مرحبا شباب كيفكم وش اخباركم انشالله بخير |3|
انا من زمان وانا كنت افكر اوضب مكينة سيارتي بس قلت خلني اجمع معلومات صور مقاطع فيديو كل شي عن التوضيب ومتطلباته لين ماخذ الخبرة الكافية نظريا وطبقها بعدين عمليا بعد ماتعرفت على اسماء واشكال القطع الي في المكينة وحسيت اني جاهز جبت العدة وجلست افكك في المكينة عشان اوضبها طبعا مثل مانتو عارفين انا جديد على الشغلة وتعتبر هاذي اول مره لي افك مكينة المهم بعد ماجلست اشتغل على المكينة افكك فيها لين طلعتها كلها حسيت اني توهقت (( لاحد يقولي ودها ورشة )) انه ماني عارف وش اغير من قطع تحتاج تغيير طبعا مثل ماهو معروف اذا فيكت المكيننة لازم احط في بالي انه احتاج طقم قازقيت كامل للمكينة كلها طيب وبعدين وش احتاج بعد انا جا في بالي اني اغير شنابر البساتن بس مع اللقافة اكتشفت انه ماقدر اسويها انا لأنه البستن لو طلعته ماراح اقدر اركبه لأنه على ماسمعت له وازنية معينه من ناحية طلوع البستن ونزوله ويمكن يخرب علي الدنيا كلها الي انا اشتغلت عليها.
طبعا من الأسباب الي خلتني افكر اني اوضب المكينة هي :
1- ذكرت لكم من قبل انه لما امشي في السيارة على سرعة 140 الزيت يطلع من معيار الزيت ويطلع بعد من مكان ماتعبي زيت المكينة في شباب من نفس المنتدى قالو لي يمكن من فلتر الزيت غيره بس مافي فايدة وبعضهم قال يمكن من طرمبة الزيت ونفس المشكلة مافيها شي والاخير قالي المكينة يبغى لها توضيب .
2- عزم السيارة طايح مررره ماتمشي لدرجة انه هونداي اكسنت تقدم علي والله قهر
3- ارتفاع حرارة المكينة مع العلم انه الرديتر سليم ومافيه اي مشكلة
4- صوت طقطة بلوف ولما فكيت راس المكينة اكتشفت انه البلوف اثنين منهم البلوط حقتهم راخيه على الاخر
5- كان اول يطلع دخان اسود بعدها بكم يوم صار ابيض
6- لما فكيت راس المكينة فوق على البستن فيه مثل الرماد اسود محترق
اتوقع انه هاذي اسباب كافية تخليني افكر اوضب المكينة بس السؤال الحين بالنسبة للبساتن هل اغيرها اسوي خراطه يعني لسلندر او اركب شنابر على نفس البساتن القديمة وكيف احكم عليها اذا تحتاج تغيير ولا لأ . ولو فكرت اني اغيرها هل احصل على شي يكون قوي لأنه بركب تيربو على السيارة اخاف اركب نوع عادي ويخترب علي عشان مايتحمل وهل هي تجي ماركات ووين احصلها وكم تكلف
اخر سؤال بغير الانجكترات سئلت عنها في الوكالة وقالو لي سعر الواحد بــ 250 ريال ولما جلست ادور في النت على شي افضل منها حصلت سعر الواحد بــ 35 دولار مع العلم انه نوعه Accel وارخص من الوكالة هل هذا نوع تمام ولا في احسن منه .
مع العلم انه السيارة نوعها Gmc Typhoon موديل 93 6سلندر سعة المكينة 4.3
اسف على الاطالة وشرح المفصل بس محتاج من يساعدني لأنه شي صعب علي وانشالله انكم ماتبخلون علينا بالمعلومات الي عندكم
