بتاريخ 10/1/1428هـ , موعد التخرج من المعهد .. ( طلب )

[عـز]

السـلام عليكـم ورحمـة اللـه وبركاتـه

.
.
.
.
.
.
.
.

أخواني الأعضاء وبالخصوص الميكانيكيه ..


موعد التخرج من المعهد المهني إن شاء الله بتاريخ 10/1/1428هـ يوم الإثنين القادم ..


وطلبي هُنا ..


انا بإذن الله أول ما أتخرّج من المعهد سأقدم على قرض لفتح مشروع

بالمجال الذي أختص فيه

ولكن وللأسف لم أكتسب الخبره الكافيه من المعهد

وأجهل حتى توضيب الماكينة + توضيب القير + وبعض القطع الأخرى ..

وإذا كان هُناك شخص سعودي أو أحد يعرف له شخص لديه الخبره الكافيه بهذه الأشياء

يدلني عليه حيث أني من سكان المملكة العربية السعوديه - الجوف - سكاكا

وطبعاً راح يكون له مرتّب شهري مُرضي بإذن الله ..

-----------------

ومن ناحية أخرى أحترت بين مشروعين أفتحهم

1- ميكانيكا بس ماعندي خبره كافيه بهالمجال .
2- ورشة بنشر وغيار زيت وترصيص .

وحطيت تصويت بأعلى الموضوع لأفضل مشروع من ناحية الدخل والفائدة .

أتمنى قِراءة الموضوع بتمعّن ومساعدتي بالطلب الأول .

والتوصيت على الطلب الثاني ..

ساعدوني الله يوفقكم

أخوكم / طارق ...

[عمر الشهري]

أسأل الله لك التوفيق في عملك ومشروعك
لك تحياتي وإحترامي

[عـز]

الله يجزاك بالخير ..

وهالدعوه ريحتني ياغالي

ويعطيك ألف عافيه

[التسعه شفر]

أولا ال مبروك التخرج ,, والله يوفقك بالدنيا والاخره
حقيقه انا انصحك وبشده ان تهتم بالميكانيكا فقط
لا تجعل المحطه متنوعه حيث بيضيع فيها و وقتك راح تتشت ,, ركز على الميكانيا والبنزين فقط

[عـز]

أولا ال مبروك التخرج ,, والله يوفقك بالدنيا والاخره
حقيقه انا انصحك وبشده ان تهتم بالميكانيكا فقط
لا تجعل المحطه متنوعه حيث بيضيع فيها و وقتك راح تتشت ,, ركز على الميكانيا والبنزين فقط

الميكانيكا حلوه والله ..

لكن المشكله للحين ماكتسبت الخبره الكافيه عشان أزاول هالنشاط ..

والمدرسين الله يسامحهم راح وقتهم على الأسهم وحنا ماستفدنا منهم شيء بالمعهد ..

والمعهد يقولون لنا انتم تديرون الشغله بأنفسكم يعني ماتجيبون لكم هنود ..

ولا الود ودي أجيب لي شخص فاهم بهالشغله عشان أشغّله معاي ..

[التسعه شفر]

يارجال صدقني تساهيل
هونها وتهون
سهلها وتتسهل
وان رجال ماشاء الله عليك ذكي ونبيه
وانا متاكد مع الوقت راح تكسب خبره
شف لك احد هالعمال وشغله معك
وصدقني بتصير معملمه
والله اني متفائل فيك ,, ولك مستقبل
بس انت اصمل..
وفي البداية حاول تصلح سيارات معارفك بسعر مغري
مع الوقت والزباين حاول تعمل لهم خصومات هايله واطلب منهم الوقت
تعلم
العلم نور
والله لو انك عندك بالشمال لا اعطيك موتري تهندس فيه
الله يوفقك ويفتح لك ابواب رزقه
وعقبال مانيجك نصلح عندك من السمعه الطيبه
ترا المسعه الطيبه وتفهم الزبون وطوله البال وسعه الصدر
هي الاساس
والا التصليح الكل يعرف يصلح
ولك شكري ..

[$المهندس$]

اول علي البركه اخوي و انشاء الله تتوفق في الرزق الحلال ..



ثانياً : الدنيا ما تعطيك كل شي و الدكتور ما يعطيك كل شي و اي مكان بعالم ما يعطيك كل شي



لازم انت تبحث علي الحل لازم انت تبعث عن المعلومه مو الملعومه تبحث عنك ...


انا طالب في كليه التكلوجيا تخصص مكانيكا سيارات و تعتبر هذه الكليه دبلوم عالي يعني 2.5 سنتين ونص تقريباً ..


المهم انا الحين صارلي سنه و باقي سنه و نص ..


و الحمد لله قبل لا ادخل الي الكليه قراءه بما فيه الكفايه و بحث عن المعلومه و جلسة مع الناس الي عندهم خبره


ف الحمد لله مع اني جديد في عالم المحركات و السيارات و اعتبر نفسي ضعيف في المكانيكا لاكن الكليه لم تعطيني كل شي


انا اسؤل ولا انتظر السؤال انا ابحث ولا انتظر الاجابه و الحمد لله علي كل حال ..


مثل ما قتلك انا و اعوذ من كلمه صارليسنه تقريباً و استطيع فتح اقلب المحركات و اكثر المحركات الشفر OHV


و اعرف عن الكهرباء و اشياء تخص السيارات . بفضل البحث عن المعلومه ..


و الحين قاعد اسوي بروجكت علي كمارو 94 LT1 بطلع منه اكثر من 700 احصان انشاء الله ..




ف الحين صار الي صار و اعتبر نفسك جديد من هل لحظه و حاول انك تطلع علي اخر التكنلوجيه و اقراء كثير عن المحركات و شوف لك مجلات و كتب تفيدك وراح تستفيد صدقني


بس الحيات العلميه اكثر افاده ..


و انا ادري انه عندك كميه كبيره من المعلومات ماشاء الله عليك بس اعتقد ثقتك مهزوزه اشويه


تبي نصيحه اشتر سياره قديمه بحدود ال 1200 ريال وتعلم عليها من جديد و حاول انك تخطئ ,,


و لله اذا تبي شوري افتح محل تلغيم وراح تطلع ذهب من وره الشباب <<<< خطتي الجايه خخ

[عـز]

جزاكم الله ألف ألف خير

وكلامكم ريّحني ووسع صدري

وصار ودي اليوم أفتح الورشة ..

الله يعطيكم ألف عافيه .,

وهالنصائح ماراح أنساها طول عمري ..

وراح أخليها حلق بإذن وقلاده على رقبتي أعتز فيها عند الجميع ..

بارك الله فيكم

والله يعطيكم ألف عافيه

ويوفق الجميع

تحيتي وتقديري