نويت أخذ لي سيارة خلال شهر .. ميزانيتي بحدود الـ 80 - 85 ألف .. شوركم وهداية الله

والله انا من رايي انك تاخذ داخلي بيج احسن لك

واذا كانت مااعجبتك نقشة المخمل خذ جلد لان جلد الوكاله

يكون عازل للحراره يعني مو زي الي يتركب في السوق

وبعدين فيه شي ثاني يفرق مع الجلد الي هو تحكم كهرب في مرتبة السواق

والمخمل يكون بس يرفع المرتبه وينزلها كهرب بس الي ينزل حقت الظهر يدويه

يعني انا انصحك بالجلد خصوصن ان مراتب الهوندا قاسية نعون ما

واتوقع بتتعب منها بعد فتره

واسفين على الاطاله

واي شي ثاني انا حاظر...

أخوي msh3l1 .. ماقصرت والله

اليوم رحت وكالة الهوندا .. وياريت مارحت <<<< شللي صار !؟

يعني بصراحة تغيرت نظرتي للأبد عن الهوندا

السيارة في الفترة الماضية ( السنوات السابقة ) .. كانت رهيبة

ألحين لما شفتها وركبتها .. طلعت روووووعة روووعة

وبخصوص الشكل فعلاً لا تُقارن بالكامري




سعرها مثل ما قلت ( بعض التخفيض اللي حاصل حالياً ) .. بـ 85 جلد .. وبـ 81 مخمل

بعد تفكير .. رسيت على المخمل .. لعدة أسباب ( الجو عندنا .. و فرق السعر ) مع انه أجمل من المخمل

سألت الموظف عن أنوار الضباب ( الكشافات ) .. وقلت له أبغاهم مثل اللي في الكتالوج مو كشافات دائرية ناقصة .. قال لي موجودة .. لكن في نفس الوقت نصحني أركبهم في البحرين .. يقول هناك أرخص

سعرته عن السعر قال لي انهم موجودين عندهم بـ 1500 .. بعدها سألنا موظف ثاني قال عليهم تخفيض .. ألحين صاروا بـ 1100

بحسب كلامك ان الكشافات اللي بالشكل الثاني ما تجي شد بلد .. فهل العملية فيها نصب .. يعني جايبينهم تجاري ويبيعونهم علي وكأنهم شد بلد .. وإلا كيف ؟

مع اني انبسطت واجد .. انحلت مشكلتي الأولى ( بخصوص الكشافات )





عجبني اللون البترولي ( رمادي غامق ) .. لكن واجهتني مشكلة ثانية ... اللون الداخلي ( الكروم أو تشخيبة ) + نقشة المخمل البيج

ألحين مرة ثانية .. شورا علي .. شرايكم .. كروم وإلا تخشيبة ؟

الكروم يجي مع الديكور الرصاصي و الأسود .. وهذا يجي مع لون السيارة الرمادي الغامق

التشخيبة مع الديكور البيج .. ومهذا يجي مع الألوان التالية ( أسود أو كحلي أو لؤلؤي )

ساعات أقول راح أخذ لي الكروم مع الديكور الغامق .. علشان نقشة المخمل الغامق ماهي واضحة واجد مثل البيج .. وفي نفس الوقت يتحمل الأوساخ أكثر .. وأهلي عجبهم الكروم

بس من داخلي أميل للديكور بلون البيج .. لأنه يفتح النفس .. ولكن يعيبه بنظري نقشة المخمل ( نقشمة مخمل هوندا سيتي أفضل من الأكورد ) .. وأيضاً لون تخشبية 2003 بنظري أفضل من لون التخشيبة الحالية



شكراً جزيلاً لكل من تواصل معي في الموضوع وأفادني .. لا عدمناكم

وألف ألف شكر لكل من نصحني الأكورد .. ربي يوفقكم



شرايكم ألحين .. والله محتار ... ديكور غامق مع الكروم ... وإلا ديكور فاتح ( بيج ) مع التخشيبة ؟

الكشافات عندنا ما تجي شد بلد لا 6 سلندر و لا الـ 4

و لها نوعين

واحد موجود بالوكاله كـ اكسسوار بالوكاله بسعر 1200 ريال او حولها .. نفس اللي بالصور





