هل لديك خبرة في السيارات اليابانية الواردة من أمريكا ... إذن تفضل بالدخول

أنا أقلك أخوي ..
لو جيت تبي تعد عدد الكامريات الأمريكية النظيفة اللي في مكة فقط .. ما راح تقدر تعدها من كثرتها
لدرجة إن صرت أحس إنها أكثر من الكامري السعودية ..لأني من سكان مكة :D
وأغلبها الصلاة على النبي نظيفة ما شاء الله ..
وقطع الغيار زي السعودية ما تختلف أو إذا حبيت تتأكد تروح للشركة وتطلب القطعة برقم الشاص .. ويجيبوها لك ..
وبعدين أهل الخبرة ما يكفي .. لازم تفحصها عند مهندس فحص بالكمبيوتر يشبك الأسلاك وجربها ويقلك النتيجة ..
وإذا انت بتشتريها من معارض جدة ..
فيه مهندس هناك فنان فحصت عنده سيارتين وبصراحة 100% ..
خلي مدخل معارض السيارات الأمريكية على يدك اليمين وأمشي شوية قدام تحصله على يمينك ..

أهم الأشياء اللي تهتم بفحصها انت شخصياً ..
تشيك على صوت السيارة ..
تشوف السيارة تهتز كثير وهي واقفة أو لا
تحط يدك في شكمان السيارة وتشوف إذا في سواد أو لا وتشوف إذا السيارة تدخن دخان أسود ..
تشيك على كل الزيوت وتشوف في تهريب أو لا
وأنا ما أنصحك بسيارة مسمكرة لأنه في سيارات كثير ونظاف .. يعني لا تستعجل ..

وباقي الأشياء المهمة تلقاها في موضوعي اللي بالتوقيع لشراء سيارة مستعملة وتراه موضوع مهم ..

وأخيراً وليس آخراً أعتقد إنك ما دخلت موضوعي وشفت سيارتي الكامري فأتمنى منك تشوفها ..

جزى الله الجميع خير الجزاء على هذا التفاعل الرائع ...

وأنا عندي سؤال مهم بالنسبة للديكور الداخلي للكامري هل هو غالي ... لأن الديكور بتاع الكامري اللي كلمتكم عنها شوي رديء يحتاج بعض التعديلات !!؟

انا صديقي يمتلك زيها وله الان اربع سنوات والسيارة ما طلبت اي شي ومع انه عنده زريبة في الخمرة وكل يوم رايح الزريبة في خط جلد

مسكين سوابها حادث قبل فترة وباعها تشليح ورجع اشترى نفس السيارة لكن موديل اجدد

لها قطع غيار حتى صدامها الي مايشبه للكامريات السعوديه فيه موجود منه

وشكرا

محمد ...

اكيد لاخ سوبرا .. عارف اذا متوفره اولا.. بس اعتقد انها متوفره

أشكر الجميع على مشاركتهم وتفاعلهم البناء ...

ولكن ياجماعة الخير القير والماكينة ماشاء الله ولاعليها كلام ومفحوصة من أهل الخبرة ...

أنا سؤالي فقط هل قطع غيارها متوفرة ولا ... لا ... وهل استخدامها طيب !!!؟ لأنه المعروف إنه الكامريات القديمة تتحمل وصبورة بالمرررررة .... هذا اللي أعرفه واللي يعرف معلومات أكثر يفيدنا ...!!!؟

يا خوي سوبرا لي معروف انه الوارد ..
حرارة المحرك فيه ترتفع.. هذا لي كيثر من الشباب يعرفه .. اما اذا هذا الشئ غير موجود.. فهذا شئ طيب ...
وبالنسبه للسيارات المستعمله الحظ يلعب دور والخبره بعد..

ههههههههههههههههههههه:D

يا شباب لاتلخبطوا الأمور ..

كله الكلام هذا غلط في غلط ..

غالبية السيارات الواردة نظيفة إلا القليل منها اللي تورط فيها أخو السفير ..
وبعدين من قال مالها قطع غيار !!
لها قطع غيار في جدة جنب المعارض ونفس الوكيل تلقاها عنده وأصلاً هي تشابه الكامري الخليجية واللكزس ES
وأتمنى من الشباب اللي ما جربوا السيارة لا يتكلموا فيها ..
عيبها الوحيد في نظر الناس إنها جير أوتو .. والأوتو ماله قيمة عند القدامى ...
وأنا أنصحك فيها بعدما تفحصها بالكمبيوتر فحص كامل (يستحسن واحد فاهم) ..
ولمعلوميتك أنا أمتلك واحدة وابن خالتي يمتلك ثانية ..
حقتي ما صار لها غير أربعة شهور أو أقل .. وما احتاجت قطع غيار ولا شيء .. ماشاء الله ..
وحقت ولد خالتي صار لها سنتين أو أكثر وما احتاجت قطع غيار ولله الحمد .. ماشاء الله ..
أهم شيء تكون السيارة نظيفة وما فيها مشاكل ..
لأنه أغلب اللي تورطوا ما سووا لها فحص ..

أتمنى إنك تشوف سيارتي .. تدخل على الموضوع اللي في التوقيع .. اضغط على الصورة ..

نصيحة أخ لأخوه

لا تآخذ كامري وارد امريكي

أخوي اشترى كامري وارد امريكي موديل 98 وابتلش فيه

بدلنا المكينة والعكوس والحين السيارة في الورشة يركبوا عليها قير جديد واول ما تطلع علطول الحراج

|1| وانا مع الاخ نواف .. بتبهدل بين الكرجات وقطع الغيار.. غير المواصفات الخليجيه لا تفكر تاخذ لنها بلا:cool: