هادي قصتي في يوم العرس
عــــــــرس GTS_R((يعني عرسي))
كيفكم مراح أطوول عليكم
ابقوول لكم وش صاار في ليلة عرسي
الموااصفاات
الاسم /عليان الدلخ
العمر / منولد في سنة الطفره
الشكل / قزم ودب واقرع و وجهه كله خدوود وماافيه عيون
باختصاار يحووم الكبد
الولد عليان داااشر 24 ساااعه مشااكل وتفحيط وخراابيط
المهم ابوي قرر انه يزوجني يمكن اعقل شوي ؟؟؟؟
ويقووم يخطب لي ابوي بنت عمي حصه !!!
عااد حصه خبله مثلي
المهم يووم جااء العرس ولا انا طاالع مع اخوتي لثماامه نطعس
وابوي يدق عليي
ابوي: الووو عليان وينك؟
انا : هلا والله طالع مع الشبااب لثماامه
ابوي: جعل تطلع رووحك بلاا تعاال اليوم عرسك !!!
انا: طيب العرس في اليل يمديني اعوود المغرب
ابوي: اقوول امش جعلي امشي العصى على ظهرك
انا: طيب خلااص جااي
ويقفل التلفوون
المهم واجي ويلبسوني الخبل كنت نااوي اروح بقميص نوم
المهم ويمسكوني اخواني ويلبسووني ويودوني للقصر
>>>>>>> عليان الا الحين ماادري وش الساالفه ابي اخلص بسرعه عشاان الحق على العياال في الاسترااحه يلعب بلوت
ويدخلووني القصر ويجلسووني في المنصه وانااقول ابي ارووح اجلس عند القهوجيه ابي اتكي معهم واشرب شااهي ( والله منسم مررره)
ويلقطني اخووي ويجلسني على الكرسي
ويجووني النااس يسلموون
المعازيم : مبرووك منك المال ومنهاا العيال
انا : هلا ايه طيب يكوون خير والله ما عندي ولا فلس
( قاايله لكم مووب وجه زوااج)
المهم ويدخلووني على الحريم
يووم دخلت
واناالي افتح كشرتي ( ابتساامه عريضه)
واناظر في ذا البني
المهم يووم طقوو الطقااقاات الا وانا يطمر ايرقص ساامري
ويسحبني ابوي ويقوول اركد لا تفشلنااا
المهم ويجلسني على الكووشه
وتجي وحده ترقص عندي واناالي اضحك عليهاا واقوول اوووووه ماا تعرفين ترقصين ياا الدبه
وانوااع التهزياا المشكله الي ترقص امي مسيكينه تبي تفرح بي ماا درت اني مااستاهل
المهم ويقوومن البني يرقصن عنده وهو ينااظر يقوول عااشو هزي ور ور
الا وابوي يكفخني على جبهتي
انا :طيب خلااص ابنطم
المهم يووم خلصوو وانا اباخذ العرووس ونركب السيااره
المهم ماا دراا الا تقووم حصيصه وتقوول ماابغيناا نطلع اقوول ماا عندك شريط كسراات ( شعبي)
ملينا من ذاا الطقاقات ازعجووني
الا وانا منبسط على حرمتي خبله مثلي
المهم وتقوول لي
حصيصه : عليان ابسالك سؤاال؟
انا: اسالي !!!!!
حصيصه : انت الحين تعرف تفحط ؟؟؟
انا: اكيد انا احسن وااحد يفحط ( مسوي فناان عندهاا وهو ما عندك احد)
حصيصه : والله ورني ابي اشوفك تفحط
انا( توهقت)
انا: خليهاا بعدين مووب اليووم ( يبي يصرف)
حصيصه : افااا شكلك ماا تعرف هههههههههههاي
انا: اوريك من الي ماا يعرف
اناالي الف هذيك الفه وطراااااخ في المااصوره على طوول
والحين حصيصه وانافي الشميسي الدور الاول غرفه 123
قسم الكسوور
الزيااره من 9 الى 12 ظهرا و 5 الى 9 مساء
النهاايه
والحين خلاص عقلت عن هالحركات وصرت اجلس على الكمبيوتر وماسنجرومنتديات ..........
:cool:
