انصدمت وهج.. فزعتكم ابعدل بدون سمكرة

اخوي بالنسبه للتعديل بدون سمكره ما ينفع لان الكبوت مثل ما قلت لك من قبل مو سميك مثل اجزاء السياره الاخرا راح يبين فيه التعديل واي واحد يشوفه راح يعرف انه معدل ويشوه شكل السياره ومثل ما قالك اخوي فيصل اذا ما قدروا يعدلونه مالك الا التشليح ...

ثاني شي خوي اذا انت ناوي تستخدم السياره لعدة سنوات ما راح يضره السمكره البسيطه اللي تصير انت بصراحه مكبر الموضوع وشو يعني دقه بسيطه وتسمكرت
اذا تصلحت عند ورشه معروفه وشغلها زين خلاص ماراح يبين ...

قبل ست سنوات طلعت لاندكروزر VX-R جديد من الوكاله والله استلمته يوم الاربعاء وصار لي حادث يوم الجمعه الوجهيه كلها راحت شبك على كبوت على صدام كل شي راح بس الحمد لله ما وصلت للمكينه او الرديتر ووديتها الوكاله وغيرت وعدلت وصلحت وبعدها استخدمت الموتر اربع سنوات ولا هو باين فيه اي شي الحمد لله ....

روح أسأل في الوكاله كم قيمة الكبوت الحديد قبل تروح للتشليح يمكن يكون قيمته مناسبه لك وتاخذ كبوت جديد وكاله وتريح راسك ... مع ان نصيحتي لك عدله في مكان معروف وماراح يبين فيه شي ان شاء الله ....

الله يكتب لك اللي فيه الخير ..

حياك الله يالضايع


بالنسبة للورشة هي ورشة الحسون في عنيزة ومعروفة

وبما انك في القصيم معناته انها قريبة لك اذا كنت من بريدة ولا من البكيرية ولا رياض الخبراء ولا البدائع ولا الرس ولا قصر بن عقيل ولا الشنانة ولا دخنة


واذا ماقدرو يصلحونها لك مالك الا التشليح وبس (تويوتا وبس)

مشكورين

اخوي عاشق الالماني ..

على ايديك ممكن تنشفط تتوقع ؟؟ وين تنصحن اروح ؟ لانه بصراحه مضيقه صدري

مخربها ..

ليه الشفط ما ينفع بالكبوت ؟؟ قول غيرها تكفى

انا منب من الرياض بس ممكن اجي اذا فيه امل يزينونه
مشكوووور


فيصل سبورت
سيارتي افالون 2006 .. وانا من القصيم يعني على ايديك تكفى نبي نشفطه نعدله اي شي اهم شي بدون رشه بويه .. اسالي اهل الخبره .. ترى اخوك من جنبه بهالامور

الله يسامح الي صدمن ..

الحمد لله على السلامه


ماهو نوع سيارتك لإن بعض السيارات يجي كبوتها المنيوم ولا يصلح

عموما فيه ورشه مشهوره بالتعديلات بدون سمكره وهي في عنيزه ولكن لا اذكر اسمها حاليا واذا اردت اسمها ساسال زميلي فهو يعرفه وفيه حل اخير وهو افضل شي بس اهم شي تلقاء نفس اللون وهو ان تذهب الى التشليح وتشتري واحد شد بلد لكن يوجد مشكله ان اصحاب التشاليح في الغالب لا يبيعون كبوت لحاله بل يبيعون مقدمه كامله او مؤخره كامله على حسب السيارة اللي عنده يعني اذا كانت المقدمة سليمة مايبيعك ابدا كبوت

لذا يجب البحث في التشليح والله يعينك لكن انا اقول ابحث بما انها 2006 ولكن ماهي السيارة حتى نستطيع مساعدتك واين انت بالرياض اما في مدينه اخرى

السلام عليكم ...
اول شي الحمد لله على السلامه .....

ثاني شي بالنسبه للكبوت تراه اخف من اجزاء السياره الثانيه مثل الرفرف الباب لان الكبوت عباره عن غطا يحتاج الواحد ان يلافعه لذالك يكون خفيف مقارنه بالاجزاء الثانيه وتعديله ما ينفع بجهاز الشفط او التعديل بدون سمكره لان التعديل بدون سمكره لانك اذا عدلته بدون سمكره راح يترك اثار على مكان الصدمه ويشوه السياره ...


اذا تبي ارسلتك على واحد اعرفه في صناعية ام الحمام عنده فلبينين ممتازين وان شاء الله يضبطها لك ...

والله يعوضك ان شاء الله ..