كفرات الجيوب: أنواع كثيرة....وخيارات محيّرة...أرجو مشاركة الجميع بتجاربهم الشخصية

[رفيع الشأن]

الحين ماقلت لي وين لقيت كل هالكفرات؟ يااخي احس انك طحت لك على المكان اللي ينفون فيه الكفرات لما تنتهي صلاحيتها هههه..لا من جد ماشاءالله عليك..كل اسامي الشركات تحت سقف واحد

بالنسبة لكفر قوديير ودي تشوف وكالته الراشد..اتوقع بتلقى المقاس
هذي مشاركة الاخ abuabu واشترى مقاس (نسبة الارتفاع فيه إلى العرض ) اصغر من حقتك الدنلوب

بسم الله الرحمن الرحيم

بعد المعاناه لانتقاء الكفر المناسب لسيارتي ( اكسبلورر 2006 ) وبعد الحوسه عند الوكلاء مثل مشلان ( لم اجد الا صناعه يابانية وتايلندية ) وبريللي وقع الاختيار على كفرات من نوع GOOD YEAR صناعه المانيه TRACTION A & TEMPERATURE A ومقاس الكفر 245/65/17 طبعا نوعيه الكفر يعني مكتوب عليه ALL WEATHER يعني باذن الله مناسب للخطوط الوعرة وللتطعيس
وقت الصنع الاسبوع الثامن من عام 2008

طبعا قيمه الكفر الواحد 670 ريال سعودي
طبعا اكثر شي خلاني اقدم على شراء كفرات GOOD YEAR انه صناعه المانيه
وباذن الله اكون قد وفيت وكفيت
طبعا تركيب الكفرات كان في وكيل كفرات GOOD YEAR في الدمام

على فكرة..فيه كفر كلنا حاقرينه مع انه خيار جيد جدا وبسعر معقول
هانكوك....فكرت فيه؟ صحيح كوري بس مايجي تقليد..ولين وكل الزملاء اللي مركبينه في الجيوب يمدحونه
عيبه الوحيد مايتحمل الاماكن الصخرية لانه لين واجد..لكن اذا ماتروح هالاماكن بيكون خيار يستاهل تفكر فيه

[فارس سدير]

الحين ماقلت لي وين لقيت كل هالكفرات؟ يااخي احس انك طحت لك على المكان اللي ينفون فيه الكفرات لما تنتهي صلاحيتها هههه..لا من جد ماشاءالله عليك..كل اسامي الشركات تحت سقف واحد

ههههههههههههههههههههه
أنا مريت وكالاتهم ، وهي على طريق خريص وأنت متجه شرق
وكان باقي ميشلان وبريجستون بس ماأمداني

بالنسبة لكفر قوديير ودي تشوف وكالته الراشد..اتوقع بتلقى المقاس
هذي مشاركة الاخ abuabu واشترى مقاس (نسبة الارتفاع فيه إلى العرض ) اصغر من حقتك الدنلوب

وين موقع وكالة القوديير ؟

على فكرة..فيه كفر كلنا حاقرينه مع انه خيار جيد جدا وبسعر معقول
هانكوك....فكرت فيه؟ صحيح كوري بس مايجي تقليد..ولين وكل الزملاء اللي مركبينه في الجيوب يمدحونه
عيبه الوحيد مايتحمل الاماكن الصخرية لانه لين واجد..لكن اذا ماتروح هالاماكن بيكون خيار يستاهل تفكر فيه

والله الهانكوك ماأحد يمدحه ، كل من ركبه يقول لي عمرة الإفتراضي من سنة إلى سنة ونصف
ميزته الوحيدة إنه لين ، ويقال إن الدفعات الجديدة صارت أقسى من أول ...

[رفيع الشأن]

وين موقع وكالة القوديير ؟

كلمت الوكالة على تليفونهم وقالو لي ان موقعهم كالتالي:
لما تكون على الدايري الشرقي ومتجه جنوب...اول مايجيك مخرج 15 تلف يمين..يعني وجهك يصير غرب
وبعد مسافة بسيطة بتشوف الوكالة على يدك اليسار..اسمها الراشد
وعلى المواصفات اللي ذكرها الاخ abuabu تعتبر ممتازة..وخصوصا انه يمدحها وماذكر فيها اي عيب
ويكفيك انها صناعة المانية (الافضل في العالم في الكفرات)

مع ان سعرها غالي شوي بس يعتبر معقول بالنسبة لبلد الصنع (لاحظ فرق سعر اليورو)
واذا مازانت لك الكفرات تقدر تاخذ دراهمك من abuabu انا مالي دخل

انا افكر بجدية اركبها على سيارتي في اقرب فرصة

[::HaZeM::]

ما شاء الله تبارك الله ....


موضوع عامر بالمعلومات المهمة ....


