شكراً لكم بلدية الأحساء....هذا ما حدث لسيارتي

كيفك ريان....ناوي تزورنا الأحساء....ترى الشوارع يمدحونها...هههههههههههههههههههههه...

وش نسوي شباب...الشكوى لله.....

بس للعلم...إلى اخر يوم كتبت فيه هالرد....الحفرة لازالت والماي لازال مغطيها....والضحايا الجدد في الطريق....

شوارع الاحساء هذي يبغى لها صفحات كثيره

من يصدق ان مشوار الكليه اللي اخذه بربع ساعه

اخذه ب50 دقيقه ؟؟؟

شوارع تعبانه بدون مطر ,,, كيف بعد المطر ؟؟

خلها على ربك اخوي

توهم مسوين عند مدرسه رقيه خفيف بالرصيف بوسط الشارع

عشان يقطع الطلاب الطريق من فوقها

ماخذت يومين الا وطاحت !!!!!

وش يدل عليه على نظافه المقاولين ولا على شنو ؟؟

الله يعينا بس ,,,

نصيحه

نصيحه اخويه

أنشر في الجرايد ... خصوصا جريدة الوطن ( عندها حصانه ماهب عن احد)

أرسل للبلديه في الأحساء و للأماره في الدمام
مع الصور

ولا تنسى الدعاء على الحراميه في ظهر الغيب
حسبي الله عليهم
الله لا يلحللهم ولا يبيحهم
ياخذون الفلوس و يصرفونها ( نثريات) و عزايم و إنتدابات !!!!!!!!!!

ابوسعود

اييييييييييييه بس لاتذكرني والله اول مرة اكره المطر في حياتي لما رحت الاحساء، اقسم باللله ازمة !!!الشوارع كلها طافحة ومافي تصرييييف !!!!!!!!!

مع احترامي لاهل الاحساء بس بصراحة من اسوأ الناس الي تسوق قطع الاشارات عندهم تشوفه يوميا وانواع التسقيط واغلب الشعب ونيتات وتسعاويات يعني لو عندك سيارة جديدة بتروح عليك من جد !!!!!!!!!!

ياريت لو يكون فيه رقابة مشدةة !!

والله هذا حال شوراع السعودية شوارع مكسرة وحفر وحفريات مهملة وترقيعات بشعة بالشارع ومطبات تكسر السيارات تكسير الواحد حرام يشتري سيارة في هالشوارع
انا شاري رنج روفر جديد وكالة أول ما مشي فيها مطبه بعدين الترقيعات الي في الشارع الي تكسر السيارة غير الحفر غير الغشمان الي مايعرفون يسوقون والتشطيف ولا الي يلحم فيك والا الي ماخذ الشارع شارع ابوة والله حرام
انا سيارتي هاذي اطلع فيها مرة كل اسبوعين او في المناسبات او لا بغيت اشخص شوي اما امشي فيها مشوار عادي يشيب راسي من الطريق والي فيه ما أطلع الا بسيارتي الثانية (فورد اكسبديشن )

والله يكون في عونك

الحمدلله السيارة طلعت سليمة....طبعا هذا فحصي انا ما وديته ميكانيكي......

بس وش نسوي.....ما اقول إلا حسبي الله ونعم الوكيل...>>> دعوة المظلوم مستجابة.....

الله يعينك اخووي والله


والرياض فيها خير والله لا تحسب بس الاحساء


واقول ثاني مره الله يعينك


وانشاء الله تلقا سيارتك سليمه مافيها شي

عندنا في الرياض ادهى وامر للأسف
مين يصلح سياراتنا اذا طاحت في حفر ومستنقعات
الواحد "استغفر الله" صار ما يتمنى المطر يجي كله بسبب اللصوص والبنية التحتية المهشمة والمهمشة

اه يالاحساء

وربي ما كسر سيارتي الا شوارع الاحساء

الشوارع تغرق وقت الامطار لعدم وجود تصريف جيد واللي يزيد الطين بله ان الشارع فيه مليون حفره

يعني كيف راح تعرف اماكن الحفر عشان تبعد عنها والشارع غرقان

ما اقول الا الله يخلي البلديه اللي يحطون نص الميزانيه في جيوبهم

روحو شوفو شوارع الجبيل ياعيني عليها وعلى الهيئه الملكيه .. اتحداكم تلاقون شارع مليان مويه حتى لو استمرت الامطار لمدة شهر

الله يعينك يا صاحب الموضوع ويعوضك خير

|5| والله شيء يقهر صج ..... تشتري سياره جديده في اقل من سنه تتكسر والسبه الشوارع التعبانه ............


طيب يامرتضى مارحت للبلديه تشتكي من اللي صار ؟؟ لانه المفروض على الاقل يشفطون الماي المتجمع او يحطون لوحه تحذير انه فيه حفره ؟؟
وترى نصيحه خذها مني .... أي شارع ماتعرفه وتشوف فيه ماي متجمع لا تدخل فيه لانك ماتقدر تشوف الحفر|5| ............

اقول يوم السبت في الليل خمس سيارات متوقفه بعد نقعت مويه في السلمانيه
بسبب تجمع المياه ولكن اللي يضحكني وهو خمس وايت للسحب المياه على شارع واحد طيب لماذا لا تسون مشروع ورتريحون نفسكم من الوايت القهر ان تشوف سيارات غاليه تطيح في الحفر والبركات المويه زي ماسميه ولكن مااقول الا الفلوس وين تروح <<<<<<< يشك فيهم





اخوكم
ستار بدوي

الله يعينك

ولله مشكلة


صدقني أنا اذا جا مطر وكثرت المياه في الشوارع الزم البيت ولا اطلع ابد الا في الضرورة القصوى

اخوي ماضاع حق وراه مطالب
لاتسكت خذ الصور وروح لجريدة الرياض او الوطن او اليوم وانشر الموضوع , راح يتفاعلون معك وممكن انك تكلم المحرر بالتلفون وهو راح يطلب منك الصور , هم يدورون على اي شي يعبون فيه الجريدة
وراح تصل الرسالة

شكل الاحساء مب في السعوديه ......... شكلها في شرق أسيا

لأسف الشديد بأنني من سكان هذه المنطقة وبالنسبة لشارع الستين

يأخي انت مو أول واحد ولا آخر واحد كان مرة تعلق باص صغير في الفحرة قريبة من الحفرة التي سقطت

فيها سيارتك وسيارة أخرى من نوع كابرس تسعاوي وغيره الكثير

واليوم السبت الموافق 26/11/1427 هـ لا يستطيع أحد المرور في ذلك الشارع

بسبب ميا الأمطار المتجمعة هناك واليوم في الصباح شاهدت جيب شروكي وصل الماء إلى الشبك الأمامي للسيارة

وهذا جزء من الشارع وفي الشارع الذي اسكن فيه لاتستطيع الذهاب إلى البيت المقابل إلا بالسيارة بسبب كثرة

الحفريات و (الطين) والمياه المتجمعة واذا استعطت قريبا سأرفق الصور

ونسأل الله أن يعيننا .........

تحياتي لكم

يامالك من هذه الامور

والخير عندنا في الرياض كثير وانا اخوك مو انتوا لحالكم