و نوع ثاني عند محلات الزينه

بسعر 350 ريال




و بالنسبه للتخشيبه متوفره في محلات الزينه

و بالتوفيق ان شاء الله

شفت صورة اليوم للهوندا من الداخل عجبتني مرة

شوفوها




من ةين ألقى مثل هالتخشيبة ؟ أحد يدل مكان متخصص في اكسسوارات الهوندا و يضبطها 100% ؟؟

---------------------------


shbehalree7

مشكوور على تواصلك .. راح أمر ثلاث وكالات .. لا .. أربع .. الهوندا و التويوتا و الهيونداي والسوزوكي ( لأني تذكرت جراند فيتارا ) ... أحد جربها أو عنده أي معلومات عنها ؟

الكامري تصميم حلو .... اللون اللي اخوي اخترته الاسود يكفي ان اللون ملكي ..... ومريحه بالسواقه وعمليه

والله ما قصرتوا .. تبيضون الوجه ( هذي دعاية صابون )

يطول لي أعماركم

فعلاً ما خاب من استشار

اللي صار .. اني كنت أميل بنسبة 65% للكامري .. وأمس الأربعاء وأنا في الدوام .. سألت الشباب عن رايهم .. وتفاجأت أن الأغلبية تصر على الأكورد

و اللي شجعني أكثر .. واحد منهم عنده أكورد 2003 ستة سلندر .. يقول لي ( والكلام على لسانه ) ... أنه يغير زيت عند البنجري كل 5 ألآف .. ويوديها الصيانة عند الوكالة كل 10 الآف ( وياخذون في حدود الـ 400 ريال ) عند الصيانة .. ( يعني سعر معقوول جداً جداً .. بل رخيص ) .. وسيارته ماشية في حدود الـ 140 ألف .. و مرة وحده أخذوا عليه 2500 ريال عند الـ 100 ألف كيلو .. لأنهم بدلوا الجنزير ( هذا إسمه وإلا أنا غلطان ؟ )

بعدها تغيرت وجهتي .. وصرت أميل للأكورد بنسبة 70%
وإن شاء الله اليوم راح أمر الوكالة ألقي عليها نظرة مفصلة

بس تبقى عندي مشكلة ( الكشاااافات ) .. ومنقهر بجد من هالحركة البايخة .. يعني يحطو في السيارة فتحات للكشافات ومايحطون فيها الكشافات .. شي يقهر

إذا شفت الوكالة مايركبوا كشافات و بسعر معقول .. فلي كلام ثاني



دحوومي98

والله ما عندي نية للنيسان أو الكابرس .. الشكل ماهو المهم .. أهم شي العملانية .. السيارة إن شاء الله راح تظل معاي أكثر من 10 سنوات



عطاوي المكاوي
>>.. أول صوت لصالح الأكورد ..<<



Night Hawk
جت في بالي اللومينا .. بس فضلت الياباني عليها .. عموما راح أخذ لي نظرة عليها في الوكالة



البروفسيور
>> ثاني صوت لصالح الأكورد <<



msh3l1
>> ثالث صوت للأكورد << .. و ألف شكر لذكرك الأسعار
لكن في حالة غمضت عيني عن الشبك .. فماراح أغمض عيني عن الكشافات ( تهمني جداً ) .. الغريب إني ما شفت إلا سيارة وحده في الشارع مركبة كشافات .. والباقي بدون .. و قد يكون هذا لسببين .. إما أن الكشافات عند الوكالة غالية جداً
( 1500 - 2000 ) علشان كذا ماحد يركبها ... أو أن الكشافات ما تجي إلا في الـ 6 سلندر

بس انت قلت بـ 350 .. من وين ؟ من الوكالة نفسها وإلا من محلات الزينة ؟؟



waze
الكامري الجديدة جميلة جداً .. بس راح تكسر ميزانيتي .. وما دري إذا كنت راح أقدر أصبر وإلا لا



