انا مطلوب تكفون ساعدوني .. هل لي سبب في اللي صار او لا

بشر يالاخو اش صار عليك

عسى ما شر ان شاء الله

هلا اخوي الحمد لله على سلامتك وسلامة العسكري

لكن نصيحتي لك اذا سلمت نفسك يحسبونك خايف وبيستقعدووون لك ...

او سلم نفسك واذا قلب عليك العسكري واستنذل عليك حول القضيه للشرع وراح تكون من نصيك وتكسبها على طول باذن الله


تحياتي لك

شف عزيزي...نظام المرور بما انه سيارتك ماكانت طرف بالحادث فماعليك مسؤولية ابد

يعني حتى لو تكبس بريك بوجهه ويلف يحاول يتفاداك ويصدم جدار اننت ماعليك مسؤولية

((لاااااااازم تكون سيارتك طرف بالحادث)) هذا نظام الدولة


انت بحالة هذي ماعليك الا مخالفة قطع اشارة..الا لو العسكري حط بذمته امور ثانية


اذا فيه مخالفة بتلقاها بالحاسب الالي....قيمة اصلاح الدورية مالك علاقة فيها لانك منت طرف بالحادث....باختصار اسحب عليهم السيفون :D


لكن تبي الجد....قطع الاشارة هذي راجعة لقناعتك الشخصية انا مالي علاقة...بس انا شرهان عليك بحاجة وحدة بس...ياخي ليه مارجعت واسعفتهم والله حرام عليك......افرض كانوا مغمى عليهم وتطلعهم قبل تحترق السيارة..او احد منهم ينزف...والله حرام عليك تسحب عليهم كذا !!!!!!!!! بغض النظر عن السواق يمكنه مطفوق وملحوس لكن فكر بالراكب

^
^
^

حط السبب بالسيارة ..


مدري ليش لها الدرجة الهولدن مسويلكم مشاكل :confused:



ويا صاحب الموضوع ..



نصيحة أخ ..



شي اسمه اسلم نفسي شله من راسك نهائيا ..

لان فيه ناس ما عندها ضمير يعني ..


يحط المشكلة كلها براسك .. ويخليك تسب اليوم اللي سلمت نفسك فيه ..



وخلك عادي واللوحة شق خشمي ان حفظها ..

والله لو انه أيش ..



هذي نصيحتي ..

اخووي لاتسلم نفسك ولا شي ولا عليك فيهم

اصلا لو سلمت نفسك بيصير فيها بهذله

والعسكري مو انت الي تتحمل خطاه معروف انه مامعاه حق يلحقك ويطاردك لانه ممكن تتطور المشكله وهذا انت شفت بعينك ومستحيل يكون لقط لوحتك وهو في الوضع هذا

انا من رئيي تسلم نفسك ومستحيل تصلح سيارته اقصى عقاب الك حجز 3 ايام+غرامة 900 ريال
مع اني اتوقع ماحفظ اللوحة وحتى لو حفظ الحادث نساه:D

انا لو مكانك ما أسلم نفسي .... يمكن ما امداه يلقط اللوحة .


و بعدين تلقا الحادث اللي صار له عقاب من ربي لأن نذالة العساكر محد سلم منها .


مر بطريق معروف ان دايم فيه تفتيش و إذا ما وقفوك _ و هذا إللي اتوقعه _ يعني ما عليك بلاغ .

و ان شاء الله معد تقطع الاشارة مرة ثانية :)

بالتوفيق .

