روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 1 من 10 1 2 3 ... الأخيرةالأخيرة
النتائج 1 إلى 8 من 78

الموضوع: تجربتي للتشارجر آر تي 2007 بالصور و بصراحه

  1. #1
    عضو نشط جدا الصورة الرمزية BLACK R/T
    تاريخ التسجيل
    15-06-2004
    الدولة
    الجبيل
    المشاركات
    627
    معدل تقييم المستوى
    41

    تجربتي للتشارجر آر تي 2007 بالصور و بصراحه



    السلام عليكم ورحمة الله وبركاته

    كيف الحال يا شباب ؟؟

    انا طلعت تشارجر آر تي اللون اسود موديل 2007
    ماشي الى لحظه كتابة هذا الموضوع 1956 و الي نهاية كتابة هذا الموضوع 3300 كيلو

    المواصفات كالتالي

    الفئة – آر تي فل اوبشن
    السعر 131900 ريال
    المواصفات الخارجيه
    انوار عاديه ليست زينون ولا هالوجين
    موجود كشافات ضباب
    فتحة سقف
    اجمل شي في خلفية السياره (( الشكمانين ))
    جنوط مقاس 18 ماهي مكحله عاديه ..
    المواصفات الداخليه
    طبعا جلد
    الطبلون يجي نوره ابيض (( طبعا مو زينون )) والارقام بالاسود
    الدركسون فيه ازرار تحكم بال CD و الراديو ونظام المعلومات وتحديد اتجاه السير
    السياره ما فيها نظام ملاحة ابدا
    المقعد حق السواق التحكم فيه كهربائي بينما الراكب الأمامي يدوي !!
    بالنسبه لتدفئة المقاعد غير متوفرة لموديلات 2007 بس موجوده في ال 2006
    بالنسبه لل سي دي ياكل 6 سيديات وفيه ام بي 3
    المكيف يدوي طبعاً .. وفي ال 2006 كان الكتروني ..
    بالنسبه للداخليه تعتبر واسعه ومريحه جدا

    فيه ناس تقارن ال RT بال اس اس وانا من واقع تجربه لل كابريس حق واحد من الشباب وكان موديل 2005 بقول لكم الراي واتمنى للي يقرى الموضوع ياخذ رائيي بصدر رحب

    بالنسبه للشكل الخارجي يتفوق التشارجر عن الكابريس في لفت انظار الناس و رغبتهم في التعرف على هذي السياره ..
    بالنسبه للداخليه انا اعترف بكل صراحه ان ال اس اس افضل وفيه الجماليه اكثر وتحس ان السياره متعوب عليها بينما التشارجر تعتبر الداخليه نوعا ما تميل الى العاديه
    بالنسبه للقوه والعزم انا اشوف ان التشارجر افضل بقليل ما ادري جايز ان التشارجر باقي ما خلص التمرين و ما شفنا خيرة من شرة .. بينما ال اس اس ماشي في حدود ال 53000 يوم جربت عزمه .. و التشارجر اثقل ووزنه 2276 كيلو غرام على حسب ما قريته بالبطاقه الجمركيه يوم رحت اخلص موضوع اللوحات الوروريه والمعروف ان التشارجر 340 حصان وال اس اس اتوقع اقل بشوي وهذا يدل على ان محر الهمي انه جبار جبار ..
    بالنسبه للعزل الصوتي انا اشوف انهم متعادلين علماً بأني راح اغير الجلد حقت الابواب في فحص ال 5 الآف وراح اقولكم تحسن الوضع ولا لا .. لاني عبثت في الجلد حقت باب السواق يوم طلعت السياره من الوكاله
    بالنسبه للرساوه ما اقدر اتكلم بصراحه لان الفرق شاسع بين السيارتين واقولها بالفم المليان التشارجر يتفوق بهذي الحاجه بنسبه 100 %

    مشكلة الدودج تشارجر اقولها بصراحه هو الوكيل حقه نقدر نقول اذا ما تغثه وتجننة ولا ما تحصل صيانه مثل العالم والناس

    ملاحظة غريبه !!
    موقف حصل لي ولاحضت فيه احترام و تقدير موظفين الصيانه علماً باني جيت لهم وكنت منرفز ومتهاوش مع رئيسي في الدوام وحطيت الحره فيهم وقمت اسب واشتم بشكل غير طبيعي وعلى الصباح الساعه 8 ما ادري وشلون قدر يصبر على الشتايم وبالعكس جاب ورقه معاه وطلع للباركينق وشاف السياره معاي وسجل المشاكل الي عندي وكانت تافهه الى ابعد الحدود و وفر لي سياره بديله وكانت jeep موديل 2005 وقال اذا خلصت الصيانه بتصل عليك تجي تستلم السياره و بنفس اليوم الساعه 11 ونص اتصل علي وقال سيارتك خلصت تعال استلمها والحين هي في مغسلة السيارات طبعاً داخل الصيانه وبالفعل بعد نهايه الدوام الساعه 3 ونص رحت الصيانه واستلمت السياره وكانوا مصلحين كل المشاكل الي فيها وفوق هذا اعتذروا عن هذا المشاكل علماً بأن هذي المشاكل صارت بسبب سوء استعمالي للسياره وليست عيوب مصنعيه


