كيف العنايه بسيارة لونها أسود؟

Jaljal @user_37941 · 15-01-2007

السلام عليكم,

انشاءالله ناوي أشتري سيارة من الوكالة و بصراحة عاجبني اللون الأسود. لكن بعض الناس ينصحوني بالابتعاد عن اللون الأسود لأن العنايه به صعبه.|5|

أنا انشاء الله ناوي على الاسود و حبيت أستفيد من الشباب الي عندهم سيارة سوداء هل هناك طرق خاصه للعنايه باللون الأسود في الغسيل مثلا أو التلميع؟:confused:

و جزاكم الله خير

Hunter @user_5524 · 26-06-2007

اهم شي جنبها الصابون عدو البويه اللدود

وعليك بالعناية الماسية من زيبارت ولو انه غاليه شوي لكن تضمن لك البويه 5 سنوات من اللمعان والجمال.

abujalambo @user_39999 · 21-01-2007

الحل الامثل تضربها بوية بيضا ;);)

يا باش هي اسس بسيطة و الاصح كلام Brabus اذا السيارة مغبرة خفيف استخدم خرقة ناعمة هي نوع معين بس اذا السيارة مطينة ولا انتا تبا تغسلها اسمع كلام الشباب. من اهم الاسس لا تغسل السيارة و تسيبها تنشف لوحدها. و لا تمسح السيارة بحركة دائرية. و اذا بتستخدم دوا افهم كيف تستخدموا مضبوط و لا تجرب من عندك.

الخيـال @user_34616 · 21-01-2007

صحيح أكبر خطأ هو تمسيح السيارة قبل تنزيل الغبار بالمويه

كأنك تعمل صنفره للبدي

طبعاً الغراش أفضل وسيلة للحماية في الصيف إذا أمكن

هاجس الليل655 @user_31880 · 21-01-2007

لااااااااااااااااااااااااااااااااااااااا
لاااااااااااااااااااااااااااااااااااااااااااااااااااااااااااااااااااااااااااااااااا
لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
انتببببببببببببببببببببببببببببببببببببببببببببببببببه

اولا السياره السوداء افضل لون بالنسبه لي
لكن انتبه تمسح السياره من غير غسيل حتى لو كانت نظيفه لان الغبار يكون خفيف على البدي ومع المسح يصنفر البويه وتصير في الظهر باين عليها الخدوش لكن عشان تحافظ على نظافتها غسلها بالأسبوع مره او مرتين حسب الحاجه واكثر شي مرتين وطبعا بالمويه او شيء وبعدين صابون وبعدين تنزل الصابون بالمويه وانتبه انتبه تخلي الصابون ينشف فتره طويله على البدي على طوووووووووووول تشهب البويه عليك

لكن التحذير الأول والأخير عشان ما نتدم لاتمسح السياره ابدا مهما كان السبب بدون ما تغسلها بالمويه عشان ينزل كل الغبار عن البويه وتصير تمسحها بسهوله ومن غير خدوش

ونقطه ثانيه حاول تبتعد عن ابو هنود الي يغسل في مواقف الأسواق والأماكن العامه وخلك على مغاسل التكارنه الي في اغلب المحطات

اتمنى اكون افدك

انا سيارتي جيب كيا لها معي اكثر من سنه تشوفها كنها جديده الحمد لله لاني محافظ على البويه ولونها اسود ولا مره دخلتها للتلميع الساطع والي يشوفها يكون توني مطلعها من التلميع ما شاء الله

اوكي حبيبي اسف على الإزعاج

B R A B U S @user_18993 · 18-01-2007

السلام عليكم ورحمة الله وبركاته

اخوي العزيز انا عندي اكثر من محل في البحرين اعرفهم

ان كان لك خاطر اخوي العزيز راح ارسل لك رسالة ع الخاص

وان شاء الله ما يصير خاطرك الا طيب ,,, ونحن بالخدمة بأي وقت ..

B R A B U S

Jaljal @user_37941 صاحب الموضوع · 16-01-2007

شكرا أخوي BRABUS .

قريت عن ماركة مغواير و ماشاءالله شكلها تمام. بس هل هي متوفرة في البحرين؟

أنا بصراحه عمري ما لمعت سياره فياريت تنصحني اذا تعرف محل ممتاز للتلميع في البحرين.

B R A B U S @user_18993 · 16-01-2007

السلام عليكم ورحمة الله وبركاته

اخوي العزيز طبعاً اولاً الله يبارك لك في سيارتك الجديدة ويعطيك خيرها

ويكفيك شرها مقدماً ونتمنى انك تورينا صورها لما تشتريها ;) ,,,

طبعاً من افضل طرق العناية بالسيارة هو المحافظة على نظافتها دائما

وان كان عليها غبار خفيف ماله داعي تغسلها وانما يكفي مسحها بقطعة

قماش قطنية ناعمة وكذلك لا تنساها بين الفترة والثانية بالملع الاصلي وانا

انصحك في ماركة مغواير لانها افضل نوعية استخدمتها تجعل السيارة

لك وكأنك توك مشتريها من الوكالة ,,, وبالتوفيق ان شاء الله ,,,

B R A B U S