السلام عليكم ورحمة الله
يمكن كثير منكم يستغرب من سؤالي ويمكن كثيرين يبون يقولون إن الإي اس سيارة كشخة ما يصلح لها التعديل ..
بس في الحقيقة ياشباب ما أدري إذا كنت الوحيد أو فيه غيري يشوف بشكل هالسيارة بإنه شكل رياضي وشبابي جدا :rolleyes:
وبوجهة نظري الشخصية أشوف إن لكزس للأسف هضمت حق هالسيارة وماعطتها قدرها ..
لأنهم كانوا يقدرون يزودون عليها بعض اللمسات اللي تخليها اطلق سيارة سيدان موجودة
وأشوف انه اكثر حق هضموه هو قوة المكينة .. يعني مقارنة بغيرها من السيارات اللي ارخص منها بفرق كبير فإن السيارة تعد ضعيفة جدا ولا تليق قوتها بإسم لكزس
لأنه مثل ما حنا عارفين كل سيارات اللكزس ابتداء من الـ LS ومرورا بال جي اس ... ووقوفا عند الـ is
نشوف إن السيارات كلها بغض النظر عن رفاهيتها العالية تملك مكينة تليق فيها وبمكانتها ((وبسعرها)) ..
ولكن الاي اس من ناحية القوة كأنها كامري مقعدة .... اللهم نظام الـ VVT-i على ما أظن هو اللي مختلف عنها ولا الباقي نفسه بالضبط .. وأنا إلى الآن مافهمت ليش عبد اللطيف جميل ما يجيبها بفئة الـ330 الموجودة بالخارج
كان على الأقل صارت فيها قوة معقولة بالنسبة لها ...
لكن على العموم بعيد عن الفضفضة والكلام اللي ماله معنى :D
حبيت اسئل الشباب اللي هنا اللي فاهمين بالتعديل ... ايش اقدر ازود على سيارتي تزويدات خفيفة بحيث انها ما تأثر على السيارة أو على عمرها بشكل كبير
وأيضا انها ما تغير من صوت المكينة وتخليه صوت قوي جدا أو ملفت لأنه هالشي مايليق بهالسيارة
انا قريت هنا ان الفلتر الرياضي يغير صوت المكينة ويخليه قوي واحيانا ياصل لدرجة الازعاج فهل هالكلام صحيح؟
وايش فيه اشياء ثانية غير الفلتر اقدر اغيره بالسيارة ... بشرط انها تكون تعديلات بسعر معقول يعني من 2000 لـ 3000
وإذا طالت وشمخت 5000 ريال :)
مع العلم إن سيارتي موديل 2005 ماشيه 46 ألف كيلو حتى الحين وللآن ستوك وبقوة بعد يعني ما زودت فيها شي بتاتا اللهم علاقة الريحة اللي على المراية :D ههههههههههههه
وياليت تذكرون التعديلات مع شوية تفصيل لأن صاحبكم عليمي بتعديل السيارات
وبالنسبة للشكل فحبيت اعرف اذا فيه محلات عندنا بالسعودية تبيع تعديلات للسيارة ... يعني لحية وزعانف وجناح وغيره
لكن غير اللي موجود بالوكالة عند عبد اللطيف جميل لأنها بكل صراحة ما دخلت مزاجي بتاتاااا
راح ارفق بالرد الجاي كم صورة لسيارة شفتها بشارع التحلية ماشاء الله تبارك الله عليها الله لا يضرها .. صايرة مجنوونة
واهم شي انه عدلها وخلاها شكمانين بدال واحد وهذا غير الزوايد والجنوط وغيره ... يعني بصراحة تعديل ذووق (طمست اللوحة حفاظاً لحق صاحبها)
و راح ارفق صورة لتعديلات عبداللطيف جميل واللي هي اللكزس الفضية ... شوفوها وقولولي وش رايكم بالفرق؟
ادري اني طولت بالحيل ... وإني ما أنعطى موضوع :D لأني ما أصدق على الله أبدا أبربر بكل شي تقل اني قاعد اسولف مع واحد من الشباب :D
ومشكورين على حسن قرايتكم للموضوع ... وبانتظار ردودكم
سلام عليكم
