غيرت بطارية الكامري قفلت الكهرباء

[صريع الكامري]

الإخوة الأعزاء في منتدى السيارات

السلام عليكم ورحمة الله وبركاته

إخوتي حدث شيء غريب اليوم حاولت تغيير البطارية وهو أمر سهل

المهم السيارة كامري 2005 بعد ماركبت البطارية الجديدة لم تصل الكهرباء إلى السيارة

كلمت الوكالة قالوا رجع البطارية القديمة وشغل رجعتها أصبح لايتحرك في السيارة شيء

مع العلم أن البطارية الجديدة نفس قوة بطاريتها الأصلية لكنها لا تعبأ

أفيدوني جزاكم الله خيرًا

[بنز-وبس]

مستحيل يكون خراب في دينمو الشارج لنه السيارة جديده
تاكد اخوي ان البطاريه مركبها عدل
لنه ماتوقع الامر يخرج عن هالحاجتين اما البطاريه او دينمو الشارج والثاني مستبعد
اذا كان في شي اخر انشالله نسمع اراء الاخرين..
تحياتي

[صريع الكامري]

الله يجزاك خير أخوي بنز وبس ماقصرت

بس أخوي المشكلة إن البطارية الأولى كانت شغالة بس أنا زيادة في الحرص ولأني على سفر وحالتها تعبانة غيرتها

وغيرتها مزبوط ( ماهي أول مرة أغير بطارية ) لكن اللي حيرني اتصال الوكالة

مشكووووووور أخوي والله يعطيك العافية

[سراب الود]

اخوي العزيز طيب حاول تسوي لها اشتراك مع سياره ثانيه .اذا كانت السياره قير اوتو
اما اذا كانت قير عادي انتش السياره .
على العموم اذا اشتغلت السياره حاول انك تاخذ عليها كم مشوار يعني امش عليها اكثر من 10 دقايق
وبعدينطف السياره وحاول تشغلها مره ثانيه
والله يكون في عونك
اخوك
سراب الود

[صريع الكامري]

سراب الود الله يجزاك بالخير أخوي

الاشتراك حاولت لكن ما فيه أي إشارة تدل على وصول كهرباء للسيارة

حتى لمبة السيكورتي ما تشتغل

أنا أشك إنه ممن فيوز قاطع الكهرباء عشان الكمبيوتر حق السياره

إذا ماراح فيها الكمبيوتر

الله يستر ويجزاكم الخير أخواني

[مجداف]

مع واحد من الشباب كامري عنده مشاكل واجد بالكهرب الكشافات ماتشتغل وعلبة الفيوز اللي تحت الدركسون فيها مشاكل لدرجة أن مؤشر ضغط المكينة يوقف أحياناً وهو يمشي وغذا ضرب علبة الفيوز بيدة رجع أشتغل !!!!!
الله يكون بعونك وماتطلع المشكلة كبيرة وتوقف عند فيوز وخلافه .
أتمنى تلقى حل من الأخوة

[M O A Y A D]

شوف اخوي خذ ماحصل لي مع اكورد 2004 قبل 6 شهور


البطاريه كانت تعبانه وكل يوم ودي اغيرها ومتكاسل والسياراه تشتغل بالقوة


المهم بجنبنا محل يبيع بطاريات قلتلو عطنا بطاريه نركبها على السيارة قال جيب السياراه قلتله السياراه ماتشتغل خلاص


قال حاول تشغلها باشتراك


وشغلناها


ووديتها عنده خلى السياراه شغالة وفك البطارية والسياره شغاله وركب الجديدة


قلتله ليش ؟؟؟؟؟؟؟؟؟؟

قال لان لو فكيت البطارية وغيرتها والسياره مطفية الكمبيوتر حف السياراه بــ يطفي وتفكة في الشركة بــ 500 ريال


لكن كذا الكمبيوتر مايطفي




وقلتله جزاك الله خير


يمكن هذا اللي حصل عندك

والله اعلم ....

[صريع الكامري]

أخوي مجداف الله يجزاك خير ومشكووووووور على مرورك

أخوي ميدو مشاكل

كلامك هو الصح اليوم الصبح جبت اثنين كهربائية

واحد قال مافيه معلوم

والثاني قال الكمبيوتر يحتاج إعادة برمجة

عند الشركه بــ 2500 ريال

أما هو فقال يدك على 500 وأصلحها اليوم العصر إن شاء الله نشوف وش آخرتها

الله يجزاكم بالخير أخواني على اهتمامكم

ونصيحة لأصحاب السيارات الجديدة أي مشكلة أو تغيير لابد من استشارة متخصص إما الشركة أو خبير

وهذه إحدى صور الاحتكار

مشكووووووووووووووورين