استفسار بخصوص الباترول 2007 .. افيدونا

[معقوله]

السلام عليكم ورحمه الله وبركاته


اخواني


انا لي اشهر افكر وش اشتري سياره ورسيت على باترول جديد

بس عندي كم استفسار

ابي انا طبعاً قير اتو ،،

واهم شيء التخشيبه والقزاز كهرب

بس ابغى اعرف اكثر عن مواصفاته ،،

يعني ما ابغى فل ولا سياحي ،، نص فل ،،


وكم سعره عند الحمراني بالرياض ،،

وهل تنصحوني اقترض من البنك واطلعه كاش ولا اطلعه تقسيط من الوكاله ،،

ومشكورين يا شباب

[C A D I L L A C]

لا تفكر ياخوي

4800 فتك
محرك قوي جدا
داخليتها امس شايفنها في الوكاله
روعه

سعر السفاري فل 154 الف تقرييبا فيها فتحه و مثبت سرعه و ABS و السوبر سفاري تفرق عنها بالجلد و الزينون
وابشرك

صرف البترول تقريبا اقل من 2006
يعني لا تخاف

يا خوي

انا لو بدلك
اخذها بدون ما افكر حتى و لا اشاور حد


تدري نحن في الامارات ولد عمي حاجز وحده بيضا و ولد عمتي حاجز سودا
من كثر الطلب عليها هم ينتظرون من اسبوع
و بيستلمون يوم الاحد هذا

انصحك بها

تحياتي

[salehhd]

السلام عليكم

الاخ كدلك ماقصر والسيارة روعة وابداع نيساني بمحرك جبار سعة 4.8 لتر يولد 280 حصان وقير اوتو ترونك وفي البر الموتر ينشد فيه الظهر لاكن يقولون يصرف بنزين خاصة في الخطوط

بالنسبة للبنك اذا بنظام التورق احسبها وشوف الاقل مع ان البنك يرحيك من الكفيل وغيرة والسيارة تصير بأسمك ويخصمون من رابتك مباشرة

في الختام انصحك بالاستخارة فما خاب من استخار
بالتوفيق

[خليفه البوعينين]

وعليكم السلام ورحمة الله وبركاته ..

بالفعل مواصفات الباترول ماأقدر أعبر لك عنها شي خيال ..ومثل ماقالك الأخ كدلك الموتر ينشد الظهر فيه في البر ..

وبالنسبه للسعر أنا سألت فقط عن الفتك قالوا لي بـ 164 ألف ريال كاش ..

وبعدين في عزم مو صاحي مشاءالله ..وبالنسبه للقرض أو الأقساط ..أنا أنصحك انك تاخذه اش وتريح عمرك ..

يعني خذ لك قرض ..

وبالتوفيق ان شاءالله ..

[C A D I L L A C]

السلام عليكم
لاكن يقولون يصرف بنزين خاصة في الخطوط

اخوي صالح

موديل 2007 صغرو فيه الدرام ويل فصار يصرف نص الي يصرفه قبل تقريبا اقل
اكثر من النص بشوي

و انا مره ركبت ويا ولد عمي عنده وحده 2006 كنا بنسير دبي و هي تبعد عنا 87 كيلو
فولها سرنا و تمشينا في الممزر ساعه تقريبا و رجعنا
صرفت النص بس

بس هي عن تصرف

تصرف

بس انا اقولها

السعاده تنشرى بأثمان
و ااكد مره ثانيه صرفية 2007 تغيرت تغير ملحوظ عن 2006 و 2005 و 2002

[MyName]

الباترول إبداع من نيسان لايختلف عليه إثنان < - - - من تأليفي

توكل على الله أخوي ومبروك مقدماً , بس سمعت انه بيتغير بـ 2008 تغيير شامل للسياره وانا مو متأكد ( انا كنت بشتري الـ 2007 وصبرت بشوف الـ 2008 لأني مو مستعجل يمكن يتغير ولا أتوكل على الله وآخذ لي 2007 )

تحياتي

[salehhd]

اخوي صالح

موديل 2007 صغرو فيه الدرام ويل فصار يصرف نص الي يصرفه قبل تقريبا اقل
اكثر من النص بشوي

و انا مره ركبت ويا ولد عمي عنده وحده 2006 كنا بنسير دبي و هي تبعد عنا 87 كيلو
فولها سرنا و تمشينا في الممزر ساعه تقريبا و رجعنا
صرفت النص بس

بس هي عن تصرف

تصرف

بس انا اقولها

السعاده تنشرى بأثمان
و ااكد مره ثانيه صرفية 2007 تغيرت تغير ملحوظ عن 2006 و 2005 و 2002

كلامك سليم اخي كدل وكان موديل 2006 اقل صرفية من 2005 ولاكن على حساب القوة والنشاط
واذا كان صاحب الموضوع من السعودية فأعتقد ان مشكلة البنزين ليست كبيرة لاكن عندكم في الامارات الله يعينكم من جد

[yo$$sss]

يـا رجـال توكل على الله وخذ لـك النيسان بدون ما تستشير أحد

النيسان موتر قوي وما عليه خلاف (عن تجربة)


ولا تنسى تستخير الله..


والله الموفق


تحياتي