بسم الله الرحمن الرحيم
السلام عليكم ورحمة الله وبركاته
اليوم الصباح رحت لوكيل سيارات سوبارو (شركة اليمني للسيارات) فرع طريق خريص (الفرع الرئيسي في مدينة الرياض).
وطبعاً شفت الليجاسي 2007 وصراحة شيء فوق الخيال...
طبعاً تكلمت مع احد موظفين المبيعات وصراحة كان متعاون جداً جداً ووسيع صدر..
جلست اسولف معه واضحك وندردش شوي كأني أعرفه من 5 سنين :)
المهم....استفسرت منه بخصوص الإختلافات والأسعار وغيرها من هالاشياء وصراحة ما قصر وعطاني كل شيء بالتفصيل وعطاني مفتاح السيارة وخلاني اجرب اشغلها واشوف انوارها وفكرتها ومحركها ......إلخ.
طبعاً في الوقت الحالي الليجاسي 2007 تنحصر في 3 فئات فقط وهي:
الفئة 1: سياحي (4 سلندر).
الفئة 2: فل كامل (4 سلندر).
الفئة 3: فل كامل (6 سلندر).
المواصفات والأسعـــار بالتفصيل هي كالتالي:
1) الفئة رقم (1) //
المسمى: سياحي 4 سلندر.
المحرك: 2000 سي سي (أفضل المحركات أقتصاداً للوقود).
عدد الأحصنة: والله نسيت عدد الأحصنة ولكنها نفس 2006 بالضبط ومافيه أي أختلاف من الناحية الميكانيكية.
الموجود في السيارة: 4 سلندر، المحرك 2000 سي سي، كشافات ضباب، دفع رباعي مستمر، مقاعد قماش، مثبت سرعة، مكابح ABS+EBD، جنوط ألمنيوم 16 أنش، قير تبترونيك 4 سرعات، مشغل أقراص CD عدد 6 سيديات، قفل مركزي، نوافذ ومرايا كهربائية، وسادتين هوائية للسائق والراكب، شكمانين بشكل جميل، 3 مفاتيح، ريموت كنترول في نفس المفتاح بشكل مثلث جميل، شاشة معلومات تحتوي على درجة الحرارة ومعدل استهلاك الوقود، مكيف إلكتروني، طبلون بلون جميل.
الغير موجود في السيارة: أنوار حول حاملات الأكواب، أنوار زينون، جلد، فتحة سقف، تحكم إلكتروني بمقعد السائق، نظام IS Drives، طبلون مثل الـ 6 سلندر (صراحة ناسي اسمه :))، قير للتغيير بين النمر في نفس الدريكسون، تحكم بالمسجل والراديو من خلال الدريكسون، مشغل اشرطة كاسيت عادي.
السعـــر: 73،000 ريال سعودي (ثلاث وسبعون ألف ريال سعودي).
2) الفئة رقم (2) //
المسمى: فل كامل 4 سلندر.
المحرك: 2000 سي سي (أفضل المحركات أقتصاداً للوقود).
عدد الأحصنة: والله نسيت عدد الأحصنة ولكنها نفس 2006 بالضبط ومافيه أي أختلاف من الناحية الميكانيكية، وأعتقد انها بحدود 150 - 160 حصان.
الموجود في السيارة: 4 سلندر، المحرك 2000 سي سي، كشافات ضباب، دفع رباعي مستمر، مقاعد جلد، مثبت سرعة، مكابح ABS+EBD، جنوط ألمنيوم 16 أنش (أعتقد انها 16 وليست 17)، قير تبترونيك 4 سرعات، مشغل اقراص CD عدد 6 سيديات، قفل مركزي، نوافذ ومرايا كهربائية، وسادتين هوائية للسائق والراكب، شكمانين بشكل جميل، 3 مفاتيح، ريموت كنترول في نفس المفتاح بشكل مثلث جميل، شاشة معلومات تحتوي على درجة الحرارة ومعدل استهلاك الوقود، مكيف إلكتروني، طبلون بلون جميل، فتحة سقف.
