صراحة كنت اتمشي في ابوظبي وخاطر في بالي استاجر مرسيدس 320 اس الشكل الجديد موديل 2002
لاني صراحة ناوي اشتري واحد بس متردد لان سمعت اعطاله كثيرة وقطع غيارة نار شوي
فذهبت الي احد محلات تاجير السيارات في ابوظبي ووقفت الكزس في الباركنج وذهبت الي المحل
وخذيت مرسيدس بودمعة او فياجرا مثل ما يقولون في السعودية
طبعا خلصت الاجراءات في المحل وخذو جواز سفري
ووقعت علي التامين مال السيارة
خذيت مفتاح السيارة وشغلتها صراحة حسيت بالفخامة عند جلوسي في مقصورتها
شغلتها طبعا وكان تانكي البترول مفضي علي الاخر
عبيت في محطت البترول بخمسين درهم نص تانكي طبعا
خذيت فيها لفه شوي علي الكورنيش
صراحة جميلة وحلوة ومريحة احسن من اللكزس طبعا
مريت علي رفيجي ورحنا كوفي شوب
رفيجي اول مرة يركب الفياجرا
وتمشينا شوي فيها وثاني يوم طلعت مع صديق لي ثاني
وعطيته دور في السيارة ودعسنها دعس علي كيفك
حلوة ما عليها كلام
لكن هناك بعض السلبيات في السيارة
1- مكيف السيارة لا يبرد مطول علي الاخر البرودة موب وايد
2- السيارة تصرف بترول وايد خلال يوم عبيتها في 70 درهم وما راحت في مشاوير وايد
اكثر سرعة دعست فيها 140
3 يوم اسرع وايد احس بصوت الهواء برا العازلية ضعيفة شوي
4- السيارة ما فيها شفط ابواب
5-ما فيها تلفزيون
6 - الجلوس في كرسي السايق شوي متعب الكرسي
7 حامل الاكواب علي يمين السايق ضيق وصعب استخدمه
8البلاستيك الداخلي في الطبلون يطلع صوت طقطقة خفبفه في المطبات
اخيرا السيارة فخمة حلوة وايد
الايجابيات
1 الدركسون او المقود حلو ومرن وسهل لما تلف تحس بنعومة عند اللفة
في هيدوليك رفع السيارة او تنزيل
الشكل الحلوو
ستارة وري كهرباية
التحكم في الردايو من خلال المقود
في حساسات قدام وري
السيارة خليجية شورت موب طويلة
موديل 2002
ماشية 160 الف
اخيرا المكتب خذي مني 500 درهم
عن يومين اجار لكل يوم 250 ريال
خذيت جوازي وركبت حبيبتي الكزس ورجعت للبيت
