السلام عليكم
عندي مشكلة فالسيارة و بطرحها هني لثقتي ان الاعضاء راح يفيدوني ان شاء الله
السيارة التيما 3.5 موديل 2005 قير اوتوماتيك ماشية 107000 كيلو
قبل فترة كنت على خط و راص السيارة و كان الايل وقتها يحتاج تبديل لاني ماشي عليه 15 الف و الايل المفروض ابدله على 10 الاف
لما ييت اغيره طلع ناقص و غيرته و بعدها لما خلص عمر الايل غيرته و طلع ناقص حوالي لترين
على الرغم ان مافي ليك من اي مكان لاني شيكت على السيارة انا و العامل مال ادنوك و حتى اني وقفت السيارة يوم كامل اشوف اذا بيكون في اثر آيل ولا لا بس مافي
و مافي دخان بعد فما اعرف الايل وين يروح
و المشكلة الثانية ظهرت لي يوم كنت راص السيارة بعد الي هو صوت صرصرة نفس حديد خفيف يضرب فبعض على آر بي ام 1.8 الى 2.0 و يوقف بعدها يطلع على 3.7 الى 4.0 و يوقف
السيارة شغالة تمام بس للاسف عزمها صاير تعبان لدرجة ان كامري اربعة سلندر قير عادي راح عني قير واحد و اثنين و ثلاثة يدمت عنه و تم لاصق فدبتي
و ان شاء الله راح استفيد من خبراتكم
