بسم الله الرحمن الرحيم
هذه المشكله حيرت كبار مهندسين الصناعيه بما فيهم (الوكاله.)......ولعلي اجد حلها عندكم ايها الاعزاء
السياره :هايلوكس 2002 ..بنزين......بخاخ
1-السياره فيها كتمه والكتمه تجي وتروح ودائما تجي اذا كانت السياره باردة او اذا وقفت من مشوار طويل وبعدين شغلت بعد ربع ساعه ومشيت تجي بعدين تروح او اذا وانتم بكرامه وطيت على مويه في الشارع وركزوا على المويه لأنها بعد المويه علطول تكتم.يعني حتى لو اغسل السياره بستم..
2-اذاشغلتها وهي بارده يكون فيها تفتفه (تقطيع)وينزل عداد دورات المكينه تحت النص واذامشيت تقطع وبعد خمسين متر تصفي طبعا تكون كاتمه زياده على التقطيع.
ملاحظه:تكتم الى ان يصل عداد دورات المكينه الى اربعه وبعدين تنطلق ولا كأن فيها شي
كأني اسحب شي ثقيل وفجأه يروح
*غيرت البواجي والاسلاك وصفاي البنزين وفلتر الهواء ومافاد بشي.
*نظفت تانكي البنزين ونظفت الطرمبه ومافاد بشي.
*فحصت كمبيوتر وقالو مافيها شي (واتوقع حقين فحص الكمبيوتر ما عندهم سالفه)
وترا فيه اضافه على المكينه وهي هدرز وماصوره 2بوصه الى الكنداسه .
والكنداسه شد بلد.واتوقع ان الهدرز يفيد السياره ما يضرها
الي فاقع مخي ان المشكله تجي وتروح وماودي الصراحه ازعل وابيع الهلي لاني احبها
ارجو من الله ثم منكم ان تجدون حلا لهذه المشكله ولكم مني جزيل الشكر