ماعليك منه ..
دام انت ماسويت له شي
هو يتحمل غلطتة

واذا كنت راضي تاخذ الحق العام اوكيه

بس ماتدفع التعويض

يمكن العسكري مو في وعيه
سهران او فية بلا

يعني معقولة يكون واقف وبالسرعه هاذي تحوس سيارتة ويدعسك

حبيابي
الشارع فاضي
ولا به اي سياره
واصلاً ناس كثير تقطع الاشاره هاذي لانها سيدين فقط
يعدين الطريق رايح فقط
يعني مو رايح جاي
والشاااااااااااااارع فااااااااااااااااااضي
ونادر مافي يوقف
دائما يقطعونها لانها مالها اي فايده
هم حاطين الاشاره عشان واحد للرايحين و الثاني يوصل الى قصر الامير
وقصر الامير بعيد عن المكان

انا لو ضمنت اني اخذ حق المخالفه و يوم في الحجز ( الحق العام )
اسلم نفسي
انا اني ادفع الاضرار اللي سواها العسكري
طيب ايش ذنبي

لو واحد عنده حالة اضطرارية
لو احد زوجتة على وشك ولاده

يعني ادفع حق الضرر في سيارة العسكري
ايش دخلني على عدم تصرفة السليم

قطع الاشارة يعتبر جريمه
.
وجريمه كبيره كبيره
.
كبيره كبيره بمعنى الكلمه
.
والمفروض تسدد المخالفه فقط
.
اما العسكري >> اضحك عليه
.
محد ضربه على يده وقال لازم تلحقه بالسرعه والدعس
.
نيد فور سبيد على غفله؟؟؟؟؟
.
طب بقولك شئ>> ممكن عسكري يصدم عامود بدون ما يدري ويحطها على اي مواطن عشان يشيل التهمه عنه مثلا صدم عامود وراح يسلم السياره ويقولون وش صار؟ يقول شفت واحد يفحط وكان بيدعس ناس ورحت الحقه بس صدمت
.
المقصود من كلامي انك مو مجبور على دفع الاضرار لكن خطئت يوم قطعت الاشاره
.
يكون عليك واجب دفع الاضرار اذا كنت متهور في السواقه بس الي شفته من كلامك انك ماشي 80 وما تهورت يمين او يسار
.
هذا الي اقوله لك

طيب احد يقول له ادعس لاخر الابنص وتعال الحقني بالاسلوب هذا

بعدين انا اشتغل في مستشفى

كيف اسلم نفسي وانا مالي صلاح

مو اسلوب انه يدعس الابنص لاخر شي ويبغى يلحقني
يقدر يبلغ لانه وقتها تعديت تفتيش ثاني وماحد وقفني

طيب لو سلمت نفسي
اخاف يجيني ولد حرام من العساكر ويقول لي
التعويض عليك
ليش .. ان جريتة او قلت له شي


اتمنى انك تريحوني
وهو ماصار له شي
بحثت في الامر وقالوا انو سليم
بس السياره تضررت

كلام سليم والله
ولا تسيل هم
راح تعدي هذه الفتره بسهوله

الحمد لله على سلامتك وعلى سلامت العسكري

الله يسامحك ويسدد خطاك .

المهم يالغالي / انت غلطان غلط كبير وهو قطع الإشاره لكن صار ألي صار
المهم انا أفضل أنك تروح للمرور وتخبرهم بكل ألي صار إذا كنت تبي التوفيق من الله وتربي ذمتك لأن الحادث من سببك انت سواء كان السواق غشيم أو فنان .

وعلى العموم تأكد أنو لو كان العسكري شاف رقم اللوحه انهم راح يجيبونك مهما طال الزمن لأن الحادث مع سياره حكوميه .

وتأكد ان العسكري الآن عليه ضغط كبير بسبب الحادث .


تحياتي ..،،،

لاحول ولا قوة الا بالله
ارجع يارجال من عملك , كانهم لقطو رقم اللوحة فهم جايبينك جايبينك
والمسألة بسيطة ان شاء الله ولا اعتقد بيحطون عليك الخطا, اكبر شي ممكن تتحمله هو مخالفة قطع اشارة (الا اذا كان العسكري حقد عليك ودبس عليك مخالفات ثانية)
والخطأ عليه هو اصلا لأنه مستهتر وحاول يصلح خطأ بخطأ
توكل على الله ولن يصيبنا الا ماكتب الله لنا