السلام عليكم ورحمة الله وبركاته .
كيف حالكم شباب ؟
مبروك عليكم العيد مقدماً .
اليوم عندي لكم موضوع جميل * للأمانة فكرته نقلتها من موقع ثاني * ، وهي إنه كل واحد يكتب تجربته مع الجوالات اللي عنده ، ويكتب عيوبه ومحاسنه .
ورجاءً " بدون ردود شكر أو تعليق " لأنه نبي نفيد كل الأعضاء .
وبأبدي أنا :
جهاز نوكيا 6600 ( الباندا ) :
جهاز جميل عامة ، أول جهاز أخذته ، وما تصدقون كيف استمتعت وياه .
عيوبه :
1- الكاميرا ما فيها إلا زووم واحد بس * أول جوال أشوفه فيه كاميرا * .
2- الجهاز بطيء في فتح الملفات .
3- الريل بلير فيه ما يشغل نغمات MP3 .
4- كثير التعليق والخراب * وعادة ما تكون مشاكل سوفتوير * .
5- الصوت قوي من البداية ، بس مع الاستعمال نزل صوته * ما أدري ليش * .
محاسنه :
1- حجمه ممتاز بالنسبة للأجهزة اللي بعده ( 6680 ، 6630 ، 7610 ) .
2- الكاميرا وضوحها لا بأس به * واحد من زملائي كان عنده 6630 وتصويري أوضح من تصويره * .
3- الجهاز به Bluetooth , IR * وخاصة الآي آر إنه ما جت في بعض الأجهزة * .
4- معظم الثيمات والبرامج والألعاب تركب عليه .
5- تحمله قوي للصدمات * بدون تعليق * .
----------- ويوم غيرت الـ 6600 ، أخذت لي N73 ------------- :
N73 :
جهاز تصميمه جميل وروعة ، استعماله سهل وحلو ، والمميزات فيه تمام :
عيوبه :
1- عند تشغيل الـ RM في الاستديو * إذا كان صوت فقط * ما تقدر تتحكم بدرجة الصوت .
2- إذا صورت صورة والجوال على وضع الصامت ، صوت الكاميرا يكون موجود * يعني يطلع الصوت * .
3- عدم وجود وايرلس أو واي فاي * مع إنه ما في داعي إليهم بالنسبة لي * .
محاسنه :
1- الكاميرا فيه 3.2 ميغابكسل ، ويستعمل عدسات كارلزيس " أفضل عدسات " ، والصورة واضحة لدرجة ما تتصورها .
2- الصوت قوي ، بوجود سماعتين ، واحدة فوق والثانية تحت .
3- تصميمه حلو وجذاب .
4- تصويره الفيديو واضح بصيغة MP4 .
5- دعمه إلى صيغة SIS ، وهي صيغة الثيمات والبرامج الخ ..... * بس مو كل الثيمات أول البرامج أو الألعاب تركب عليه * .
6- وآخر شيء ، دعمه للجيل الثالث .
هذا كل اللي قدرت أستنتجه حتى الآن من استعمالي لهما .
وإذا شفت شيء جديد ، إن شاء الله أكتبه إليكم .
تحياتي
