السلام عليكم ورحمة الله وبركاته
كل عام وأنتم بخير، وعيدكم مبارك قبل الزحمة :)
رجعت لكم وعندي سؤال بايخ شوي...
الحين دايم نسمع عن 3 أشياء وهي:
1) دفع أمامي.
2) دفع خلفي.
3) دفع رباعي مستمر
ممكن تفسير لهالثلاث جمل...؟
طبعاً انا فاهم شيء معين وأبي اتأكد منه، وهو أن هذا يعتمد على دفع السيارة يعني الكفرات اللي تحرك السيارة مثلاً الكفرات اللي قدام او اللي ورا او كل الاربع كفرات.
السؤال الأهم...
وش الأفضل بينهم؟ هل الدفع الرباعي المستمر يعتبر ميزة بالسيارة ...؟
وهل هو يزيد في ثبات السيارة والأمان ولا وجودة والعدم واحد ..؟
سؤال ثاني...
من ناحية السواقة، يعني اللي متعود على دفع أمامي من أول ماساق قبل 6 سنين، ولا عمرة جرب الدفع الرباعي الموجود في بعض السيارات مثل سوبارو ليجاسي...هل راح يواجه تغير بسواقة السيارة او اختلاف او صعوبة نوعاً ما ؟
ام انه ماراح يلاحظ أي شيء سواءاً امامي أو رباعي مستمر او حتى خلفي ؟
لأني حاط عيني على سوبارو ليجاسي، بس هي دفع رباعي وانا ماقد سقت دفع رباعي أبداً...ما أدري هل راح احس بفرق ولا عادي؟ يعني ماراح الاحظ أي شيء وكأني اسوق دفع أمامي؟
سؤال ثالث....
طيب وش الأفضل الدفع الخلفي ولا الأمامي اذا كان جوابكم للسؤال السابق الدفع الرباعي أفضل منهم كلهم؟
سؤال رابع....
الحين دايم اشوف الناس يقولون اذا كانت السيارة مثلاً دفع أمامي تكون الكفرات جديدة وزينه اللي هي اللي قدام واذا كان الدفع خلفي يقولون العكس....هل افهم من هالشيء إن اذا كانت السيارة دفع رباعي مستمر لازم تحافظ على كل الكفرات؟ او بتعبير أفضل لو انفجر عليك كفر وأنت تمشي 120 (لاسمح الله) ممكن يسبب كارثة ...؟
سؤال خامس...
لا عاد خلاص امزح معكم :)
أنتظر تعليقكم على الموضوع!
ملاحظة: مدري ليه اخترت القسم الأسيوي للموضوع، بس احس انه الأفضل بهالأمور :)
تحياتي للجميع،
ومن العايدين،
