رسالة مني لكل الحاقدين

|10| 2300 ريال بس حق كراسي جير ........

تدري لو انا مكان الوالد ..... والله ثم والله اني ما أدفع 2300 ريال حق كراسي ومكينه .........
والله Click واحد في الانترنت واحصل كراسي جير ومكينه حق Spoon بأقل من 600 ريال مع الشحن ..... هذا وماركته Spoon واللي هو مال سباقات ..... حق الوكاله مايزيد عن 200 ريال .............

الصراحه والله نصب ..... شنهو 2300 ريال على حديتين ! ياخي انت كيف خليت ابوك يدفع هالمبلغ وانت فاهم في السيارات ماشالله عليك ؟؟؟

اولا :
الف شكر للجميع على المشاركة في هذا الموضوع

ثانيا:
قد تبين لي والحمد لله ان جميع الردود كل كاتبيها اجمعو على راي واحد هو: ان لكل شخص ذوق وله مايحب ويهواه وهو حق من ابسط حقوقه لكن بشرط الايسيئ للشئ الذي لايهواه والا يحاول اقناع الطرف الاخر بمايحب
وهاذا الش لاحظت انكم جميعا اتفقتوا فيه وهو الصواب

ثالثا:
حول اغلاق الموضوع فانا ذكرت من البداية الانقع فيما حذرت منه حيث اني ذكرت ان لا يكون الموضوع مجرد مفاضلة اوتعصب ولكن نقاش يئودي الى حل لهذة المشكلة

رابعا:
المنتدى الذي ذكرت لا اريد تحديد اسمه ليس عن شئ ولكن لا اريد اثارة اي مشاكل مع اي منتدى اخر ولكني ذكرت ذلك المنتدى لتفشي ظاهرة التعصب فيه بشكل ملفت للانتباه

خامسا :
احب ان ابين لكم وجهة نظري حيال هذا الموضوع انا محب لبعض السيارات الامريكية وليس كلها ولكني ايضا احب بعض السيارات الكورية واليابانية واغلب السيارات الاوربية
فليس بمعنى كلامي هذا انني متحيز للامريكي او غيره

سادسا:
اسال الله العلي العظيم ان يوفقنا واياكم لما يحبه ويرضاه والا يجعل مثل هذة الاشياء التافة تشغلنا عن طاعته او تكون سبب في العداوة بيننا

الشركات اتصنع وأحنا نبتلش

reema : ممكن رايج في الموضوع يعني ، لأن كلامج ما بيخفف شي للأسف :D :D


ghanim15 : مافيه هوشة = تعبير عن الرئي = حرية رأي = موضوع مفتوح

اذا قفلت الموضوع

انا واحد متعصب الى الأمريكي = أناني = شايف حالي = على بالي محد قديى و مدري ايش و ما يستاهل أحد يعطيني وجه

انا عارف الشغلة فخلهم يتهاوشون أول ما دام انتو تبغون الدمقراطية ماني متكلم


الموضوع مفتوح للفادئدة يعني مثلاُ ثعبان فورد على بالي ان ماله دخل بشي و كله سكيتي و أحين طلع أن عنده خبرة :D


توني بجيب سيارة الوالد هوندا اوديسي 2002 الا قاعد يقول لي بكرة استلم و بيزيد المبلغ 2300 ريال

ليش ؟

كراسي القير و المكينة كلهم متكسرين و قيمتهم 2300 ريال

كراسي المكاين اللي بدلتهم :

الموستنج 1990 الواحد بـ 35ريال
البي ام 1994 الواحد بـ 55 ريال
المرسديس 1991 الواحد بـ 150 ريال

هذي اسعار قطع الغيار الأصلية

وين اللي يقول لي الأمريكي غلي ولا يشافو قطع غياره ؟؟

اسمحو لي مانا ذاكر أسامي لاكنه غلطان 100%


تحياتي ،،،

اهلا اخوي غانم

الموضوع لازم ينغلق لكن عاطينه مهله يمكن ما يصير فيه شي

تحياتي

Hold your horse!
متى نبعد عن الجدل البيزنطي بس! والمشكلة شحن بدون فايدة. الرجاء إقفال الموضوع من المشرفين.

