السلام عليكم ..
كيف حالكم يا شباب ..
المهم , صرلها يومين المطر ما شاء الله بالشارقة , الله يزيد الخير ,
ولكن صار معي فلم هندي ,
باختصار , وانا ماشي على سرعة 60 -80 , طلعت على فتحة "Exit ramp " جسر - اللي عند معسكر الفلاح لسكان
الشارقة - , والمهم المي غشتني وطلعت غميقة جدا , أنا دخلت والمي ضربت السيارة وصارت فوق الطبون الأمامي ,
طبعا أمرلي لله مشيت فيها ودست بنزين , صارت السيارة تنتع وكانت رح تطفي , غيرت الجير من ال D لل 3 , ومشيتها
وطلعت من المي والحمد لله , بس الشيارة ضلت تنتع ومخنقة , وصار دخان أبيض كثيف يطلع من العادم .. كملت المسير
للبيت بحدود 5 كم , والسيارة تنتع , ( بعد ما طلعت من المي رجعت الجير ل D ) وواضح إنها مخنوقة ,
المهم وصلت البيت وفتحت الطبون وما كان في مويه على المحرك من فوق والحمدلله , ورحت نمت وقلت الصباح رباح.
اليوم الصبح , شغلتها بكل هدوء , ال RPM كان منخفض , تحت ال 500 دورة , وحميتها وبعدها رحت الدوام , بعد 4 كيلو
تقريبا طفت السيارة وطبعا كانت تنتع طول الطريق وأنا ادعسها على الاخر وال rpm يوصل لل 6000 وهي ما راضية
تطلع من سرعة 80 كم\س, المهم فتحت الطبون ( الكبوت يا شباب :D ) على أساس كتير رح إفهم , والله كلو تمام
يعني لا في أثر مويه , لا على المحرك من فوق , ولا عند غطا الزيت ولا شي , وشيكت على سلاك الكهربا , ناشفة
هلا هلا :confused:
المهم , سميت بالله ودقيت سلف , دارت ومشيت فيها بحدود 4 كم تانية وصلتني الدوام , وهنيك فتحت الطبون شمسها
وما حركتها لل 5 العصر , مشيت فيها , مخنوقة أكتر من الأول , بس الحمدلله وصلتني للبيت , طبعا الضو الأحمر تبع
نظام الإكزوست والله أعلم يشغل كل ما قربت السيارة تطفي ," المستطيل أبو ثلاث خطوط مايلة لفوق " , كمبيوتر
السيارة بقول " Check Control OK " .. اتصلت بالميكانيكي المعتمد من عندي :D قلي بس نشف المحرك من عند أقرب
محطة , بس أنا ما اقتنعت ,
السيارة BMW 320 i , سنة الصنع 1995 ,6 سلندرات .
أتمنى ردودكم العاجلة , وتقبلوا تحياتي مسبقا ..
أخوكم خالد