    العيوب الي لاحظتها بالتشارجر الي هذا الوقت
    1- مافيه زينون ولا هالوجين علماً بأن السيارات الي في نفس فئتها متوفر فيها وكذلك الي اقل من فئتها نحصل الزينون فيه ,,
    2- البنزين يدوي يعني ما تقدر تتحكم فيه وتفتحة من داخل السياره وهذا الشي نحصله في اسواء السيارات في العالم ..
    3- الكبوت حق السياره لازم تثبته بعصا ..
    4- يصعب التمييز بين ال 8 سلندر و ال 6 سلندر والفرق بينهم هو السته بشكمان واحد بينما ال8 بشكمانين .. السته بجنوط 17 بينما ال 8 بجنوط 18 وصعب انك تفرق بينهم بسهوله ..
    5- العزل الصوتي ما كانت اطمح بهذا العزل وكنت متوقع افضل منه واعطية 8 من 10 يعني جيد جداً مرتفع وما وصل لدرجة الممتاز
    6- صرفية البنزين داخل المدن اذا كانت رجلك غير ثابته على البنزين كانت عاليه شوي والسياره مشتني حدود 300 كيلو فقط

    المميزات الي اعجبتني بالسياره ..

    1- صوت المحرك الي كأنه صوت محرك طياره نفاذة اذا دعست البنزين بقوه والهدواء الاكثر من رائع اذا كنت رايق ..
    2- لفت انظار الناس وشد انباههم بهذي السياره سواء كان الانسان صغير ولا كبير شايب ولا شباب رجال ولا ........... !!
    3- رساوة السياره ولا اروع تحس انك ما تخاف من المنعطفات حتى لو كنت على سرعات عاليه ..
    4- صرفيه البنزين على الخطوط الطويله اعتبره اكثر من رائع تعبي بنزين ممتاز 91 ( 70 لتر ) ب 30 ريال يمشيك في حدود 700 كيلو اذا كانت السرعه بين 120 – 190 وهذا من تجربتي ..
    5- وجود 6 ايرباقات متوزعه على جميع الركاب
    6- نظام مراقبة ضغط الاطارات الي متوفر في البي ام شي جيد جداً وتعتبر من المميزات في التشارجر ..
    7- الجلد رائع والي يقول انه رديء انا اقول انت غلطان طبعاً انا اتكلم عن الجلد الي متوفر بالهيمي واعتبره انعم وافضل من بعض السيارات الفخمه ..

    بضيف لكم بعض الصور بس ياليت تعذروني لان التصوير كان بالجوال والظهر والسياره مو نظيفه
    ويا شباب ترى العين حق ويا ليت كل واحد يقول ما شاء الله تبارك الله

    1


    2


    3


    4


    5

    انتهى موضوعي واتمنى اني ما قصرت معاكم ..
    وآسف على اسلوبي السيء في وصف تجربتي ..
    والي عنده أي سؤال انا حاضر للغالين ..


    التعديل الأخير تم بواسطة BLACK R/T ; 01-03-2007 الساعة 02:33 PM
    قريبا

  2. #2
    عضو
    تاريخ التسجيل
    01-03-2007
    الدولة
    الخـُبر
    المشاركات
    100
    معدل تقييم المستوى
    54

    مشاركة: تجربتي للتشارجر آر تي 2007 بالصور و بصراحه

    الله يعطيك خيرها ان شاء الله ويكفيك شرها

    وماشاء الله .

    اخوٍك . عســــآف .

  3. #3
    عضو نشط جدا الصورة الرمزية BLACK R/T
    تاريخ التسجيل
    15-06-2004
    الدولة
    الجبيل
    المشاركات
    627
    معدل تقييم المستوى
    41

    مشاركة: تجربتي للتشارجر آر تي 2007 بالصور و بصراحه

    جزاك الله خير اخوي عساف

    وما قصرت على الرد السريع ..

    وحياك الله معانا في المنتدى وتشرفنا بمشاركتك ..