ندخل بالموضوع::

الميشلان >>245/65-17>>شيخ المشايخ شيخ الكفرات ..
أنا موتري أخذته ماشي80000وعليه الميشلان من وكالته وتتحمل لدرجة خيالية
بس شرط تاخذ الألماني لأن فيه أنواع آسيوية رديئة

الدانلوب>>265/65-17>>معليييه تمااام عريض ويتحمل إذا جاك ياباني أصلي

الهانكوك>>245/65-17>>لين لين لين لدرجة مريحة لكن ناعم أي ضربة تفقعه

طيب ما سمعتوا بكفرات اسمها MAXXISماكسس>>245/65-17>>تايلندي...!!!
ليينة تقل هانكوك وأداء جيد أنا مركبهن بموتري سعرهن بـ380ريال..
طبعاً مجربة لأكثر من مقاس على:255/70-16و255/70-15كلهن أداء مميزلكن ينقصه الجودة..


عـ العموم لنا عودة ....

[abuabu]

كلمت الوكالة على تليفونهم وقالو لي ان موقعهم كالتالي:
لما تكون على الدايري الشرقي ومتجه جنوب...اول مايجيك مخرج 15 تلف يمين..يعني وجهك يصير غرب
وبعد مسافة بسيطة بتشوف الوكالة على يدك اليسار..اسمها الراشد
وعلى المواصفات اللي ذكرها الاخ abuabu تعتبر ممتازة..وخصوصا انه يمدحها وماذكر فيها اي عيب
ويكفيك انها صناعة المانية (الافضل في العالم في الكفرات)

مع ان سعرها غالي شوي بس يعتبر معقول بالنسبة لبلد الصنع (لاحظ فرق سعر اليورو)

اعتقد سبب الغلا يكمن في الجودة وتاريخ الصنع لان بعض الكفرات تكون جودتها B من حيث الحرارة والتراكشن
واذا مازانت لك الكفرات تقدر تاخذ دراهمك من abuabu انا مالي دخل
ابشر بسعدك ( توصي الناس وتوهق غيرك )
انا افكر بجدية اركبها على سيارتي في اقرب فرصة

الله يكتب لك اللى فيه الخير

[رفيع الشأن]

ما شاء الله تبارك الله ....

موضوع عامر بالمعلومات المهمة ....

ندخل بالموضوع::

الميشلان >>245/65-17>>شيخ المشايخ شيخ الكفرات ..
أنا موتري أخذته ماشي80000وعليه الميشلان من وكالته وتتحمل لدرجة خيالية
بس شرط تاخذ الألماني لأن فيه أنواع آسيوية رديئة

الدانلوب>>265/65-17>>معليييه تمااام عريض ويتحمل إذا جاك ياباني أصلي

الهانكوك>>245/65-17>>لين لين لين لدرجة مريحة لكن ناعم أي ضربة تفقعه

طيب ما سمعتوا بكفرات اسمها MAXXISماكسس>>245/65-17>>تايلندي...!!!
ليينة تقل هانكوك وأداء جيد أنا مركبهن بموتري سعرهن بـ380ريال..
طبعاً مجربة لأكثر من مقاس على:255/70-16و255/70-15كلهن أداء مميزلكن ينقصه الجودة..

عـ العموم لنا عودة ....

حياك الله اخوي HaZeM ومشاركتك زادت الموضوع قيمة جميلة وفائدة كبيرة
وننتظر منك المزيد
تحياتي

[رفيع الشأن]

ابشر بسعدك ( توصي الناس وتوهق غيرك )

الله يكتب لك اللى فيه الخير

موب بس فارس سدير..انا بركب الكفرات ولو ماطلعت زينة بنصف سرا انا وياه عند باب بيتك
عموما اشكر لك دعائك الطيب وهذا من طيب اصلك


اخواني انا في طور اعداد مشاركة عن الإطارات تكون فيها فائدة للجميع..اتمنى ان اوفق في ذلك
فاصل ونواصل

[عابر البيد]

فعلا شيخ ا لاطارات الميشلان

جربت البريدجستون والهانكوك والدنلوب والتويو واليوكوهاما وجميعها جيدة وجربت الميشلان الفرنسي وكان افضلهم وهو قاسي شوي لكن ثابت جدا في السرعات والانعطافات بشكل مذهل مايعرفه الا اللي جربه وغير كذا يتحمل الحصى والصخور ولا يتقطع خصوصا الجوانب تحك فيها بالصخر الحاد ولايتأثر لدرجة اني افكر اركبها في اي سيارة اشتريها مستقبلا سواء دفع رباعي ام ثنائي واعتقد ان الميشلان لن تغامر بسمعتها فالتايلندي ستجده كالفرنسي الاصل . وقريب ان شاء الله برجع الميشلان بعد ماتستهلك اطارات البالون لان محتفظ به في البيت .

صورة السيارة باطارات الميشلان

تحياتي .,