الغير موجود في السيارة: أنوار حول حاملات الأكواب، أنوار زينون، قير للتغيير بين النمر في الديركسون، تحكم بالمسجل والراديو من خلال الدريسكون، طبلون مثل طبلون الـ 6 سلندر، مشغل أشرطة كاسيت عادية، نظام IS Drives.
السعر: 85،000 ريال سعودي (خمس وثمانون ألف ريال سعودي).
3) الفئة رقم (3) //
المسمى: فل كامل 6 سلندر.
المحرك: والله نسيت كم قالي بالضبط :)
عدد الأحصنة: ناسي بعد بس هي اكثر من 200 حصان أظن انها حول 245 حصان أو شيء زي كذا.
الموجود في السيارة: 6 سلندر، كشافات ضباب، دفع رباعي مستمر، مقاعد جلد، مثبت سرعة، مكابح ABS+EBD، جنوط ألمنيوم 17 أنش، قير تبترونيك أعتقد انه 4 سرعات، مشغل اقراص CD عدد 6 سيديات، قفل مركزي، نوافذ ومرايا كهربائية، أعتقد فيها 6 واسائد هوائية، شكمانين بشكل جميل، 3 مفاتيح، ريموت كنترول في نفس المفتاح على شكل مثلث جميل، شاشة معلومات، مكيف إلكتروني، طبلون رائع جداً وبنور قوي جداً، فتحة سقف، أنوار حول حاملات الأكواب، أنوار زينون، قير للتغيير بين النمر في نفس الدريكسون، تحكم بالمسجل والراديو من خلال الدريكسون، نظام IS-Drives.
الغير موجود في السيارة: مشغل أشرطة كاسيت عادية.
السعر: 107،000 ريال سعودي (مئة وسبعة آلاف ريال سعودي).
ملاحظات:
1) بعض المعلومات أعلاه يمكن يكون فيها خطأ وانا أعتذر عن هالشيء بس والله أنسى.
2) بخصوص الـ 6 سلندر آسف أني ناسي بعض الأشياء فيه لأني ماركزت علية أبد، وكنت مركز على الـ 4 سلندر فقط.
3) جميع فئات الليجاسي 2007 لا تحتوي على مشغل اشرطة كاسيت عادية وأنا أعتبرة عيب.
4) لايوجد الأن سياحي مع فتحة ويقول الموظف إن الإدارة مانعه الفتحة للسياحي ويقول مافيه إلا هالثلاث فئات.
5) الأسعار من وجهه نظري معقولة مع أنها مرتفعة بالنسبة لأسعار 2006.
6) الوكالة جابت اكثر من لون جديد من ضمنها الرصاصي الفاتح والرصاصي الغامق، وصراحة ألوان رائعة.
7) ألاحظ انهم جايبين أكثر من وحدة قير عادي بس صراحة شكلها بالقير العادي ماهضمته :) .
هذا اللي عندي، وإذا عندكم أي استفسار بخصوص الليجاسي 2007 تقدرون تحطونه هنا وإن شاء الله أقدر اجاوب علية وإذا ماقدرت إن شاء الله أسأل عنه أو يجاوب علية أحد الأخوان المختصين بالسوبارو عندنا بالمنتدى :)
وأنا يمكن أكون ناسي شيء منا ولا منا وإذا تذكرت أي شيء راح اضيفة في نفس الموضوع.
ملاحظة: وقت وجودي عند وكالة سوبارو (فرع خريص) كان فية سيارة وحدة فئة 6 سلندر واللي هي بالعرض، وفيه سيارتين فل كامل 4 سلندر وحدة بالعرض ووحدة برا، أما بخصوص السياحية فيه 3 على ما اعتقد وكلها كانت موجودة برا.
الرجاء ذكر المصدر عند نقل الموضوع لأني تعبت وأنا أكتب فيه :)
تحياتي،
S A M I
ولازم ترد على موضوعي الي راح انزله بخصوص الفروق