بعدكم تتناقرون؟؟؟:p



اوكي انا حاط عيوني على ها الموضوع ارجوكم لا تقولون كلام كبير

وايد مشاركات حررها فيصل سبورت


تحياتي...

المفروض أن
(الاختلاف في الرأي .... لا يفسد للود قضية )
وهنا في المنتدى ..
الكل يدلي بدلوه ويبدي رأيه
وتبادل الآراء والمنافع
هو هدفنا هنا يا شباب


مع التحية والتقدير لكل متحدث غير متعصب :)

الراحه ........


يعني الفورد اكثر من هل راحه ما فيه ... و الكلايسلر C300 فخامه و قوه ومريييح حيل ..


يعني شنو ما فيه راحه ..


ولا تنسي جودته روعه روعه .

وهذا المطلوب|1| وهذا اللي الواحد يتمنى يشتريه من دنيا النكد :)

نعم ما أحد اجبر أحد انه يحب سيارة أو شركة معينة

لكن اللي ما يحب سيارات معينة رجاء لا يستفز ولا يطتب كلمات غير مقبولة عن تلك السيارات

خلاص ما عجبك الشي لا تعلق


وأخيرا وجهة نظري اللي يسب في الأمريكي ويكرهه رأيي انه غلطان

فكما تطور الياباني والكوري كثيرا تطور الأمريكي أكثر وأكثر وأكثر

والبنسبة لي أنا ما آخد بآراء أعضاء منتدى السيارات في أي شئ يتعلق في المفاضلة بين سيارات
للأسف أقولها الأعضاء ما أثق في مشورتهم فيما يتعلق بالسيارات نفسها إلا من رحم ربي وهم قلة

وأنا الحقيقة اتأسف لما أشوف عضو جاي يسأل الأعضاء مشورتهم ويغرروا به ويرشدوه إلى السيارة الأقل
فقط لأنهم يكرهوا الأمريكي بدون سبب واضح


تحياتي

وش تبغى أكثر من الراحة مع القوة

MONDEO_05
الفاروق
اي خراب الله يهديك وحدد عن اي سيارة تتكلم الياباني اش فية فخامةهيكل ورق باستثناء اللكزس والإنفينتي

وإثنينهم قطعهم ناااااااااااار ... السيارات ألأمريكية من 94ـ2000 نزلت مواصفات وأنظمة

وفخامةوقوة وراحة وجودة ماشفناها في السيارت اليابانية إلى من 2003 ومستعد أعطيك أمثلة.

الفاروق

جربت أمريكي عشان تحكم من عندك والمراكز المتخصصة هذا فخر للسيارات الأمريكية

لأ مو اي واحد يشتغلها لاكن الياباني مافيه أنظمة زي الأمريكي (تعد القطع داخل الكبوت) عشان كيذا

اي واحد يشتغلها... وتجربة 25 سنة ...لاتعليق

ترى ياجماعة الخير نتكلم من واقع تجربة عشرة عمر مع الأمريكي:
3 جراند ماركيز إثنين 97 واحد 98 و2تاون كارل98و2000كارتير
1كراون فيكتوريا 94 واحد كابرس 2006 V6 المجموع 7

فية بعض السلبيات البسيطة لاكن والله العظيم مو على قد كلام البعض منكم
إجابياته جامعه مابين الجودة والراحة معأ ابغى أقولكم على قصة يمكن البعض مايصدقها
لاكن هذي حصلت لقريب لي طلع ماركيز 97 وكالة ماغير البواجي إلا مرة وحدة وعدت عليها 5 سنين
واعطى السيارة أخوة سافر فيها في نص المسافة السيارة قامت تقطع أول ماوصل وداها ورشة
وشافها المهندس قاله متى اخر مرة غيرت البواجي قال مادري هذي سيارة أخوي قاله بالله اتصل علية
واسألة قاله اخوة غيرتها قبل 5 سنين تقريباً :eek: البواجي بالقوة فكها المهندس

لو ابتكلم عن سلبيات الياباني لأسردلك شي ماتصدقة ياخي يكفي (دفع أمامي) وجاي تتكلم على الأمريكي

نسيتو عمايل الموستنج القديم في تلك السنين و الكمارو ايضاً
ياخي أتعصب لسيارتك لاكن لاتسب سيارت غيرك

أرجو أن ماأحد يزعل مني |3|

بخصوص كاتب الموضوع تظل السيارات الامريكيه لاتضاهي في نظري من فخامه واقتصاديه الى حد ما ومريحه 00 وهدي اعصابك ترى مايستاهلون تحرق دمك على شانهم000

تحياتي محمد الهاجري000

كلامك حلو أخوي ..