عـاشـق تـويوتـا
ما قصرت ياغالي .. و مايامر عليك عدو
>> رابع صوت للأكورد << و في نفس الوقت >> ثاني صوت للكامري <<



عزوووزي
هذي السيارات بعيده عني شوي
يسلمووا



عاشق ولاكن
ألف شكر يا غالي لتواصلك



سراب الود
والله هالأيام .. كثُر الحديث عن الأزيرا .. وإن شاء الله بعد هالكلام راح أمر الوكالة ألقي عليها نظرة



الملهوف
>> خامس صوت للأكورد << .. وثالث صوت للكامري << .. مع انك رجحت الأكورد



waleed4w
بس من جرب الأزيرا لفترة طويلة .. ؟ وكيف كانت تجربته طوال تلك الفترة ؟ .. المشكلة أنها غير منتشرة بشكل كبير .. ولذلك من وجهة نظري الحكم عليها من خلال تجربة سنة - سنتين - ثلاث لا يعتبر حكم نهائي

و مع ذلك .. هذا ثاني صوت >> للأزيرا << .. >> سادس صوت للأكورد <<



H.Y
ثالث صوت للأزيرا



SOSO2004
رابع صوت للازيرا



بلا حدود
خامس صوت للأزيرا

ما شاء الله صارت تنافس الأكورد و الكامري بشعبيتها



ابو فنه
ماقصرت .. ويعطيك العافية
يطول لي عمرك
لا تحرمنا من تواصلك



محرك
إذا استقريت على الأكورد .. فأظن أني سأتجه فعلاً للأسود
شاكر لك تواصلك
>> سابع صوت للأكورد << .. وسادس صوت للأزيرا


سـsayـيارات
شكراً جزيلاً ياغالي .. ومبروك عليك السيارة .. الله يعطيك خيرها ويكفيك شرها



لا تحرمونا من تواصلكم
:)

اخوي انا توني شاري سيارة وكانت ميزانيتي مثل ميزانيتك تقريبا يعني الى 85الف

المهم اني فكرت ودورت وأخيراً شريت ألتيما 2006 6 سلندر فتحه وزينون قير عادي اللون أســـــــود وماشي فيها الحين حول 5000 والحمدلله معجبتني للصاجه <<< بدا في الكلمات اللي ما تنفهم ، وما شاء الله قوه وثبات وشكل شريتها من الوكالة اللي في أول طريق خريص بسعر 83600 ريال

اللي ما أعجبني فيها ان ما فيها حساسات ومن القهر رحت وركبت فيها حساسات بميتين عند الغرابي والحاجه الثانية ما فيها اشارات على المرايا الجانبية ، وايضا لونها الداخلي رمادي بالنسبة للأسود كان ودي تكون بيج لكني ضحيت بالداخلي من أجل اللون الأســـــود

الخيار اللي كان يزاحمني يوم جيت اشتريها هي الأكورد لكني في النهاية فضلت الألتيما

وشكراااااااااً

إذا تعديت الأكورد لون اسود فأنت غلطان بقووووووه .. والكامري راح تكون غلطة عمر إن شريتها


2- الأزيرا هونداي |1|

الأزيرا ... موديل جديد ...ومواصفات ....وجودة ..... وثبات.... وأمان .....وفخامة..... وراحة..... وقوة..... واقتصاد في استهلاك البنزين .... وراح تمسك سعر بعد ما تثبت وجودها مثل الأكسنت والإنترا .... ويكفي انها هونداي يعني سيارة نظيفة منقاة من العيوب ومدروسة من جميع الجوانب وجودتها عالية

ومو من العدل مقارنتها بالسيارات المذكورة لأنها من فئة أعلى

الكامري: بتتغير بعد 4 الى 5 شهور بالكثير وحرام تشتريها هالوقت والله

الاكورد: بتتغير 2008 وغير كذا بدوا يصدون عنها الناس لكثرتها في الشوارع

السوبارو ليجاسي: عندك السته سلندر قيمتها في الوكاله 93000 وان كانك قدرت تجيبها عن طريق الاداره اكيد بتطلع عليك ارخص.. و بصراحه السياره هذي تحفه لمن يعرفها ويقدرها.. عيبها الوحيد انك اشتر لا تبيع.. يعني لا ترجي من وراها خيرات لو بغيت تبيعها

