اي خبير في توضيب المكاين يمر علينا هنا

اهلين اخواني امس نزلت ميكنة السيارة وفكينا كم قطعه منها الي حصل معاي انه السلندر في عدد اثنين منهم متموج من داخل بشكل بسيط والبساتن فوقها وصخ اسود كثيرررررر والميكانيكي الي جبته له 20 سنه في الميكانيكا يقول لازم تخرط السلندر اذا تبي الشغل مضبوط انا ماعندي مشكلة مع الخرط ،
المشكلة انه ابغى الحين بساتن تتحمل ضغط هل احصلها في نفس المحل الي قلت عليه باعاصم وهل تعرف السعر التقريبي
وعلى كلام الميكانيكي الي عندي يقولي انه اذا بتركب تيربو لازم تركبه من البداية عشان البساتن تتعود او تاخذ مجراها مع التيربو مش تستخدم السيارة فترة وبعدين تركب التيربو كذا بتتأثر معاك شوي هل هذا الكلام صحيح

وبالنسبة للتيربو حاليا بركب حق مكينة Rb 25 مؤقتا كيف قوة التيربو هذا مع المكينة الي عندي 4.3 ، ونشالله بعدين راح اركب شي اقوى منه

هل يحتاج اغير اذرعة البساتن لأنه الي عندي سليمة ومافيها شي

واسف على الاطالة

بالنسبه للبساتم ضروري تغيرها ولازم تخرط السلندرما دام الضغط عندك نازل والشنابر بعد اما بالنسبه لسؤالك هل يحتاج البستم وزن لامايحتاج وزن لان العمود هو اللي يوزن البساتم وبالنسبه للبساتم في نوع بساتم فيدرال ممتاز وهو ضغط عالي يتحمل التربو واذا بغيت محل متخصص بقطع غيار توضيب المكاين وباسعار ممتازه عندك باعاصم لقطع التوضيب وعندك بعد محل العطاس لقطع التوضيب بالنسبه لباعاصم شارع الملك سعود تخلي وكالة تويوتا على يمينك وتتعدى الاشارة اول لفه يمين يجيلك المحل على يسارك وبالنسبه للعطاس بداية شارع الملك سعود جهة الخضريه بعد الاشارة على اليمين انتبه لازم توزن عمود الكرنك مع عمود الكامات وتربطهم بالجنزير واتمنى لك التوفيق في تجربتك .

--------------------------------------------------------------------------------

ناطرك ... انشاء الله يصير كل خير .
__________________

:)

ماقصرت اخوي المهندس انشالله بغير الشنابر وبقولك وش يصير معاي

كلامك صحيح اذا الضغط نزل فهذا يدل علي انه الشنابر راحين فيها و درجه الخلوص زادت .


يو مات انك تغير :) .


وورد حق اي ورشه قوله ابي امسح البساتن عاد اشلون انا ما جربت هذي :) .




اخوي شوف اذا تبي تركب تربو نفي الوكاله ما في اي مشكله ... اذا تبي تركب PSI اعلي عيني 17 او 20

لازم تغير و تنزل الكمبرشن كما قلت سابقا ً .



و الله يوفقك و اذا تبي اي شي انا حاظر .

مشكووووووور اخوي المهندس بس اول ماقريت ردك انك في مأزق حسيت اني توهقت بس اشوى هانت لما قريت الباقي :d البساتن لسه ماطلعتها من محلها وعامود الكامات لسه مافكيته اما بالنسبة لشنابر يمكن نسيت اذكر الشي هذا انا انه من قبل سويت فحص لسيارة بالكمبيوتر ومن ضمن الشغلات اللي طلعت في الفحص انه ضغط المكينة نازل (( لو كمبرشن )) هل هذا يدل انه اغير شنابر الضغط نفس الي قلت عليها بس ؟

ولازم تمسح الراس يعني اوديه المخرطه واقوله يسوي له مسح وش بيسوي هو لما يسوي مسح هل هي تسويه لراس مثلا ؟

وبالنسبة لتيربو السيارة تجي شد بلدها تيربو بس مشيول منها !

ومشكوووووور مره ثانيه على مرورك الحلو الي حمسني على الشغل زيادة



الله يعافيك اخوي البناوي ونشالله لو صرت ميكانيكي (( ايه كثر منها :D )) بعطيك نص سعر السوق
والله يوفق الجميع انشالله

الله يعطيكم العافيه يا اخوان الميكانيكيين او من لديه خبره شجعوا خوينا على انهاء توضيب سيارته لعله ان شاء الله مستقبلا يصبح ميكانيكي ماهر ( بس يراعينا في الاسعار اذا جيناه بعدين نصلح سيارتنا ) اتمنى لك اخي toto662 كل التوفيق .

مثل ما قلت في الموضوع الاخر


عليكم السلام ...


حبيت اقول انك في مأزق اعذرني بس ..


بس علي فكره الاكرنك ما يحتاج وزنيه ... انما التوقيتات يبيلها وزنيه الي هو عامود الكامات ...


لازم كنت من الاول اتحط خط احمر علي التوقيتات علي شان تعرف علامه الترابط .


و الحين لازم تبدل الشنابر بس مو كلهم مال الضغط فقط ...


و لازم تمسح الراس .


انا الدخان الاسود الي يطلع فهذا غالباً يكون من ربلات الصباب ....


و الرماد الاسود هذا لانه السياره قديمه و هذا عادي .....


اما الدخان الابيض و هذا ان دل دل علي انه البانزين زائد في البستن يعني لازم عيار الكابريتر اذا كابريتر .


و البساتن تحتاج تغير اذا كان متواكل او ذايب اعتقد انه الحين ما وصلت الي هذه الحاله


و اذا انت مفكر في تركيب غاز او تيربو او سوبر يعني لازم تغير البساتن و تحط بساتن ذات الكمبرشن المنخفض .


و ما يحتاج تركب بخاخات الانه لمن تركب تيربو مع الكت راح يجي بخاخات


و الله يعينك علي التركيب .


و اذا تبي اي شئ انا حاظر .

مشكووووووووور اخوي ساري وماقصرت بصراحة الورش ذبحتني اروح لهم اليوم بكره ارجع لهم ثاني مره شغلهم تعبان عشان كذا قلت ابشتغل على السيارة والى حد الحين اشوف انه كل شي سهل مافي صعوبة بس شوية تركيز واكثر القطع ماتركب الا في محلها واكيد من الشغل الي سويته ابي اكتسب الخبرة بس السؤال كيف اقدر احدد اذا احتاج اغير بساتن ولو ماحتاج اني اغيره وش رايك اغير الشنابر مره وحده مادام اني فكيت كل شي ؟