هلاا والله اخوي خالد
بالنسبه للرياض بصراحه ماادل فيها بس اسمع عن شارع الغرابي
بالنسبه للشرقيه عندك بالدمام محل اسمه (( تزويد ))
وعندك بالخبر تحديدا بالثقبه محل اسمه (( ماكس ))
وعندك في جده بعد ... محل تزويد عندهم فرع بجده اذا حاب اجيب لك
رقمهم تراني حاضر ...
بالنسبه للبواجي عندك ابو راسين NJK سعر البوجي الواحد بـ 25 ريال
يعني الاربعه بيطلع عليك بـ 100 ريال
وبالنسبه للاسلاك 8 انتش امريكي بـ 260 ريال طبعا في 9.5 انتش بعد بس مادري بكم
الفلتر مع البيب برضو بـ 260 .. طبعا يتراوح سعره من فلتر لفلتر
وركب ياخوي منظم كهربا اعتقد اسمه استبلايزر قيمته بـ 350 (( يباني )) في ارخص بس الياباني افضل
هذا وظيفته مثل وظيفه منظم الكهربا حق الكمبيوتر .. طبعا راح يفيدك .. وهو فيه سلكين سالب
وموجب بس انتبه لاتركبهم على شكل حرف X ركبهم متوازين ... وهذا المنظم يطلع منه ثلاث اسلاك
في سلك من هالثلاثه راح يركب بالماكينه ،،
وركب فيولوغريتر << ماني متأكد من اسمه بس وظيفته انه يعطيك ضغط للبنزين 45 لسيارتك
الموستنقات يوصل بـ 90 واحيانا للـ 120
طبعا السيارات العاديه تجيك من الوكاله كحدى اقصى ضغط 25 ...
وهذا سعره تقريبا 300 واشوي
وطبعا لو تركب هيدرز يكون افضل .. سعره جهاز بـ 2000 ريال والتفصيل بـ 800 شفت الفرق
طبعا انا لقيت الجاهز عند ماكس بهالسعر وقالوا لي الربع انه بالبحرين يفصلونه بـ 800
واذا ميزانيتك ماتسمح لاتركب هيدرز ..
انت بكذا دخلت كميه هواء كبيره عن طريق الفلتر والبيب
ودخلت كميه كبيره من البنزين عن طريق الفيولوغريتر << مثل ماقلت لك ماني متأكد من اسمه
وصار عندك ضغط للبنزين والهوا داخل الماكينه
والبوجي بيعطي شراره قويه بمساعدة الوايرات . ونصيحه لاتركب بواجي بدون وايراتها
ووظيفه الهيدرز يطلع كميه كبيره من ناتج ماتم حرقه بداخل الماكينه .
واي استفسار حاضرين
Mr. mOOn
