طريقه مهذبه للتلاعب في مكافأة الطلاب ...

غريبه

حنا جتنا البطاقات الجديده للكليه قبل تنتهي القديمه باسبوعين

هلا وغلا اخوي ...

اول شي بالنسبه للبطاقات غير انك ما تقدر تصرف الا من سامبا ما تقدر تسحب جزء من المكافأه يا كلها ولا خلها ...

ومشكلة التجديد مثل ما قلت ما يقبلون يجددونها الا بعد ما تنتهي ولما تنتهي تقدم على طلب وانت وحظك تطلع بعد اسبوع ولا تظيع اوراقك مثل واحد من العيال جلس يراكض وراهم حوالي شهر كامل كل مره يحذفونه مكان ...

البنوك الثانيه الاصدار يكون في نفس الوقت وانت جالس ...

اول يوم في الاختبارات بعد العيد رحت بستلم بطاقتي قالي جيب لنا صوره من البطاقة الجامعيه ... قلت له طيب ورا ما قلتي اجيبها لك يوم قدمت على الطلب قالي نسيت ... رحت للسكيورتي قلت له ابي اصور قالي معليش مافيه ورق روح الحرم الجامعي ... رحت هناك لقيت الات التصوير مسكر عليها في المكاتب ومكتبت التصوير مسكره ورحت للسكيوتري اللي جوا الجامعه وطلبت منه اوراق ورحت للبنك وعطيت السكيورتي حق البنك الاوراق وقلت له الحين مالك عذر ناظر فيني حسيت وده يلخني كف المهم قام وصورها لي ورجعت امسك سرا مره ثانيه ويوم وصلت للموظف وعطيته الصوره قالي وين صورة بطاقة الاحوال ؟؟؟؟؟؟؟؟؟؟؟؟ اذبحه ؟؟ ولا شسوي فيه ؟؟ قفت معي قلت له الحين انت ما طلبت مني الا البطاقة الجامعيه تستهبل انت ؟؟؟ يخوي وين عايشين فيه ترانا في سامبا الجامعه يعني في مقطعه نعتبر برا الرياض وين القالك واحد يصور لك الحين لو انت قايل لي يوم قدمت الطلب ونسيتها استاهل بس انتم الغلطانين المهم ناديت السيكيورتي وعطيته الاثبات وصوره وجاب الصوره قلت للموظف الحين لو كنت مصور البطاقة الجامعيه في البهو اتمشور مره ثانيه عشان خاطرك طال عمرك ؟؟ قالي ترا ممنوع تصور اوراق في البنك بس تساهل معاك السكيوريتي خلصت واخذت البطاقه قالي وراك معصب ترا الدنيا ما تسوا انا ما ودي اتهور واهايط في الاخير بتطيح على راسي ناظرته وسحبت عليه ومشيت .....

بالله هذا كلام احد يرضا فيه ..؟؟؟