لكن وسع صدرك . :)

وريح بالك ..

الشغلة حديد ماتسوى .. وكل اللي قالوا عنها كلام .. ماراح يزيدها ولا ينقصها .


.................................

أخوي الفاروق .:



أنا ماسقت إلا أمريكي .. وما واجهني منه إلا كل خير .!!

ولا عمري طبيت الورشة . إلا لأشياء أساسية كتغيير فحمات مثلا أو تغيير القطع الإستهلاكية بوجه عام .

السلام عليكم


ولله يا شباب ما ادري اليوم اشفيكم كله مشاحنات ...


يا خوك لمن تقول امريكي ... السيارات الامريكيه اكثر من 70 % تصنع خارج امريكه .... :)


و لمن تقول امريكي ما تقدر تقارن دون مع الشفر مع الفورد ... كل وحده لها طريقتها ...


لمن تقول يابان ما تقدر تحدد و تقارن مثلاً مستوبيشي مع الكزس ؟؟؟


و كل سياره فيها عيوب و فيها مميزات و بشركه نفسها مثل الشفر فيه فرق بين الفئات ...


انا اقول انه الامريكي يجمع نصف من الاقتصاديه و نصف من الفخامه مثلاً


الياباني اقتصادي و الاماني فخامه ..


فلامريكي يطلع اقتصادي علي الاماني و اافخم من الياباني ..

يعني يجمع مميزتين في نفس الوقت .... واخري شئ يرجع لذوق الشخص ....


و شاكر لمروضوعك .

يا اخ ماحد حاقد على السيارات الامريكية
ليش نحقد عليها اصلا
لكن الموضوع و مافيه انها سيارات خرده اللي يشتريها الله يعينة على الوكالات و الورش و الدليل المراكز المتخصصة في صيانة الامريكي فقط لم ارى في حياتي ورشة لصيانة السيارات اليابانية
والكلام هذا اقوله من تجربة طويلة جدا مع السيارات الامريكية لأن الوالد الله يحفظه ماسكة معا امريكي من 25 سنة و انواع المشاكل خاصة في الكهرباء

فأنت لا تزعل نفسك عشان حاجة ما تستاهل و يعلم الله ان السيارات الامريكية لها مكانة كبيرة عندي لكن الواقع يفرض نفسة و دمتم

تحياتي

دام كل واحد راضي بسيارته فايش المشكلة

مرحبا بالغالي

أخوي مهما كانت الأسباب ما في داعي تذكر مثل كلمة وقح على منتدى أو أشخاص معينين حتى لو كانوا على خطأ لأن الموضوع عبارة عن حديد في حديد وما يستاهل كل هالسب

و بعضهم له رأيه فأنت ما تقدر تتحكم في جميع أراء غيرك فأنا مثلاً أعشق الأميركي لكن أغلب ربعي هم يمكن تعجبهم الراحة بالأمريكي لكن يرون إن المميزات اليابانية والأسترالية وغيره أفضل منها كل واحد وكل واحد ورأيه

أنا حقيقة يعجبني الأمريكي في كل حاجة لكن فيه بعض العيوب يمكن تكره الناس فيه مثل الصرفية ما فيه خيارات كثيرة مثل الشاشات وغيره قطع غياره غالية وغير متوفرة وغالي سعره

مع ذلك أنا شخصياً أشوف مميزاته أكثر من العيوب لكن غيري له نظرة غير .........

أنا أحب أبينلك هالأمر لا أكثر ويا هلا بك

ياخي شوقتونا عن اي منتدى تتكلمون :)