  4. #4
    Banned
    تاريخ التسجيل
    25-09-2006
    الدولة
    في أرض الله
    المشاركات
    483
    معدل تقييم المستوى
    36

    مشاركة: تجربتي للتشارجر آر تي 2007 بالصور و بصراحه

    يعطيك العافيه اخي الكريم الموضوع ويعطيك خير السياره ويكفيك شرها شكلا جميل من الخلف والامام لاكن لمن نجي لمواصفته مع تقديري لك ما يسوى سعره 131 الف شي مو بسيط احطه في سياره كذا بدون مواصفات مميزه فقط محرك الهيمي يعني هذا ماا اعتقد يسوى .

    خذها برحابة صدر وجرب اللكزس ES وقارن بينها وبين الشارجر . ما اقول مب حلو الشارجر بس سعره غالي على الي فيه .


    تحياتي

  5. #5
    عضو نشط
    تاريخ التسجيل
    15-03-2005
    العمر
    53
    المشاركات
    266
    معدل تقييم المستوى
    39

    مشاركة: تجربتي للتشارجر آر تي 2007 بالصور و بصراحه

    نعـم الإخـتيار ..

    مشكـور أخوي على التقرير و التجـربه لهالسـياره التحـفه .. والله يبارك لك فيها و يعطيك خيرها و يكفيك شرها

    و أحب أنبهك لا تشـغل اسطوانات منـسوخه فقط أصلي .. لان المسجل حساس شوي و هالكلام من مجربـين .
    ولو تكحل الجنوط عند الوكاله(أعتقد يسوونه بـ700 ريال) راح تعـطي السياره منظر أكثر من رائع

    ســلام ,,

  6. #6
    مشرف سابق الصورة الرمزية C A D I L L A C
    تاريخ التسجيل
    06-01-2003
    الدولة
    الإمارات العربيه المتحدة
    العمر
    35
    المشاركات
    5,689
    معدل تقييم المستوى
    487

    مشاركة: تجربتي للتشارجر آر تي 2007 بالصور و بصراحه

    مشكوووور على هذه طرحك لهذه التجربه

    و اتمنى انك تتوفق في حياتك و تتهنى بسيارتك

    بثبت الموضوع للفائده

    مع اني تمنيت ان التجربه تكون اكثر تفصيلا

    لكن ان شا الله التفاصيل في اجوبتك للاعضاء

  7. #7
    عضو مجلس الادارة
    تاريخ التسجيل
    20-08-2006
    المشاركات
    10,495
    معدل تقييم المستوى
    2491

    مشاركة: تجربتي للتشارجر آر تي 2007 بالصور و بصراحه

    ماشاء الله تبارك الله ...سيارة وحشية روووعه

    تبليها بالعافية..

    بس لو كنت مكانك أخذت 6سلندر ب80ألف تقريبا يعني فرق 50 ألف لكن ماألومك عشان المحرك

    تحياااااتي

  8. #8
    مشرف عام سابق
    تاريخ التسجيل
    06-12-2003
    الدولة
    JEDDAH CTY
    المشاركات
    9,232
    معدل تقييم المستوى
    57

    مشاركة: تجربتي للتشارجر آر تي 2007 بالصور و بصراحه

    ماشاء الله تبارك الله

    الله يعطيك الخير ويكفيك شرها

    تحياتي وتقديري

المواضيع المتشابهه

  1. نيسان أرمادا 2007...تقرير كامل مدعوم بالصور و الشرح
    بواسطة mazagngy_elkif في المنتدى نادي سيارات ال SUV و العائلية والنقل
    مشاركات: 38
    آخر مشاركة: 14-08-2007, 08:54 PM
  2. الان...BMW X5 SAV 2007 الشكل الجديد..تقرير كامل مدعوم بالصور و الشرح
    بواسطة mazagngy_elkif في المنتدى نادي سيارات ال SUV و العائلية والنقل
    مشاركات: 35
    آخر مشاركة: 18-06-2007, 06:48 AM
  3. تقرير مفصل مدعوم بالصور حول INFINITI M45 2007
    بواسطة نيساني في المنتدى نادي السيارات اليابانية
    مشاركات: 61
    آخر مشاركة: 24-01-2007, 02:54 AM
  4. تجربتي لجيب اودي Q7 2007 ++ حصرياً لمنتدى السيارات ++
    بواسطة عاشق الالماني في المنتدى نادي سيارات ال SUV و العائلية والنقل
    مشاركات: 9
    آخر مشاركة: 14-01-2007, 04:46 PM
  5. اخذت لكزس GS300 موديل 2007 وبقولكم عن تجربتي فيها وتفضلو لأي استفسار
    بواسطة ADUAE في المنتدى نادي السيارات اليابانية
    مشاركات: 45
    آخر مشاركة: 25-11-2006, 12:35 AM
X