الميكانيك الأمريكي مقابل الميكانيك الياباني

[*z06*]

السلام عليكم ورحمة الله وبركاته اخواني الاعضاء

اليوم ساكتب لكم عن أول مواضيعي في منتدانا الرائع وهو الهندسة الميكانيكية في السيارات الامريكية مقابل الهندسة اليابانية :

السيارات الأمريكية معروفة الرفاهية والفخامة والقوة والسرعة وهي سيارة الكرف رقم واحد
ولكنه للأسف تفتقر للعملية والسلاسة التي تشتهر بها السيارات اليابانية عموما وقد بدأت فكرة بأن السيارات المريكية كثيرة الاعطال وسوف أصحح هذه الفكرة بما يلي

السيارات الامريكية به عدد مضاعف من الكومبيوترات مما يجعله اكثر عرضة للأعطال الكومبيترية والكهربائية

وعلى سبيل المثال مقارنة بين الكروزر1997 وجمس سوبربان 1996 2500 hd

الجمس حقتي كان ماشي 360000 كم وكان الجير زية زي الوكالة وسافرنا فيه عمان وبلدان كتية وعمرة وحج يوم وصل 400000كم وشوية خرب القير الرجوع (الريوس) فبدلتة وبعتة بعدها شريت الكروزر بعد ان نصحوني فيه الاخوان وكان ماشي 290000 كم وكان كل شي فيه تمام لكن يوم وصل 375000كم تقريبا بدا الجير يوم يوصل التبديلة الرابعة وأخفف السرعة ويرجع للتبديلة الثالثة تسمع صوت طبطبة شديدة وفحصنا طلع فيه مشكله ويحتاج تبديل أستفسرت قالولي تكدر تستعمله مافي مشكلة بس الصوت مزعج شوي بعدها ب3000 كم تقريبا خرب الريوس وصار لا يعمل والن أدورله على قير والله يسهل.

اذا من وجهة نظري وتجربتي ان السيارات الامريكية اقوى وأسرع وأكثر رفاهية لكنها تفتقر الى العملية والمحافظة على السعر بعد البيع لكن من ما لاشك فية أنها سيارة كرف لان الجمس كنت أكرف علية كرف البعير ولا يقول اخ راسي و من يبغي سيارة عملية الياباني تتغلب على الامريكي في هذه النقطة وبس


وانشاء الله الموضوع يعجبكم مع تحيات أخوكم *z06*

[التسعه شفر]

الامريكي القديم ذي معك حق فيها ,,, مواتر تعطيك وحقت كرف ومواتر يارجال
اما الجديد ابو بلاستيك وكمبيوتر فتراه الله بالخير
وجه نظري في هذا العصر اقول ان الياباني هو الي يصمد اكثر وخاصة بالسعودية مع هذه الاجواء المحترقه
ولك جزيل شكري..

[yo$$sss]

ألـف شكر لـــك أخوي على الموضوع

وأنا بصراحة من عشاق السيارات الأمريكية

[طائر الشوق]

الياباااني لايعلااا علييييه

[S E N I O R]

كلامك صحيح


ويختلف من سياره الى سياره وانا اخوك

خصوصا الكدلك


تحياتي لك

[الحبيب 8787]

فعلا كلامك صحيح يا z60 لا كن السيارات توافيق مره تشتري شياره امريكيه وتجلس معك اربع سنوات ما تطلب شي وتلقا واحد معه نفس السيارة اللي معك لاكن يسبها من كثر ماخربت معه او تعطلت والياباني مثل
لاكن الياباني مو واحد وشركة تويوتا ونيسان تخليك اذا خربت السياره تبيعاه ما تصلحا من غلاء قطع الغيار

[Concept]

بالنسبه للقير تقدر تغيره من التشليح او السيارات اليابانية المشلحه

ومعروف ان الياباني يكرف اكثر من اي سياره حتى اللكزس موديل 90 وهي كلها اجهزه تكرف زي الكراسيدا
الأمريكي القديم فعلاً في القير يتفوق على الياباني انا اقول القديم
وايضاً الامريكي القديم اشوفه اقل من الالماني في الخراب بالنسبه للشفر اما كاديلك ودودج هذي فيها مشاكل وقطع غالية
لكن ياخي الامركي القديم يصرف بنزين كثير

والله يوفقك ويعينك

[الإعلامي]

كلامك صحيح 100% يأخوي z60


الأمريكي لك ولعيالك ولإحفادك وأحفاد الأحفاد