استفسار : بغيت أغير نوع الزيت المستخدم للمكينة

[سوبرا]

السلام عليكم ..

..
..
حبيت أغير نوع زيت المكينة اللي أستخدمه حالياً ..
تعرفون اللزوجة العالية تتحمل حرارة كبيرة فقلت أنا حالياً أستخدم سوبر موبيل 20W50
وأستبدل بـ سوبر موبيل 15W40 XHP يجي بعلبة بلاستيك ..
وحسب ما يقولون إن العلبة البلاستيك يكون انتاجها جديد والحديد قديمة ..

فحبيت أعرف هل هذا التغيير راح يأثر على مجريات المكينة على عملها أو شيء ..
وسمعت إن الزيت اللي ما ينحرق بسرعة يطيل من عمر المكينة ..

علماً إن السيارة كامري 99 (استخدام أمريكي)

على فكرة بغيت أعرف كم رقم الزيت المستخدم في الكامري الخليجية ..!!

[سلفستر]

تغيير الزيت لا يؤثر على المكينة ((((( إذا غسلت المكينة و غيرت السيفون )))) كل هذا بعد إفراغ الزيت الأولاني

[نديم الطيف]

^^^^^^^^

شلون يغسل المكينة من الزيت؟؟؟؟؟


الي اعرفه يصرف الزيت مع الصرة ويبدل السيفون...ويحط الزيت الي يبيه

[سوبرا]

أولأ فكرة غسيل المكينة تخرب الصوف وتصير تهرب زيت وأنا مو ناقص مشاكل ..

أحتاج رأي الفني ..
وينه ما أشوفه هالأيام كثير زي أول ..

[سلفستر]

أولأ فكرة غسيل المكينة تخرب الصوف وتصير تهرب زيت وأنا مو ناقص مشاكل ..

أحتاج رأي الفني ..
وينه ما أشوفه هالأيام كثير زي أول ..

مقبولة منك
وجزاك الله خير
جزاء المعروف 7 كفوف

وش تبي الفني يقول
غير المكينة؟؟؟؟؟

[سلفستر]

^^^^^^^^

شلون يغسل المكينة من الزيت؟؟؟؟؟


الي اعرفه يصرف الزيت مع الصرة ويبدل السيفون...ويحط الزيت الي يبيه

أخوي هذي تباع عند أماكن تغيير الزيت .... قيمتها تقدر بحوالي 20 ريال.... عند إفراغ الزيت وقبل فك السيفون تصب في المكينة ثم تشغل السيارة لمدة معينة من الثواني ثم تطفأ السيارة وتفرغ المكينة من هذا الغسل ثم يغير السيفون ويصب الزيت الجديد في المكينة
وصلى الله وبارك


أنا كذا مرة أسويها وسيارتي زي العسل

[سوبرا]

أفااااااا أخوي سلفستر ما هقيتك تفهمني غلط ..
أولاً لأن كذا واحد حق ورش وبناشر قال لي لما تغير الزيت في البداية لا تغسل المكينة لأنه يخرب الصوف ..
وهذي معلومة قديمة ( لو جات المويه على اسفنج أو ما شاب انتفخ وانفتحت مساماته )
وبعدين إذا أنا اعترضت فكرتك هذا ما يعني رديت على معروفك بـ

جزاء المعروف 7 كفوف

تدري المشكلةكلها ايش ؟!
إن نسيت أكتب في بداية الرد ... مشكورين على ردودكم وأرائكم ...
وهذا قلتها توني مو تقول لي ما قلتها

وش تبي الفني يقول
غير المكينة؟؟؟؟؟

وبعدين الفني عضو قديم وله خبرته فقلت يمكن ينصحنا بحاجة أفضل ..
مثلاً لا تغير أو غير نوع ثاني أو أي شيء ..

أتمنى تكون فهمتني !!!

[MMZXZ]

جرب الفوكس سوبر جتي

استخدمة مع الكابرس 89 وززززززززززي الفل

وستخدمتة مع كامري 2005

وكذا سيارة