مرحبا اخوي بو متعب
طبعا كثر الكلام في المنتدى عن خرابات الكابريس الي بصراحة مدري من وين جابوها
الكل يتذكر كابريس 2000-2003
الكابريس من 2004-- 2006 سيارة تستاهل من يشتريها بصراحة ومن تجربتي بعطيك مزاياها وأيش العيوب
المزايا ((كابريس LTZ , SS ,,ROYAL))
1/ انظمة الامان
يوجد بها 4 ايرباقات للسائق ومرافقه والجانبين الايسر والايمن
يوجد نظام مانع انغلاق الفرامل ABS
نظام موزع الكتروني للفرملة
مانع انزلاق وتستطيع فصله يدويا
وطبعا بتجربة في المنعطفات السيارة ثابتة جدااااا وماتسمع صوت الكفرات ((تفحط))
2/ يوجد مشغل سي دي MP3 ب6 اسطوانات توضع في الكنسولة الامامية (( لا في الشنطه ولا في الدرج ))
3/ المراتب قابل للتعديل كهربائيا ب8 حركات للسائق والراكب طبعا
4/ قوة المكينة جباااارة لانها مصنوعه من الالمنيوم وال6 سلندر سعة 3.5 وال8 سلندر سعة5.7 طبعا موديل 2007 زادت سعة المحرك وطبعا استجابة المحرك ررررهيبة بس تحط رجلك تفزززز السيارة وتنطلق بقوة:eek:
5/التكييف تعدل كثير بالنسبة للموديلات القديمة يعني لو توقف بالشمس لساعات ماعندك مشاكل بلاضافة الى انه في تحكم الكتروني بالمناخ
6/ يوجد كمبيوتر رحلة في 3 شاشات تستطيع مشاهدة العمليات الي تتم في الشاشة الرئيسية
7/ فيه تحكم الكتروني بالانوار الرئيسية يعني لو حطيت نظام Auto اول ماتظلم الدنيا الانوار تشتغل اتوماتيكيا
8/ النظام الصوتي رهيب بس يقولون موديل 2007 تتطور كثير
طبعا تقدر تغير نظام الصوت بوب , ; كلاسيك ووووو
وتقدر تجعل النظام الصوتي مربوط بسرعة السيارة يعني : كل مازدت السرعة الصوت يزيد معاك
وفيه ليمتد للصوت الي يمنع التشويش
9/ الكابريس LTZ2006 يوجد به حساسات للتنبيه عند الرجوع للخلف وعيبها انها صوت فقط ولا يوجد بها كاميرا بس طبعا تأدي الغرض :D
العيوب :
اعتقد بوجهة نظري وبتجربتي الشخصية ان عيب الكابريس انه حساس |4|
يعني تدلع السيارة بتمشي معاك اوكي
المشكلة الوحيده الي صادفتني اني صعدت بالسيارة طعس هافمون ((بالشرقية))((والصوره موجوده في التوقيع )) واخترب عندي كوع الحرارة
والعيب الثاني قطع الغيار غالية بصراحة
وبشكل عام السيارة رررررهيبة والتجربة خير برهان
آآآسف على الاطالة
** LTZ يجي 6 سلندر و8 سلندر اما SS , Royal فقط 8 سلندر
