12 سنة تقريبا

واول ما اجانا السواق كملنا فيها ال1000 يلو خلال 10 ايام بس طبعا بعد حوالي اسبوعين من استلامها لأنه ماكان عندن احد يسوق

بس الوالد كان يخاف كثير من الحوادث لدرجة مو طبيعية وإلى يومك هذا

الحمدلله عدت المرحلة

ومادري ايش بيكون شعوري المرة الجاية ان شاء الله

تحياتي،،،

[زحلطه]

والله انا اول ما استلمت سيارتي من الوكاله عبيت البنزين فل وخالد الملا شغال وشعور ما ينوصف وبعد لفلفه ساعتين خوي اعطاني فكره مجنونه اني امسك فيها خط الشرقيه ونلفلف ساعتين ونرجع على طول وكملت الالف بنص الطريق بسرعه ما تعدي 120 ولكن لما شفت انو عندي اربع ارقام بالعداد المتين وعمايلها اشتغلت

[ع ك ب]

انا لسه ما اشتريت سياره جديده

بس اول ما اعطاني الوالد الايكو

حطيتها بالقراج ودورت شماسات مالقيت هههههههه

قمت غطيت الطبلون بسجاده وكنت فرحان ومبسوط طبعا

وبس

[f88s]

موضووووووووع جميييل جدا
انا يوم طلعت الكابرس رويال 2007 الجميح جدة اول ما اعطوني المفتاح من الخوف ما بغيت اشغل السيارة خخخخخخخ والهندي اللي يركب اللوح لحست عقله كل شوي اقله مايله يمين لا ارفعها فوق شوي "" وبعدين تحس الازرار كثيره و من الخوف ما ادري حقت ايش::::::::: كلها زرين للمكيف والمسجل خخخخخخخخخخ ....
اول اسبوع بدون اغاني ما اتعدى 80 والضغط ما يوصل للثلاثة
بعد كذا بدا الدعس الله وكيلك سافرت فيه من جده للشرقية في سبع ساعات وبديت اكرهه واطفش منه....