أسعار الكامري و الألتيما بالتقسيط..؟

pharmacist @user_41585 · 22-01-2007

السلام عليكم..

أنا موظف حديثاً و راتبي معقول و لله الحمد لكن ليس معي أي شيء أضعه كمقدم للسيارة..لذلك أريد أن أعرف معدل القسط الشهري للكامري و التيما 2006 أو 2007 بدون دفعة أولى..و كم مدة التقسيط..؟

ألتيما اليتيما @user_32524 · 23-01-2007

السلام عليكم ورحمة الله وبركاته

أخوي روح لبنك الإمارات وبيبسطك 100%

خذها مني ومنت خسران شئ .....

تحياتي لك

alshmalee @user_23444 · 23-01-2007

p

pharmacist

السلام عليكم..

أنا موظف حديثاً و راتبي معقول و لله الحمد لكن ليس معي أي شيء أضعه كمقدم للسيارة..لذلك أريد أن أعرف معدل القسط الشهري للكامري و التيما 2006 أو 2007 بدون دفعة أولى..و كم مدة التقسيط..؟

هلا بك

اخوي انا بالنسبة لي اخذت قرض من الراجحي 80000 قرض اسهم وبعتها على طول وانا واقف راحت 300 ريال خساره والف ريال حقت العقد

واخذوا مني 19 الف وشوي فائده وتقسط اول قسط 1702 وباقي القسوط 1650 لمده خمس سنوات وشريت كامري GLX2007 فل كامل جناح وفتحه بـ77 الف

وهذا اللي عندي
واتمنى اني افدتك

إنفينيتيQ45وبس @user_22028 · 23-01-2007

خذلك قرض اول شيء اقل فائدة من وكالة السيارة نفسها ثانياً تكون السيارة بإسمك على طول اما إذا اخذتها بالتأجير راح يضربون عليك 40الف إلى 50الف فوق سعر السيارة تخيل .

بس اقولك نصيحة على فكرة هوندا تعطيك السيارة بدون دفعة اولى إذاكان حسابك في الراجحي اما في الأهلي 10% من قيمة السيارة وايضا مايخذون فايدة كثير او مقارنة بالوكالات الأخرى اقل وكالة تأخذ فائدة .

هذا واحد من الشباب توه مطلع هوندا اكورد 6 سلندر بدفعة 10000ريال فقط .

ARMADAWOW @user_39776 · 23-01-2007

البنوك اعتقد كلها تطلب دفعة مقدمه مع التامين الشامل 2750 ريال لخمس سنوات

وان شالله تحصل بنك بدون دفعه مع اني اعتقد صعبه تحصل بدون دفعه هاليومين

سلامي

ألتيما اليتيما @user_32524 · 22-01-2007

السلام عليكم روحمة الله وبركاته

اخوي إذا أنت من الرياض أنصحك ببنك الإمارات

نسبته 3.95 % يعني رهيب وأقل نسبه هو

بس حول راتبك عليهم وخذ السياره .....

وفيه عندك أوتو ستار منتشر في الرياض حلو برنامج تقسيطهم

وإذا كان راتبك أقل من 5 آلاف ريال فمالك إلى قرض

وتزيد عليه حبتين وتاخذ السياره اللي تبيها ...

تحياتي لك

S E N I O R @user_31926 · 22-01-2007

لا اعلم

لكن عندك عروض البنك الاهلي اتوقع انها ممتازه ومسموح بها من الناحيه الشرعيه

وبالتوفيق

التسعه شفر @user_37208 Banned · 22-01-2007

حاول تشوف سعر السيارة كااش بكم بالمواصفات الي تبيها
وقدم على قرض من البنك أفضل لك وقسط على راحتك بالسعر الي تبية
وراح يخصم البنك اتوماتيكي القسط نهاية كل شهر
بدال ما تروح الوكاله وتدق مشوار شهريا وتمسك سرا , وتواقيع واحتفظ بالوصل ووووو كلام يوجع الراس ...