مشاكل في الكامري

فرانشسكو @user_37703 · 24-10-2006

السلام عليكم

هدا اول موضوع ومشاركة واتمنى انكم تجاوبون علي

انا سيارتي كامري 99 امريكي

فيه مشاكل بقولها ليكم وياليت اللي عنده معلومات يجاوبني

اول شي : في لمبة والعه لي في طبلون الضغط ومن طلعت طلع معاها صوت زي الرجه في المكينه وشوفوا الصورة

رحت الى ورشتين الاولى قال هدي تولع ادا ماي الرديتر ناقص ( بس ماي السيارة مو ناقص )

الثانية قال هدي لازم الوكاله

رحت الوكاله قال احنا ما ناخد امريكي

اما المشكله الثانية

ادا كان القير على D وكنت ضاغط على البريك يطلع صوت رجه قوي

المشكلة الثالثه

ادا امشي ومع ضغطتي للدوسه يطلع صوت خترشه مدري من وين

ادري طولت بس سامحونا

وياليت تجاوبون علي

Initial D @user_10972 · 25-10-2006

أنا من رايي تسوي صيانه شامله للسياره لعدة أسباب :
أولا السياره اشتريتها مستعمله أكيد .
ثانيا عمرها قريبا الـ 7 سنوات او 8 سنوات بعد كم شهر

نصيحه مني إذا ماراحت المشكله اللي في الميكنه انك تبدأ تغير القطع من الارخص إلى الاغلى علشان ماتخسر فلوسك وانت ماتعرف من وين المشكله ...
يعني بعطيك اياها مثال ...
رحت لميكانيكي وقالك مثلا عندك قطعتين احتمال يكون الخراب منهم وحده تكلف 100 ريال والاخرى تكلف 300 ريال
تغير اولا اللي بـ 100 ريال وإذا ماراحت المشكله تغير اللي بـ 300 ريال
لانه ممكن القطعه الخربانه تكلف فقط 100 ريال وتكون انت غيرت القطعه اللي بـ 300 ريال وهي مب خربانه ؟؟

أنت أول أعمل الصيانه الدوريه ويصير خير انشالله :)

سوبرا @user_11499 · 24-10-2006

أخوي قبل كل شيء أسمع كلامي أنا أقلك بالطيب :D

غير البواجي مع الأسلاك ..
غير فلتر بنزين ..
شوف الخاخات يحتاج تنظيف أو لا
غير فلتر مع زيت الجير ..
شيك على القماشات حق الفرامل وعلى نظام ABS إذا كان عندك ..
واللمبة هذي شوف فك الغطا حق الراديتر وشوف فيه ماء أو لا (يعني يوصله ماء أو لا ..
وشيك على الزيوت كلها شوف في حاجة ناقصة أو لا ..
وخاصة زيت المكينة شوفه لا يكون ناقص ..
وشوف دبات الشكمان كويسة أو مليانة كربون وقديمة ..
ومن ناحية تعباية البنزين ففي ميزة في السيارات الأمريكية السيارة تطفي لما تفك الغطا حق البنزين ..
وممكن إن اللي عندك فيها مشكلة ويحتاج لها كهربائي فاهم ..
وبعدين لازم تطفي السيارة لما تعبي البنزين عشان الطرمبة لا تخرب عليك ..
وشيك كراسي المكينة من المحتمل يحتاج لها تغيير ..

هذي الأشياء لازم تسويها لما تشتري السيارة يعني أول الأيام على طول .. يعني في غاية الأهمية ..
هذي نصيحتي لك وانت حر ..
وللمعلومية أنا عندي مثيلتها V6 يعني ستة سلندر ..
لا تنسى تعطيني النتائج بعد ما تسويها وإذا ضبطت لا تنسى تدعيلي ..
أخوك سوبرا ..

فرانشسكو @user_37703 صاحب الموضوع · 24-10-2006

مشكورين اخواني على الرد

والله ما قصرتوا

وانا بنتظر الورشات يفتحون

لان كلهم مسكرين مشان العيد

ونشوف وش يقولوا

Legend7 @user_35762 Banned · 24-10-2006

ا

ابو الدواهي

اول مشكلة هذي لمبة check engine وهذي ماتطلع الا اذا كان عندك مشكلة كهربائية او سير التايمينج يبي تغيير

أعتقد كلام ابو الدواهي الله يكفينا شر الدواهي صحيح
التايمنق بلت مهم جدا تبديله خاصة بسيارات الدفع الأمامي , لا يطوف العداد 100,000 كيلو متر و لم يتم تبديله , المده أكثر أذا كانت السيارة 6 سلندر يعني أكثر من 100,000
أسمه بالأنجليزي timing belt
غايش التوقيت أو سير التوقيت
هذا الغايش أو السير يتحكم بتوقيتات الصمامات ال valves
يعني اذا توقيت صمام البنزين و الدخان مختل تصير رجه بالمكينه , قبل لا يسكر صمام البنزين يكون صمام الدخان لم يغلق بعد , فرق بجزء من الثانية لكن مشكلته كبيرة و أذا لم يتم تصليحه يصير التوقيت أسوا تقوم أو تجيم أو تتصلب المكينه أو يصير لها seize
أشرح هذا الكلام للفني

Toyota Maintenance: 3.4L V6 Timing Belt Replacement
http://www.4x4wire.com/toyota/maintenance/iming_belt هذا الموقع فيه شرح عن التايمنق بلت بسيارات الدفع الرباعي لتويوتا

على فكرة ال timing belt يحرك الكام شافت camshaft التي هي بدورة تتحكم بتوقيتات الصمامات

أذا اللي بالكامري مو timing belt فراح يكون timing gear يتم تعييرة أو تبديله أعتقد

ال timing belt مهم جدا لأنه جزء من عملية الأحتراق , يعني جزء مهم .

صراحه مشكله شلون الفني تطوفه هالشغلة

على فكرة في شغله مهمه جدا تتبدل مع التايمنق بلت وهي طرمبة الماء

http://www.epinions.com/content_23547645572
هنا كلام موقع واحد سيارته كامري 1999 يقول الآن حان الوقت لتبديل التايمنق بلت و عداد سيارته قرب الى 150 الف
ويقول أنه بدله عند 60 الف و 120 الف , طبعا حسبته بالميل اللي هو 1.6 ضعف الكيلو متر
و يقول انه راح يبدل طرمبة الماء و الثيرموستات و أهواز الراديتر , مهتم جدا بسيارته !!!

بالتوفيق...

ابو الدواهي @user_18812 · 24-10-2006

اخوي اسعد الله اوقاتك بكل خير

اول مشكلة هذي لمبة check engine وهذي ماتطلع الا اذا كان عندك مشكلة كهربائية او سير التايمينج يبي تغيير

ثانيا الرجة هذي الله يسلمك كراسي المكينة يبغالها تغيير

ثالثا انا انصحك تغير البواجي والفلاتر وخاصة فلتر البنزين

وان شاء الله تصيير سيارتك 100 %

تقبل تحياتي

فرانشسكو @user_37703 صاحب الموضوع · 24-10-2006

نسيت مشكله بعد >>>>>>>>>>> هالسياره كلها مشاكل

والمشكله هي

ادا رحت اعبي بنزين السيارة تقعد ترج وتنافض وبعدين الضغط ينزل الى الصفر

وما يرجع الى طبيعته الا ادا طفيت السياره ورديت شغلتها