الازيرا: حلوه وفخمه بس خذها مستعمله افضل لك لان بيطيح من سعرها اقل شي 15 الى 20 الف ريال

الالتيما: نيسان وانت تعرف نيسان وما يحتاج اقول لك.. ديكور الله يكرمك بس وقطع غيار الظاهر انها مصنوعه من الماس على اسعارها

واخيرا.. دراهمك يالغالي بها دور لك على لكزس ES300 موديل 2005 ممشاه في الخمسين ونازل بتلقاه في حدود 85000 ريال

و اهم شي قبل لا تشتري استخر والله يكتب اللي فيه الخير

ملاحظه.. تعليقي على السيارات اعلاه لا تدل على جودة او رداءة السياره وانما تعبر عن راي شخصي فقط لا غير

وانا اضم صوتي للشباب

واقولك ازيرا

جربها وانت راح تعرف

ومبرووك مقدما

ما ازيد على اخوي سراب الود شي كفى ووفئ

مثل ماقال الاخ سراب الود ..

الازيرا احدى افضل الخيارات اللتي تملكها ..

فحجمها وفئتها وفخامتها مقارنة بسعرها تعتبر مكسبا لمن يمتلكها ..

وتأتي في الدرجه الثانيه الاكورد ..

السلام عليكم


اسمع يالحبيب

اذا تبي تشتري راحة بالك فعليك بالكامري



اذا تبي تشتري راحة بالك + فخامه فعليك بالاكورد

اخوي العزيز
سعرك والله يحير وبقوووه
لكن انا اشوووف الازيرا الجديده من هيونداي !!!! سياره خياليه بسعر خيالي !!!!
قبل لا تقوول كوري وما كوري((وكلنا عارفين عن تطووور الجوده في الشركه هذي)) >>>>>انت شف السياره واركبها في الوكاله!!!
مواصفات خياليه+امان+هدوووء وعازوليه الافضل على الاطلاق((ما بالك اخوي اذا كانت السوناتا افضل عازوليه من الاكورد اذا الازيرا كيف)) قوة مكينه 6 سلندر3.3+فخامه عاليه
abs+abd+و6ارباقات+طبعا 6 سيدياتmp3+جلد+جنط18+تخشيبه داخليه وطاره مخشبه+نظام سيطره علىالسياره مدري وش اسمه
+زجاج عازل بنسبة 70%تقريبا+ مثبت سرعه+ تحكم من الطاره+مراتب كهرب+وكثير من المواصفات اللي ما تحظرني الان!!!!!
لكن بجد سياره يجب انها تكوون احد خياراتك وتجمع عنها المعلومات اكثر!! لانها تستحق قيمتها وبجداره!
والسياره باذن الله خاليه من العيوب >>>>ومتعوووب في تطويرها !!!!
عموووما رح للوكاله هيونداي واركبها وصدقني بتنبهر من السياره!!واستفسر عنها اكثر واكثر!!
اسأل عن السياره(( احد جربها فقط او السوناتا)) ؟؟؟!!!
والفل كامل منها قيمته بحدوود80000ريال سعودي!!وللمعلوميه هي فئة اكبر من الاكورد والسوناتا والكامري!!


لاتفوت السياره عليك والله يكون في عونك ويعينك على الحيره اللي بتحوس راسك!!!
والمثل يقوول (((اذا بغيت تحيره خيره)))

واذا كان فيه امكانيه انك تستأجر ازيرا وتجربها يكون افضل
هذا رايي واللي اشووف
تحياتي
اخوك
سراب الود

ياخووووي الشارجر ليش جالس

والله خبل

ام عن الكامري حرام تاخذلك هذا الشكل

الشكل الجديد راح ينزل قريب

والمكس الجديد راح ينزل

انا انصحك انك تنتظر

ومبرووك مقدماٌ

التيما 6 سلندر وانت مرتاح !

الدودج تشارجر الستة سلندر رووووووووعة سعرها في حدود ال81 ألف :)
وبالتوفيق ان شاء الله :)